လံာ်ပှၤစံၣ်တဲၤတဲလီၤတၢ် 2:24 - Sgaw Karen Common Bible

²⁴ တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:24 Iomraidhean Croise

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

လံာ်ပှၤစံၣ်တဲၤတဲလီၤတၢ် 2:10

ဒီးတၢ်လၢယသးလီတမံၤလၢ်လၢ်န့ၣ်, ယမၤန့ၢ်ယဲလီၤ. ယတပျဲဘၣ်တၢ်မုာ်လၤသးခုလဲၤပူၤကွံာ်လၢယဂီၢ်နီတမံၤဘၣ်. ယပာ်ကဖၢလၢယသးလၢတၢ်လၢယမၤတ့ၢ်အီၤကိးမံၤဒဲးအဃိ, ဒီးတၢ်ခဲလၢာ်အံၤမ့ၢ်ယခိၣ်ဖးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:25

နကအိၣ်ဒီးတၢ်တမံၤမံၤလၢနကအီၣ်တၢ်အဂီၢ်မ့ၢ်ဂ့ၤ, လၢနကမုာ်လၤသးဖှံအဂီၢ်မ့ၢ်ဂ့ၤကသ့ဒ်လဲၣ်.

လံာ်ပှၤစံၣ်တဲၤတဲလီၤတၢ် 2:3

လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 5:17

ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 6:2

ကစၢ်ယွၤကဟ့ၣ်လီၤပှၤတဂၤဂၤလၢတၢ်ထူးတၢ်တီၤ, တၢ်လၤကပီၤ, ဒီးတၢ်စုလီၢ်ခီၣ်ခိၣ်ဒီးတၢ်ခဲလၢာ်လၢအသးလီဝဲန့ၣ်လီၤ. ဘၣ်ဆၣ်ဒီးတပျဲဘၣ်အဝဲလၢအကမုာ်လၤသးခုဝဲ လၢတၢ်န့ၣ်အဃိဘၣ်. အခိၣ်တလိာ်ပှၤအဂၤကမုာ်လၤသးခု လၢအလီၢ်န့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်, ဒီးတၢ်န့ၣ်ကမၣ်ခဲလၢာ်လီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 12:18

သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.