လံာ်ပှၤစံၣ်တဲၤတဲလီၤတၢ် 3:13 - Sgaw Karen Common Bible

¹³ ပဝဲခဲလၢာ်ပကြၢးအီၣ်တၢ်အီတၢ်ဒီးမုာ်လၤသးခုလၢတၢ်လၢပမၤ တ့ၢ်ခဲလၢာ်အပူၤန့ၣ်လီၤ. အအံၤမ့ၢ်ကစၢ်ယွၤအတၢ်ဟ့ၣ်လီၤ.

လံာ်ပှၤစံၣ်တဲၤတဲလီၤတၢ် 3:13 Iomraidhean Croise

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 34:12

မ့ၢ်နအဲၣ်ဒိးမုာ်လၤသးခုလၢတၢ်အိၣ်မူအပူၤန့ၣ်ဧါ. မ့ၢ်နဆၢဒိးန့ၢ်ဘၣ်တၢ်အိၣ်ကၢအိၣ်ခိး ဒီးတၢ်သူၣ်ခုသးခုန့ၣ်ဧါ.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:3

လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:2

ကစၢ်ယွၤကဟ့ၣ်လီၤပှၤတဂၤဂၤလၢတၢ်ထူးတၢ်တီၤ, တၢ်လၤကပီၤ, ဒီးတၢ်စုလီၢ်ခီၣ်ခိၣ်ဒီးတၢ်ခဲလၢာ်လၢအသးလီဝဲန့ၣ်လီၤ. ဘၣ်ဆၣ်ဒီးတပျဲဘၣ်အဝဲလၢအကမုာ်လၤသးခုဝဲ လၢတၢ်န့ၣ်အဃိဘၣ်. အခိၣ်တလိာ်ပှၤအဂၤကမုာ်လၤသးခု လၢအလီၢ်န့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်, ဒီးတၢ်န့ၣ်ကမၣ်ခဲလၢာ်လီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 26:11

စံးဘျုးကစၢ်ယွၤလၢတၢ်အဂ့ၤတဖၣ်လၢ ယွၤသုကစၢ်ယွၤဟ့ၣ်လီၤသုဝဲဒီးသုပှၤဟံၣ်ဖိဃီဖိ, ဒီးပျဲပှၤလ့ၤဝံဖိတဖၣ်ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါဘူၣ်သကိးဘါသကိးတၢ်ဒီးသုတက့ၢ်.