လံာ်ပှၤစံၣ်တဲၤတဲလီၤတၢ် 2:23 - Sgaw Karen Common Bible

²³ လၢနတၢ်အိၣ်မူဒီကတီၢ်ညါန့ၣ်, တၢ်လၢနမၤအီၤခဲလၢာ်ဟဲစိာ် န့ၢ်နၤထဲတၢ်ကိၢ်တၢ်ဂီၤဒီးတၢ်သူၣ်လီၤဘှံးသးလီၤတီၤန့ၣ် လီၤ. လၢမုၢ်နၤခီအဆၢကတီၢ်ဒၣ်လဲာ်, နသးတဘၣ်တၢ်အမုာ်ဘၣ်. တၢ်ခဲလၢာ်န့ၣ်အဘျုးတအိၣ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 2:23 Iomraidhean Croise

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်နီၢ်အ့ၤစတၢ် 6:1

ဖဲမုၢ်တနၤဃီန့ၣ်, စီၤပၤမံတန့ၢ်ဘၣ်အဃိ, အဝဲမၤလိာ်ဝဲလၢပှၤကဟဲစိာ်န့ၢ်အီၤဘီမုၢ်အတၢ်ကွဲးနီၣ် တဖၣ်ဒီးဖးန့ၢ်အီၤန့ၣ်လီၤ.

လံာ်စီၤယိၤဘး 14:1

ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

လံာ်စီၤယိၤဘး 5:7

မ့မ့ၢ်ပှၤကညီဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်ဒၣ်ဝဲ, မၤသးသပှၢ်တၢၢ်ဒ်မ့ၣ်အူဖီလၢအဒံကွံာ်ဆူထးဟဲလၢ မ့ၣ်အူအသိးန့ၣ်လီၤ.

စံးထီၣ်ပတြၢၤ 127:2

သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

စံးထီၣ်ပတြၢၤ 32:4

ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 90:15

ဟ့ၣ်လၢ်ပှၤတၢ်သူၣ်ခုသးခုဒိၣ်ဒိၣ်အါအါခဲအံၤ, ဒ်နဟ့ၣ်တ့ၢ်ပှၤတၢ်သူၣ်အုးသးအုး လၢတၢ်သူၣ်ကိၢ်သးဂီၤအနံၣ်အလါ တဖၣ်အပူၤအသိးန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 1:13

ယပာ်လီၤယသးလၢယကသမံသမိးဒီးမၤလိတၢ်ခဲလၢာ်လၢအဘၣ်တၢ်မၤ တ့ၢ်အီၤလၢဟီၣ်ခိၣ်ချၢအံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:18

နဒံးကူၣ်သ့ဒီးနတၢ်ကိၢ်တၢ်ဂီၤဒံးအါထီၣ်လီၤ. နတၢ်သ့ၣ်ညါဒံးအါ, တၢ်န့ၣ်မၤဘၣ်ဒိဘၣ်ထံးနၤဒံးဒိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:12

ပှၤလၢအမၤတၢ်တဂၤန့ၣ်, တၢ်အီၣ်ကအိၣ်ဒီးအီၤလၢလၢပှဲၤပှဲၤ, မ့တမ့ၢ်တအိၣ်ဒီးအီၤသ့ၣ်သ့ၣ်လီၤ. ဘၣ်ဆၣ်, အစှၤကတၢၢ်န့ၣ်, အဝဲကမံဘၣ်ဝဲမုာ်မုာ်န့ၣ်လီၤ. မ့မ့ၢ်, ပှၤအထူးအတီၤတဂၤန့ၣ်အတၢ်အိၣ်အါတုၤဒၣ်လဲာ်ဘၣ်ကိၢ်ဘၣ် ဂီၤဒီးမံဝဲတန့ၢ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 5:17

ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 8:16

ဖဲယကျဲးစၢးကဲထီၣ်ပှၤကူၣ်သ့ဒီးမၤလိတၢ်လၢအမၤသးလၢဟီၣ် ခိၣ်အံၤတဘျီလၢ်လၢ်န့ၣ်ယသ့ၣ်ညါလီၤတံၢ်လၢ, မုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤနကအိၣ်ဖုသံနီၣ်တထံၣ်ဃီ,

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.