လံာ်ပှၤစံၣ်တဲၤတဲလီၤတၢ် 2:17 - Sgaw Karen Common Bible

¹⁷ အဃိဒီးတၢ်အိၣ်မူအခီပညီအိၣ်ဖျါထီၣ်လၢတမ့ၢ်တၢ်နီတမံၤလၢ ယဂီၢ်ဘၣ်န့ၣ်လီၤ. အဂ့ၢ်ဒ်အံၤ, တၢ်ကိးမံၤဒဲးလၢတၢ်အိၣ်မူအပူၤအံၤဟဲစိာ်န့ၢ် ဒၣ်ယၤထဲတၢ်ကီတၢ်ခဲန့ၣ်လီၤ. တၢ်ခဲလၢာ်မ့ၢ်တၢ်အဘျုးတအိၣ်ဘၣ်န့ၣ်လီၤ. ယလူၤဖီၣ်တ့ၢ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:17 Iomraidhean Croise

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤယိၤဘး 14:13

ယဆၢလၢနကပာ်ခူသူၣ်ယၤလၢတၢ်သံအကီၢ်ပူၤန့ၣ်လီၤ. ပျဲယဘၣ်တၢ်ပာ်ခူသူၣ်ယၤတုၤလီၤလၢနတၢ်သးထီၣ်ယၤပူၤ ကွံာ်ဒီးပာ်လီၤတၢ်ဆၢကတီၢ်လၢနကသ့ၣ်နီၣ်ထီၣ်က့ၤယၤန့ၣ် တက့ၢ်.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:22

နမၤတၢ်ဒီးမၤကိၢ်မၤဂီၤနကျဲလၢနတၢ်အိၣ်မူဒီကတီၢ်ညါ, ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 3:16

အါန့ၢ်အန့ၣ်, လၢဟီၣ်ခိၣ်အံၤအပူၤယပာ်သူၣ်ပာ်သးစ့ၢ်ကီးလၢ, ဖဲတၢ်စံၣ်ညီၣ်တီဒီးတၢ်အဘၣ်ကြၢးအိၣ်ဝဲအလီၢ်န့ၣ်, တၢ်ထံၣ်န့ၢ်တၢ်တတီတလိၤလီၤ.

လံာ်ပှၤစံၣ်တဲၤတဲလီၤတၢ် 4:2

ယသူၣ်က့ၣ်သးကါဘၣ်ပှၤတဖၣ်လၢအသံဒီးက့ၤတ့ၢ်လံန့ၣ်လီၤ. တၢ်မၤအသးလၢအဝဲသ့ၣ်အဂီၢ်ဂ့ၤဒိၣ်န့ၢ်ဒံးပှၤလၢအအိၣ်မူဒံး တဖၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယိၤနါ 4:3

ဒီးခဲကနံၣ်အံၤ, ယွၤဧၢ, ဟံးန့ၢ်ကွံာ်ယသးသမူလၢယၤန့ၣ်တက့ၢ်. ယဃ့ကညးနၤလီၤ. အဂ့ၢ်ဒ်အံၤ, ယသံဂ့ၤန့ၢ်ယမူတက့ၢ်လီၤ.”

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်ဃဘးကူာ် 1:3

ဘၣ်မနုၤနဒုးထံၣ်ယၤလၢတၢ်ကိၢ်တၢ်ဂီၤဒ်အံၤန့ၣ်လဲၣ်. တၢ်မၤကမၣ်တၢ်ဒ်သိးအံၤန့ၣ်နကွၢ်တမိာ်အီၤကဲမးဒ်လဲၣ်. တၢ်မၤဟးဂူာ်ဟးဂီၤဒီးတၢ်မၤအၢမၤသီအိၣ်ဝးတရံးယၤ, ဒီးတၢ်ဒုးလိာ်ယၤလိာ်သးဒီးတၢ်အ့ၣ်လိာ်ဆိးက့လိာ် အိၣ်လၢတၢ်လီၢ်ကိးပူၤဒဲးန့ၣ်လီၤ.

လံာ်တၢ်ဂံၢ် 11:15

နမ့ၢ်အဲၣ်ဒိးမၤယၤဒ်အံၤန့ၣ်ဒီးသးကညီၤယၤဒီးမၤသံကွံာ် ယၤဒ်သိးယသုတတူၢ်ဘၣ်နတၢ်မၤဆါလၢတအိၣ်ဒီးတၢ်သးကညီၤအံၤ လၢၤတဂ့ၤန့ၣ်တက့ၢ်.”