လံာ်ပှၤစံၣ်တဲၤတဲလီၤတၢ် 2:7 - Sgaw Karen Common Bible

⁷ ယပှ့ၤတ့ၢ်ကုၢ်တဖၣ်အါမးဒီးယအိၣ်စ့ၢ်ကီးဒီးကုၢ်တဖၣ်လၢအအိၣ် ဖျဲၣ်ထီၣ်လၢယဟံၣ်ပူၤလီၤ. ယအိၣ်ဒီးဂီၤဘုၣ်ဂီၤဖံး, သိ, မဲာ်တဲးလဲးအဖုအဂီၢ်တဖၣ်အါန့ၢ်ဒံးပှၤလၢအအိၣ်ဝဲလၢ ယမဲာ်ညါလၢဝ့ၢ်ယရူၤၡလ့ၣ်အပူၤတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:7 Iomraidhean Croise

လံာ်တၢ်ကဲထီၣ်အခီၣ်ထံး 13:2

စီၤအၤဘြၣ်မ့ၢ်ပှၤထူးဝဲတီၤဝဲဒိၣ်မးလၢအအိၣ်ဒီးသိ, မဲာ်တဲးလဲးဒီးဂီၤဘုၣ်ဂီၤဖံးဒီးထူဧိၤလွဲဧိၤ, ကျိၣ်ဧိၤစ့ဧိၤသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 14:14

ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:3

နတဟ့ၣ်လီၤတ့ၢ်ယၤဖိနီတဂၤဘၣ်. ဒီးပှၤလၢကန့ၢ်သါယတၢ်စုလီၢ် ခီၣ်ခိၣ်န့ၣ်မ့ၢ်ဒၣ်ယကုၢ်တဖၣ်အကျါတဂၤလီၤ.”

လံာ်စီၤပၤအခီၣ်ထံးတဘ့ၣ် 4:23

ဂီၤဖံးဘီၣ်လၢတၢ်ဘုၣ်အီၤလၢကရၢၢ်ပူၤဆံဆဲၣ်ဒု, ဂီၤဖံးလၢအအီၣ်တၢ်လၢအီၣ်ဆၣ်လီၢ်တဖၣ်အဒုခံဆံ, ဒီးသိအဒုတကယၤလီၤ. လၢန့ၣ်အမဲာ်ညါအိၣ်စ့ၢ်ကီးဒီးတၤယုၢ်တဖၣ်, တၤဟိစဘံတဖၣ်တၤယုၢ်ယးပမိၢ်တဖၣ်ဒီးထိၣ်ဖိဆီဖိတဖၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 3:4

ကီၢ်မိၤအးအစီၤပၤမ့ၡၤဘုၣ်ဝဲသိ, ဒီးကိးနံၣ်ဒဲးဟ့ၣ်ဝဲ သိဖိအဒုတကလီၢ်ဒီးသိအဒုတကလီၢ်အဆူၣ်ဆူကီၢ်အံၣ်စရ့လး အစီၤပၤအအိၣ်, ဒ်တၢ်ခိတၢ်သွဲအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်စီၤဧ့စြၤ 2:55

စီၤၡလိၤမိၤအခ့အပှၤတဖၣ်အဒူၣ်ဖိထၢဖိလၢအဟဲက့ၤလၢတၢ်စိာ် မၢကဲကုၢ်တဖၣ်မ့ၢ်ဝဲ, ပှၤစိတဲၤဖိ, ပှၤစိဖ့ၤရ့းဖိ, ပှၤပရူဒၤဖိ

လံာ်စီၤဧ့စြၤ 2:58

တၢ်လုၢ်ဟံၣ်အပှၤမၤတၢ်ဖိတဖၣ်အစၢၤအသွဲၣ်ဒီးစီၤၡလိၤမိၤအခ့ အပှၤတဖၣ်အစၢၤအသွဲၣ်လၢအဟဲက့ၤကဒါက့ၤလၢတၢ်စိာ်မၢကဲကုၢ်ခဲ လၢာ်မ့ၢ်ဝဲသၢကယၤခွံဆံခံ ဂၤလီၤ.

လံာ်စီၤနဃ့မယၤ 7:57

စီၤၡလိၤမိၤအခ့အပှၤအဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်တဖၣ်မ့ၢ်ဝဲ, စီၤစိတဲၤအဒူၣ်ဖိထၢဖိ,

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,