လံာ်ပှၤစံၣ်တဲၤတဲလီၤတၢ် 2:18 - Sgaw Karen Common Bible

¹⁸ တၢ်လၢယမၤတ့ၢ်ဒီးမၤန့ၢ်တ့ၢ်တဖၣ်အခီပညီတအိၣ်လၢယဂီၢ်နီ တမံၤဘၣ်. အဂ့ၢ်ဒ်အံၤ, ယသ့ၣ်ညါလၢယကဘၣ်ပာ်တီၢ်တ့ၢ်တၢ်တဖၣ်အံၤလၢပှၤလၢ အကဟဲထီၣ်လၢခံတစိၤအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:18 Iomraidhean Croise

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 49:10

ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:13

ယပာ်လီၤယသးလၢယကသမံသမိးဒီးမၤလိတၢ်ခဲလၢာ်လၢအဘၣ်တၢ်မၤ တ့ၢ်အီၤလၢဟီၣ်ခိၣ်ချၢအံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:3

နမၤလၢာ်နတၢ်အိၣ်မူလၢတၢ်ဖံးတၢ်မၤ, တၢ်ကျဲးစၢးလၢာ်ဂံၢ်လၢာ်ဘါ, ဘၣ်ဆၣ်ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:21

နမၤတၢ်လၢတၢ်တမံၤမံၤအဂီၢ်လၢကယဲၢ်နတၢ်ကူၣ်သ့, တၢ်သ့ၣ်ညါ, ဒီးတၢ်သ့တၢ်ဘၣ်အပူၤ, ဝံၤဒီးနဘၣ်ပာ်တီၢ်တၢ်ခဲ လၢာ်န့ၣ်လၢပှၤတဂၤဂၤလၢအတဘၣ်မၤတၢ်လၢတၢ်န့ၣ်အဂီၢ်ဘၣ်လီၤ. တၢ်အံၤမ့ၢ်တၢ်အဘျုးတအိၣ်ဘၣ်ဒီးတမ့ၢ်တၢ်အဘၣ်စ့ၢ်ကီးဘၣ်.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:9

မၤမုာ်နသးဒီးတၢ်အိၣ်မူဃုာ်ဒီးပိာ်မုၣ်လၢနအဲၣ်အီၤ, ဖဲနအိၣ်မူဒံးတၢ်အိၣ်မူလၢအဘျုးတအိၣ်ဘၣ်အကတီၢ်လၢကစၢ်ယွၤ ဟ့ၣ်တ့ၢ်နၤလၢဟီၣ်ခိၣ်အံၤတက့ၢ်. မုာ်လၤလၢမုၢ်နံၤကိးနံၤဒဲးလၢအဘျုးတအိၣ်ဘၣ်န့ၣ်အပူၤတ က့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ခဲလၢာ်လၢနကမၤန့ၢ်အီၤလၢကယဲၢ် နတၢ်ကိၢ်တၢ်ဂီၤအဂီၢ်န့ၣ်လီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

1 ကရံၣ်သူး 3:10

ယသူတၢ်ဟ့ၣ်လၢကစၢ်ယွၤဟ့ၣ်ယၤဒီးမၤပှၤသူၣ်ထီၣ်တၢ်လၢ အသ့အဘၣ်တဂၤအတၢ်မၤဒီးပာ်လီၤတၢ်အခီၣ်ထံး, ဒီးပှၤအဂၤတဂၤသူၣ်ထီၣ်တၢ်လၢအလိၤလီၤ. ဘၣ်ဆၣ်ဒီးပှၤတဂၤဒီးတဂၤကသူၣ်ထီၣ်ဘှီထီၣ်တၢ်ဒ်လဲၣ်ဒ်လဲၣ် န့ၣ်ကဘၣ်ပလီၢ်ပဒီအသးလီၤ.