လံာ်ပှၤစံၣ်တဲၤတဲလီၤတၢ် 2:4 - Sgaw Karen Common Bible

⁴ ယမၤကဲထီၣ်လိၣ်ထီၣ်တၢ်ဖးဒိၣ်တဖၣ်လီၤ. ယသူၣ်ထီၣ်ဘှီထီၣ်တ့ၢ်ဟံၣ်တဖၣ်ဒီးသူၣ်လီၤဖျးလီၤစပံးလီၢ် တဖၣ်လၢယဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:4 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:18

ဖဲအဝဲအိၣ်မူဒံးအခါန့ၣ်စီၤအးဘၡါလိၣ်သူၣ်ထီၣ်တ့ၢ် တၢ်သ့ၣ်နီၣ်အလၢၢ်ထူၣ်တထူၣ်လၢအဂီၢ်ဒၣ်ဝဲလၢစီၤပၤအတၢ်တြီၤပူၤန့ၣ် လီၤ. အဂ့ၢ်ဒ်အံၤ, အဝဲတအိၣ်ဒီးအဖိခွါနီတဂၤလၢကစိာ်မူအဝဲအမံၤ အဂီၢ်န့ၣ်ဘၣ်. လၢတၢ်န့ၣ်အဃိအဝဲယုၢ်န့ၢ်လၢၢ်ထူၣ်န့ၣ်အမံၤဒ်အဝဲအမံၤဒၣ်ဝဲ ဒီးတုၤမုၢ်မဆါတနံၤအံၤန့ၣ်, လၢၢ်ထူၣ်န့ၣ်ဘၣ်တၢ်သ့ၣ်ညါအီၤဒ်တၢ်သ့ၣ်နီၣ်စီၤအးဘၡါလိၣ် အလၢၢ်ထူၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:19

တၢ်ကစီၣ်မ့ၢ်ဝဲ, “မ်ပဒီသိၣ်ဒီမှံၤလိာ်ပသးဒ်ပပၢ်သ့ၣ်တဖၣ် အသိးန့ၣ်တက့ၢ်. စ့ဒီးထူတဖၣ်အံၤမ့ၢ်တၢ်ဟ့ၣ်ကနၢၤလၢနဂီၢ်န့ၣ်လီၤ. ခဲကနံၣ်အံၤမၤဟးဂီၤကွံာ်နတၢ်ဒီသိၣ်ဒီမှံၤဒီးကီၢ်အံၣ်စရ့လး အစီၤပၤဘါၡၤ, ဒ်သိးအဝဲကဘၣ်ထုးက့ၤအသုးဖိတဖၣ်လၢယတၢ်လီၢ်ကဝီၤအပူၤန့ၣ် တက့ၢ်.”

လံာ်စီၤပၤအခီၣ်ထံးတဘ့ၣ် 9:1

တုၤစီၤပၤၡလိၤမိၤမၤဝံၤတၢ်သူၣ်ထီၣ်ဘှီထီၣ်ယွၤအတၢ်လုၢ်ဟံၣ်, ဒီးနီ, ဒီးကယဲၢ်တၢ်လၢအဝဲအဲၣ်ဒိးဘှီထီၣ်ဝဲတဖၣ်အလီၢ်ခံ န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 27:27

စီၤၡံမံၤလၢဝ့ၢ်ရၤမါမ့ၢ်ပှၤအခိၣ်အဒိၣ်ကတၢၢ်, လၢစပံးလီၢ်တဖၣ်အဖီခိၣ်လီၤ. စီၤစးဘဒံၤလၢဝ့ၢ်ၡံးဖမးမ့ၢ် ပှၤအခိၣ်အဒိၣ်ကတၢၢ်လၢတၢ်ပၢၤစပံးသၣ်လၢတၢ်ကထုးထီၣ်စပံးထံ အလီၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:11

စီၤၡလိၤမိၤဒုးဟးထီၣ်ကွံာ်အမါလၢအမ့ၢ်ကီၢ်အဲၤကူပတူး အစီၤပၤအဖိမုၣ်လၢစီၤဒၤဝံးအဝ့ၢ်ဆူဟံၣ်တဖျၢၣ်လၢအဝဲသူၣ် ထီၣ်ဝဲလၢအမါအံၤအဂီၢ်န့ၣ်လီၤ. အဝဲစံးဝဲ, “ပိာ်မုၣ်အံၤတဘၣ်အိၣ်လၢအံၣ်စရ့လးအစီၤပၤဒၤ ဝံးအနီပူၤဘၣ်. အဂ့ၢ်ဒ်အံၤ, တၢ်လီၢ်တပူၤလၢ်လၢ်ဖဲ တၢ်အၢၣ်လီၤအီလီၤအတလါစီဆှံအိၣ်ဝဲန့ၣ်မ့ၢ်တၢ်လီၢ်စီဆှံ န့ၣ်လီၤ.”

စံးထီၣ်ပတြၢၤ 49:11

တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:14

ပှၤလၢယအဲၣ်အီၤတဂၤလီၤဂာ်ဒ်သ့ၣ်ဂီၤစုမ့ၣ်တကရူၢ်အသိး, လၢအဘိၣ်ထီၣ်ဖးထီၣ်ဖဲဧ့ၣ်က့ဒံၤစပံးအလီၢ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:12

ပကဂဲၤဆၢထၢၣ်ဂီၤဂီၤဒီးကွၢ်စပံးမုၢ်တဖၣ်, ဒီးထံၣ်မ့ၢ်အဒိၣ်ထီၣ်လံဧါ, မ့ၢ်အဝဲသ့ၣ်ဘိၣ်ထီၣ်ဖးထီၣ်လံဧါ, ဒီးသ့ၣ်သလဲသၣ်ဖျိထီၣ်လံဧါန့ၣ်တက့ၢ်. ဖဲန့ၣ်ယကဟ့ၣ်နၤယတၢ်အဲၣ်န့ၣ်လီၤ.

လံာ်ယၡါယၤ 5:1

ဖဲယသးဝံၣ်န့ၢ်နၤတၢ်သးဝံၣ်အံၤ, ယတံၤသကိးဒီးအစပံးလီၢ် အတၢ်သးဝံၣ်တယုၢ်အံၤန့ၣ်, ဒိကနၣ်တက့ၢ်. ယတံၤသကိးအိၣ်ဒီးအစပံးလီၢ်တလီၢ်လၢအအိၣ်လၢကစၢၢ်ဖိ လၢဟီၣ်ခိၣ်ညၣ်ထ့ၣ်ဂ့ၤဒိၣ်မးအဒီခိၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”