လံာ်ပှၤစံၣ်တဲၤတဲလီၤတၢ် 2:3 - Sgaw Karen Common Bible

³ လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:3 Iomraidhean Croise

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်စီၤယိၤဘး 14:14

ပှၤကညီမ့ၢ်သံဒီးကမူထီၣ်ဒံးစ့ၢ်ကီးဧါ. ဘၣ်ဆၣ်ယကအိၣ်ခိး တၢ်ဆၢကတီၢ်လၢအဂ့ၤ, ဒီးအိၣ်ခိးပာ်တုၤလီၤလၢတၢ်ကိၢ် တၢ်ဂီၤအကတီၢ်ကတၢၢ်ဝဲတစုန့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ပှၤစံၣ်တဲၤတဲလီၤတၢ် 7:25

ဘၣ်ဆၣ်ဒီးယဟ့ၣ်လီၤယသးဆူတၢ်သ့ၣ်ညါဒီးတၢ်မၤလိ န့ၢ်တၢ်လီၤ. ယပာ်လီၤယသးလၢယကဃုန့ၢ်တၢ်ကူၣ်သ့ဒီးတၢ်စံးဆၢ တဖၣ်လၢယတၢ်သံကွၢ်တဖၣ်အဂီၢ်, ဒီးလၢယကမၤလိတၢ်သူၣ်တထံသးတဆးအံၤအၢဆံးအါဆံးအါမၢး ဆံးအါဆံးအါအဂ့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်ပှၤစံၣ်ညီၣ်ကွီၢ် 9:13

ဘၣ်ဆၣ်ဒီးစပံးမုၢ်စံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ် ဆိကတီၢ်ယတၢ်ဟ့ၣ်ထီၣ်ယစပံးထံလၢ အဒုးသးခုယွၤတဖၣ်ဒီးပှၤကညီတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:36

နီၢ်အဘံၤကါယံးလးက့ၤဆူစီၤနၤဘလးအအိၣ်, ဖဲအမၤတၢ်အီၣ်အမူးဖးဒိၣ်ကြၢးဝဲလၢစီၤပၤတဂၤအဂီၢ်လၢအဟံၣ်န့ၣ်လီၤ. အဝဲအီမူၤအသးလၢသံးဒီးအိၣ်လၢတၢ်သးဖှံအပူၤလီၤ. လၢတၢ်န့ၣ်အဃိတချုးတုၤလၢမုၢ်ဆ့ၣ်ထီၣ်တနံၤဒံးဘၣ်ဒီးပိာ်မုၣ်န့ၣ် တတဲဘၣ်အီၤလၢတၢ်နီတမံၤဘၣ်န့ၣ်လီၤ.