လံာ်ပှၤစံၣ်တဲၤတဲလီၤတၢ် 2:14 - Sgaw Karen Common Bible

¹⁴ ပှၤကူၣ်တၢ်သ့တဖၣ်န့ၣ်မ့ၢ်အဝဲသ့ၣ်လဲၤဆူလဲၣ်ဆူလဲၣ်န့ၣ်ထံၣ် သ့ၣ်ညါဝဲလီၤ. မ့မ့ၢ်ပှၤဟးဂီၤဖိတဖၣ်တထံၣ်သ့ၣ်ညါဝဲဘၣ်. ဘၣ်ဆၣ်ဒီးယသ့ၣ်ညါစ့ၢ်ကီးလၢတၢ်ဘူၣ်တၢ်တီၢ်တမံၤဃီန့ၣ်အိၣ် ခိးပာ်ပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 2:14 Iomraidhean Croise

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

စံးထီၣ်ပတြၢၤ 49:10

ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 49:11

တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

တၢ်ကတိၤဒိ. 17:24

ပှၤလၢအသူၣ်ဆးသးဆးတဂၤန့ၣ်ကွၢ်စိဃီၤဆူတၢ်ကူၣ်သ့ အတၢ်မၤလီၤ. မ့မ့ၢ်ပှၤဟးဂီၤဖိတဂၤန့ၣ်စးထီၣ်လဲၤတၢ်လၢ တၢ်ပညိၣ်အါမံၤအပူၤလီၤ.

လံာ်ပှၤစံၣ်တဲၤတဲလီၤတၢ် 2:16

ပှၤတသ့ၣ်နီၣ်ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိတဖၣ်မ့ၢ်ဂ့ၤ နီတဂၤဘၣ်. မုၢ်နံၤလၢအကဟဲတဖၣ်အပူၤန့ၣ်, ပဝဲခဲလၢာ်ပကဘၣ်တၢ်သးပ့ၤနီၣ်ကွံာ်ပှၤန့ၣ်လီၤ. ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိမ့ၢ်ဂ့ၤ, ပကဘၣ်သံဒၣ်ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:19

နီၢ်နီၢ်န့ၣ်, တၢ်ဘူၣ်တၢ်တီၢ်တမံၤဃီအိၣ်ခိးပှၤကညီဒီးဆၣ်ဖိ ကီၢ်ဖိဒ်သိးသိးန့ၣ်လီၤ. တဂၤသံဝဲဒ်အဂၤတဂၤအသိးလီၤ. အဝဲသ့ၣ်မ့ၢ်ဒၣ်တၢ်ဘၣ်တ့ဒ်သိးသိးလီၤ. ပှၤကညီတဂၤတဂ့ၤန့ၢ်ဆၣ်ဖိကီၢ်ဖိတဒုဘၣ်. မ့ၢ်လၢတၢ်အိၣ်မူ အခီပညီတအိၣ်ဘၣ်လၢအဝဲသ့ၣ်အဂီၢ်အဃိလီၤ.

လံာ်ပှၤစံၣ်တဲၤတဲလီၤတၢ် 6:6

တၢ်လၢအဂ့ၤဒိၣ်န့ၢ်ဒံးဒၣ်လဲာ်ပှၤလၢအအိၣ်မူအနံၣ်ခံကထိသနာ် က့တမုာ်လၤသးခုဘၣ်လၢတၢ်အိၣ်မူအပူၤနီတစုဘၣ်တက့ၢ်န့ၣ်လီၤ. နီၢ်နီၢ်န့ၣ်အဝဲသ့ၣ်ခံဂၤလိာ်လဲၤဒၣ်ဆူတၢ်လီၢ်တပူၤဃီန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:8

ပှၤလၢအကူၣ်တၢ်သ့တဂၤဂ့ၤဒိၣ်န့ၢ်ဒံးပှၤဟးဂီၤဖိတဂၤလၢကျဲဒ်လဲၣ်. တၢ်သ့ၣ်ညါကွၢ်ဆၢၣ်မဲာ်တၢ်အိၣ်မူန့ၣ်, ကမၤဂ့ၤပှၤအဖှီၣ်တဂၤဒ်လဲၣ်.

လံာ်ပှၤစံၣ်တဲၤတဲလီၤတၢ် 7:2

တၢ်လဲၤဆူဟံၣ်တဖျၢၣ်ဖဲတၢ်သူၣ်အုးသးအုးအိၣ်ဝဲန့ၣ်, ဂ့ၤဒိၣ်န့ၢ်ဒံးတၢ်လဲၤဆူတၢ်အီၣ်သကိးအီသကိးတၢ်အဟံၣ်တက့ၢ် န့ၣ်လီၤ. အဂ့ၢ်ဒ်အံၤ, ပှၤအမူတဖၣ်ကြၢးမၤသ့ၣ်နီၣ်အသးထီဘိလၢတၢ်သံ အိၣ်ခိးပာ်ပဝဲခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ပှၤစံၣ်တဲၤတဲလီၤတၢ် 9:16

ယစံးယဲထီဘိလၢတၢ်ကူၣ်သ့န့ၣ်ဂ့ၤဒိၣ်န့ၢ်ဒံးတၢ်ဂံၢ်တၢ်ဘါ တက့ၢ်လီၤ. ဘၣ်ဆၣ်ဒီးပှၤတဆိကမိၣ်ထီၣ်ပှၤအဖှီၣ်တဂၤအံၤ အဂ့ၢ်ဒ်ပှၤကူၣ်တၢ်သ့မ့ၢ်ဂ့ၤ, ပာ်သူၣ်ပာ်သးလၢတၢ်လၢအဝဲစံးကတိၤဝဲအဂ့ၢ်မ့ၢ်ဂ့ၤန့ၣ်နီ တဂၤဘၣ်.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.