လံာ်ပှၤစံၣ်တဲၤတဲလီၤတၢ် 2:21 - Sgaw Karen Common Bible

²¹ နမၤတၢ်လၢတၢ်တမံၤမံၤအဂီၢ်လၢကယဲၢ်နတၢ်ကူၣ်သ့, တၢ်သ့ၣ်ညါ, ဒီးတၢ်သ့တၢ်ဘၣ်အပူၤ, ဝံၤဒီးနဘၣ်ပာ်တီၢ်တၢ်ခဲ လၢာ်န့ၣ်လၢပှၤတဂၤဂၤလၢအတဘၣ်မၤတၢ်လၢတၢ်န့ၣ်အဂီၢ်ဘၣ်လီၤ. တၢ်အံၤမ့ၢ်တၢ်အဘျုးတအိၣ်ဘၣ်ဒီးတမ့ၢ်တၢ်အဘၣ်စ့ၢ်ကီးဘၣ်.

လံာ်ပှၤစံၣ်တဲၤတဲလီၤတၢ် 2:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 34:2

အဝဲမၤတ့ၢ်တၢ်လၢအဘၣ်ယွၤအသး, အဝဲလူၤပိာ်ထွဲအပၢ်ဖးဒိၣ်လၢ ပျၢၤစီၤဒၤဝံးအဒိအတဲာ်အခံ, ဒီးစူၢ်ကယဲၢ်ကစၢ်ယွၤအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:18

စးထီၣ်လၢဝံၡမူၤအ့လးအမုၢ်နံၤတဖၣ်န့ၣ်, ဘူၣ်လဲၤကပာ်တဘၣ်တၢ်မၤအီၤဒ်သိးအံၤနီတစုဘၣ်. ဘူၣ်လဲၤကပာ်ဒ်သိးအံၤလၢအဘၣ်တၢ်မၤအီၤလၢစီၤပၤယိၤၡံယၤ, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီး, ပှၤဂီၢ်မုၢ်လၢကီၢ်ယူဒၤ, ကီၢ်အံၣ်စရ့လးဒီးဝ့ၢ်ယရူၤရှလ့ၣ်န့ၣ်, စီၤပၤလၢအပူၤကွံာ်တဖၣ်တမၤတ့ၢ်ဝဲနီတဂၤနီတစုဘၣ်.

စံးထီၣ်ပတြၢၤ 39:7

ကစၢ်ဧၢ, ခဲကနံၣ်အံၤယမုၢ်လၢ်တၢ်မနုၤသ့လဲၣ်. ယတၢ်မုၢ်လၢ်အိၣ်လၢနပူၤလီၤ.

စံးထီၣ်ပတြၢၤ 49:10

ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 49:11

တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:20

မၤသးဒ်န့ၣ်ဒီးယသးအုးဒီးပီၢ်ယၢ်လီၤက့ၤယသးလၢယမၤတၢ်ဆူၣ် တဘၢးဘၢးညါအဃိလီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:18

တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ယံးရမံယၤ 22:15

နမ့ၢ်သူၣ်ထီၣ်ဟံၣ်တဖၣ်လၢသ့ၣ်ဆှိအ့ရ့းလၢအဂ့ၤန့ၢ်ဒံးပှၤအဂၤ အဟံၣ်တဖၣ်ဒီး, တၢ်န့ၣ်ကဒုးကဲထီၣ်နၤလၢစီၤပၤအဂ့ၤအါဒိၣ်တဂၤဧါ. နပၢ်မုာ်လၤသးခုလၢတၢ်အိၣ်မူအလၢအပှဲၤလီၤ. ထီဘိတထံၣ်ဃီန့ၣ်, အဝဲစံၣ်ညီၣ်တီတၢ်ဒီးတကွၢ်မဲာ်တၢ်ဘၣ်. ဒီးအဝဲဘီၣ်ထီၣ်ညီထီၣ်တ့ၢ်လၢတၢ်ကိးမံၤဒဲးလၢအဝဲမၤတ့ၢ်ဝဲအပူၤန့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”