လံာ်ပှၤစံၣ်တဲၤတဲလီၤတၢ် 2:15 - Sgaw Karen Common Bible

¹⁵ ယဆိကမိၣ်ထီၣ်ယဲ, “ယကဘၣ်တူၢ်တၢ်ဘူၣ်တၢ်တီၢ်တမံၤဃီဒ်ပှၤဟး ဂီၤဖိတဖၣ်အသိးလီၤ. မၤသးဒ်န့ၣ်ဒီး, လၢယကူၣ်တၢ်သ့ထဲန့ၣ်ညါအဃိ, ယမၤန့ၢ်တၢ်မနုၤလဲၣ်.” ယစံးဆၢယဲ, “တန့ၢ်တၢ်နီတမံၤဘၣ်.”

လံာ်ပှၤစံၣ်တဲၤတဲလီၤတၢ် 2:15 Iomraidhean Croise

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:16

ယစံးလီၤတ့ၢ်ယသး, ယကဲထီၣ်ပှၤဖးဒိၣ်တဂၤလံ. ယကူၣ်သ့ဒိၣ်န့ၢ်ဒံးပှၤတဂၤဂ့ၤတဂၤဂ့ၤလၢအပၢဝ့ၢ်ယရူၤၡလ့ၣ် လၢယမဲာ်ညါန့ၣ်လီၤ. တၢ်ကူၣ်သ့ဒီးတၢ်သ့ၣ်ညါ နီၢ်နီၢ်မ့ၢ်တၢ်မနုၤလဲၣ်န့ၣ်, ယသ့ၣ်ညါယဲလီၤ.

လံာ်ပှၤစံၣ်တဲၤတဲလီၤတၢ် 1:18

နဒံးကူၣ်သ့ဒီးနတၢ်ကိၢ်တၢ်ဂီၤဒံးအါထီၣ်လီၤ. နတၢ်သ့ၣ်ညါဒံးအါ, တၢ်န့ၣ်မၤဘၣ်ဒိဘၣ်ထံးနၤဒံးဒိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:2

တၢ်အဘျုးတအိၣ်ဘၣ်. အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်လီၤ. တၢ်အိၣ်မူအံၤအဘျုးတအိၣ်ဘၣ်. တၢ်ခဲလၢာ်န့ၣ်အဘျုး တအိၣ်ဘၣ်.

လံာ်ပှၤစံၣ်တဲၤတဲလီၤတၢ် 2:16

ပှၤတသ့ၣ်နီၣ်ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိတဖၣ်မ့ၢ်ဂ့ၤ နီတဂၤဘၣ်. မုၢ်နံၤလၢအကဟဲတဖၣ်အပူၤန့ၣ်, ပဝဲခဲလၢာ်ပကဘၣ်တၢ်သးပ့ၤနီၣ်ကွံာ်ပှၤန့ၣ်လီၤ. ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိမ့ၢ်ဂ့ၤ, ပကဘၣ်သံဒၣ်ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:11

နဂ့ၢ်လိာ်ဒီးအီၤဒံးယံာ်ဒီးတၢ်အဘျုးတအိၣ်ဘၣ်န့ၣ်ဒံးအါထီၣ် ဒီးနတဂ့ၤလၢၤနီတမံၤဘၣ်.

လံာ်ပှၤစံၣ်တဲၤတဲလီၤတၢ် 6:8

ပှၤလၢအကူၣ်တၢ်သ့တဂၤဂ့ၤဒိၣ်န့ၢ်ဒံးပှၤဟးဂီၤဖိတဂၤလၢကျဲဒ်လဲၣ်. တၢ်သ့ၣ်ညါကွၢ်ဆၢၣ်မဲာ်တၢ်အိၣ်မူန့ၣ်, ကမၤဂ့ၤပှၤအဖှီၣ်တဂၤဒ်လဲၣ်.