လံာ်ပှၤစံၣ်တဲၤတဲလီၤတၢ် 2:11 - Sgaw Karen Common Bible

¹¹ အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:11 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

လံာ်တၢ်ဟးထီၣ်ကွံာ် 39:43

စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:3

နမၤလၢာ်နတၢ်အိၣ်မူလၢတၢ်ဖံးတၢ်မၤ, တၢ်ကျဲးစၢးလၢာ်ဂံၢ်လၢာ်ဘါ, ဘၣ်ဆၣ်ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 3:9

လၢပတၢ်မၤခဲလၢာ်အဃိ, ပဘၣ်ဘျုးလၢမနုၤတမံၤလဲၣ်.

လံာ်ပှၤစံၣ်တဲၤတဲလီၤတၢ် 5:10

နမ့ၢ်အဲၣ်စ့ဒီးနသးတမံနီတစုဘၣ်. နမ့ၢ်ဆၢထူးထီၣ်တီၤထီၣ် ဒီး, တၢ်လၢနသးလီအီၤခဲလၢာ်န့ၣ်နမၤတန့ၢ်နီတဘျီဘၣ်. တၢ်အံၤမ့ၢ်တၢ်လၢအဘျုးတအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:16

တၢ်အံၤတဘၣ်ဘၣ်. ပက့ၤဒ်ပဟဲအသိးန့ၣ်လီၤ. ပဖံးတၢ်မၤတၢ်, ပကျဲးစၢးဖီၣ်ကလံၤ, ဒီးပမၤန့ၢ်တၢ်မနုၤလဲၣ်.

လံာ်ဃဘးကူာ် 2:13

ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

၁ တံၤမသ့း 6:6

မ့ၢ်လံ, ပှၤတဂၤမ့ၢ်သးမံလၢတၢ်လၢအအိၣ်ဒီးအီၤန့ၣ်, တၢ်ယူးယီၣ်ယွၤဒုးထူးထီၣ်တီၤထီၣ်အီၤစဲဃဲၤန့ၣ်လီၤ.