လံာ်ပှၤစံၣ်တဲၤတဲလီၤတၢ် 2:22 - Sgaw Karen Common Bible

²² နမၤတၢ်ဒီးမၤကိၢ်မၤဂီၤနကျဲလၢနတၢ်အိၣ်မူဒီကတီၢ်ညါ, ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 2:22 Iomraidhean Croise

စံးထီၣ်ပတြၢၤ 127:2

သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

တၢ်ကတိၤဒိ. 16:26

ပှၤမၤတၢ်ဖိတဂၤအသးဃ့အီၣ်တၢ်, ဒုးမၤအီၤတၢ်ဆူၣ်ဒိၣ်ထီၣ် တက့ၢ်လီၤ. အဂ့ၢ်ဒ်အံၤ, အသးအိၣ်ဝဲလၢကမၤမံသူၣ်မံသးအတၢ်သၣ်ဝံၤအဃိလီၤ.

လံာ်ပှၤစံၣ်တဲၤတဲလီၤတၢ် 1:3

နမၤလၢာ်နတၢ်အိၣ်မူလၢတၢ်ဖံးတၢ်မၤ, တၢ်ကျဲးစၢးလၢာ်ဂံၢ်လၢာ်ဘါ, ဘၣ်ဆၣ်ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:9

လၢပတၢ်မၤခဲလၢာ်အဃိ, ပဘၣ်ဘျုးလၢမနုၤတမံၤလဲၣ်.

လံာ်ပှၤစံၣ်တဲၤတဲလီၤတၢ် 4:6

ဘၣ်သ့ၣ်သ့ၣ်ကမ့ၢ်ဒ်န့ၣ်လီၤ. ဘၣ်ဆၣ်တၢ်အိၣ်ဒီးတၢ်တဆံးတက့ၢ်ဃုာ်ဒီးသးအတၢ်ဃူတၢ်ဖိးန့ၣ်, ဂ့ၤဒိၣ်န့ၢ်ဒံးတၢ်ဖံးအါမၤအါတထံၣ်ဃီလၢစုခံခီလၢာ်ဒီး တၢ်ကျဲးစၢးဖီၣ်ကလံၤတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:17

ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်မးသဲ 6:34

မၤသးဒ်န့ၣ်ဒီး, ဘၣ်ယိၣ်တၢ်လၢခဲဂီၤအဂီၢ်တဂ့ၤ. အဂ့ၢ်ဒ်အံၤ, ခဲဂီၤကအိၣ်ဒီးအတၢ်ဘၣ်ယိၣ်ဘၣ်ဘီဒၣ်ဝဲလီၤ. အလီၢ်တအိၣ်လၢပကပာ်ဖှိၣ်အါထီၣ်မုၢ်တနံၤအတၢ်ကိၢ်တၢ်ဂီၤဘၣ်. မုၢ်တနံၤအတၢ်ကိၢ်တၢ်ဂီၤန့ၣ်အါလံလၢအဂီၢ်ဒၣ်ဝဲလံ.

လံာ်လူၤကၣ် 12:22

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

လံာ်လူၤကၣ် 12:29

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ.

1 ကရံၣ်သူး 16:16

လၢသုကပိာ်ထွဲခိၣ်နၢ်ဒ်အံၤအသိးတဖၣ်အတၢ်ပၢတၢ်ဆှၢဒီးပှၤ တဂၤလၢ်လၢ်လၢအဖံးတၢ်မၤတၢ်ဒီးမၤယွၤအတၢ်မၤတပူၤဃီဒီး အဝဲသ့ၣ်တဖၣ်န့ၣ်အတၢ်ပၢတၢ်ဆှၢလီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ တံၤမသ့း 6:8

မ့မ့ၢ်ဒ်န့ၣ်ဒီး, ပမ့ၢ်အိၣ်ဒီးတၢ်အီၣ်တၢ်အီဒီးတၢ်ကူတၢ်ကၤတဖၣ် ဒီးပကြၢးသူၣ်မံသးမံလံလီၤ.

၁ ပ့းတရူး 5:7

ပာ်ထီၣ်သုတၢ်ဘၣ်ယိၣ်ဘၣ်ဘီခဲလၢာ်လၢအဝဲဒၣ်အလိၤ တက့ၢ်. အဂ့ၢ်ဒ်အံၤအသးအိၣ်သုလီၤ.