လံာ်ပှၤစံၣ်တဲၤတဲလီၤတၢ် 2:9 - Sgaw Karen Common Bible

⁹ မ့ၢ်လီၤ. ယမ့ၢ်တ့ၢ်ပှၤအဒိၣ်, လၢအဒိၣ်န့ၢ်ဒံးပှၤတဂၤလၢ်လၢ်လၢ အအိၣ်မူတ့ၢ်လၢဝ့ၢ်ယရူၤၡလ့ၣ်အပူၤန့ၣ်လီၤ. ဒီးယတၢ်ကူၣ်သ့တမၤဟးဂီၤယသးနီတစုဘၣ်.

လံာ်ပှၤစံၣ်တဲၤတဲလီၤတၢ် 2:9 Iomraidhean Croise

လံာ်စီၤပၤအခီၣ်ထံးတဘ့ၣ် 10:23

စီၤပၤၡလိၤမိၤကဲဒိၣ်ဒီးကူၣ်တၢ်သ့အါန့ၢ်ဒံးစီၤပၤအဂုၤအဂၤ,

လံာ်စီၤပၤအခီၣ်ထံးတဘ့ၣ် 10:7

ဘၣ်ဆၣ်တချုးဒံးဘၣ်လၢယဟဲထံၣ်ဘၣ်အီၤခဲလၢာ်လၢယနီၢ်ကစၢ်ဒၣ် ယဲန့ၣ်ယနာ်အီၤတသ့ဘၣ်. ဒီးတၢ်လၢယနၢ်ဟူဘၣ်န့ၣ်, တထီၣ်ဘးဒၣ်လဲာ်တဝာ်ဘၣ်. နတၢ်ကူၣ်သ့ဒီးနတၢ်ထူးတၢ်တီၤတဖၣ်အိၣ်အါန့ၢ်ဒံးတၢ်လၢပှၤတဲ ဘၣ်တ့ၢ်ယၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:25

ယွၤပာ်ဒိၣ်ပာ်ထီစီၤၡလိၤမိၤဒိၣ်ဒိၣ်ကလဲာ်လၢအံၣ်စရ့လးခဲ လၢာ်အမဲာ်ညါဒီးဒုးကဲထီၣ်အီၤစီၤပၤတဂၤလၢအလၤကပီၤအိၣ်အါ န့ၢ်ဒံးစီၤပၤအဂၤလၢအပၢတ့ၢ်ကီၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:16

ယစံးလီၤတ့ၢ်ယသး, ယကဲထီၣ်ပှၤဖးဒိၣ်တဂၤလံ. ယကူၣ်သ့ဒိၣ်န့ၢ်ဒံးပှၤတဂၤဂ့ၤတဂၤဂ့ၤလၢအပၢဝ့ၢ်ယရူၤၡလ့ၣ် လၢယမဲာ်ညါန့ၣ်လီၤ. တၢ်ကူၣ်သ့ဒီးတၢ်သ့ၣ်ညါ နီၢ်နီၢ်မ့ၢ်တၢ်မနုၤလဲၣ်န့ၣ်, ယသ့ၣ်ညါယဲလီၤ.

လံာ်ပှၤစံၣ်တဲၤတဲလီၤတၢ် 5:11

နဒံးထူးထီၣ်တီၤထီၣ်ဒီး, ကိာ်ပူၤကဒံးအါထီၣ်ဝဲလၢနကဘၣ် ဒုးအီၣ်အီၤန့ၣ်လီၤ. တၢ်လၢနမၤန့ၢ်အီၤခဲလၢာ်န့ၣ်, မ့ၢ်တၢ်သ့ၣ်ညါလၢနမ့ၢ်ပှၤအထူးအတီၤအဃိန့ၣ်လီၤ.