လံာ်ပှၤစံၣ်တဲၤတဲလီၤတၢ် 2:10 - Sgaw Karen Common Bible

¹⁰ ဒီးတၢ်လၢယသးလီတမံၤလၢ်လၢ်န့ၣ်, ယမၤန့ၢ်ယဲလီၤ. ယတပျဲဘၣ်တၢ်မုာ်လၤသးခုလဲၤပူၤကွံာ်လၢယဂီၢ်နီတမံၤဘၣ်. ယပာ်ကဖၢလၢယသးလၢတၢ်လၢယမၤတ့ၢ်အီၤကိးမံၤဒဲးအဃိ, ဒီးတၢ်ခဲလၢာ်အံၤမ့ၢ်ယခိၣ်ဖးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:10 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်တၢ်ကဲထီၣ်အခီၣ်ထံး 6:2

ကစၢ်ယွၤအဖိခွါတနီၤထံၣ်ဝဲဒၣ်လၢဖိသၣ်မုၣ်ဖိသ့ၣ်တဖၣ်အံၤ ဃံလၤဝဲဒီးဟံးန့ၢ်ဝဲဖိသၣ်မုၣ်စုာ်စုာ်လၢအဘၣ်သူၣ်ဘၣ်သး ဝဲတဖၣ်န့ၣ်လီၤ.

လံာ်စီၤယိၤဘး 31:1

ယမၤတ့ၢ်လံတၢ်အၢၣ်လီၤအီလီၤလၢယတကွၢ်မုၣ်လိၣ်ဘိ လၢတၢ်သးကတၢအပူၤနီတဘျီလၢၤဘၣ်.

စံးထီၣ်ပတြၢၤ 119:37

ဒုးဃၣ်ကွံာ်ယမဲာ်လၢတၢ်ကွၢ်တၢ်ကလီကလီ ဒီးဟ့ၣ်လၢ်ယၤတၢ်မူလၢ နကျဲဧိၤကပူၤဧိၤန့ၣ်တက့ၢ်.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 2:1

ယပာ်လီၤတ့ၢ်ယသးလၢယကမုာ်လၤသးခုဒီးဃုထံၣ်တၢ်သူၣ်ဖှံ သးညီမ့ၢ်တၢ်မနုၤလဲၣ်န့ၣ်လီၤ. ဘၣ်ဆၣ်ယထံၣ်တ့ၢ်လၢအဝဲအံၤမ့ၢ်စ့ၢ်ကီးတၢ်လၢအဘျုးတအိၣ်ဘၣ် န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:22

နမၤတၢ်ဒီးမၤကိၢ်မၤဂီၤနကျဲလၢနတၢ်အိၣ်မူဒီကတီၢ်ညါ, ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 5:10

နမ့ၢ်အဲၣ်စ့ဒီးနသးတမံနီတစုဘၣ်. နမ့ၢ်ဆၢထူးထီၣ်တီၤထီၣ် ဒီး, တၢ်လၢနသးလီအီၤခဲလၢာ်န့ၣ်နမၤတန့ၢ်နီတဘျီဘၣ်. တၢ်အံၤမ့ၢ်တၢ်လၢအဘျုးတအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:17

ပဘၣ်အိၣ်မူပတၢ်အိၣ်မူတဖၣ်လၢတၢ်ခံးတၢ်နၤဒီးတၢ်သူၣ်အုးသး အုး, တၢ်ဘၣ်ကိၢ်ဘၣ်ဂီၤ, တၢ်သူၣ်ဒိၣ်သးဖျိး, ဒီးတၢ်ဆူးတၢ်ဆါအပူၤလီၤ.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:2

ကစၢ်ယွၤကဟ့ၣ်လီၤပှၤတဂၤဂၤလၢတၢ်ထူးတၢ်တီၤ, တၢ်လၤကပီၤ, ဒီးတၢ်စုလီၢ်ခီၣ်ခိၣ်ဒီးတၢ်ခဲလၢာ်လၢအသးလီဝဲန့ၣ်လီၤ. ဘၣ်ဆၣ်ဒီးတပျဲဘၣ်အဝဲလၢအကမုာ်လၤသးခုဝဲ လၢတၢ်န့ၣ်အဃိဘၣ်. အခိၣ်တလိာ်ပှၤအဂၤကမုာ်လၤသးခု လၢအလီၢ်န့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်, ဒီးတၢ်န့ၣ်ကမၣ်ခဲလၢာ်လီၤ.

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:6

အတၢ်အဲၣ်တၢ်ကွံ, အတၢ်သးဟ့, အတၢ်သးဂဲၤတဖၣ်သံကွံာ်ခဲလၢာ်ဃုာ် ဒီးအဝဲသ့ၣ်လီၤ. အဝဲသ့ၣ်တမၤဃုာ်လၢၤကဒီးတၢ်လၢတၢ်မၤအသးလၢဟီၣ်ခိၣ်အံၤတမံၤ လၢ်လၢ်အပူၤဘၣ်.

လံာ်ပှၤစံၣ်တဲၤတဲလီၤတၢ် 9:9

မၤမုာ်နသးဒီးတၢ်အိၣ်မူဃုာ်ဒီးပိာ်မုၣ်လၢနအဲၣ်အီၤ, ဖဲနအိၣ်မူဒံးတၢ်အိၣ်မူလၢအဘျုးတအိၣ်ဘၣ်အကတီၢ်လၢကစၢ်ယွၤ ဟ့ၣ်တ့ၢ်နၤလၢဟီၣ်ခိၣ်အံၤတက့ၢ်. မုာ်လၤလၢမုၢ်နံၤကိးနံၤဒဲးလၢအဘျုးတအိၣ်ဘၣ်န့ၣ်အပူၤတ က့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ခဲလၢာ်လၢနကမၤန့ၢ်အီၤလၢကယဲၢ် နတၢ်ကိၢ်တၢ်ဂီၤအဂီၢ်န့ၣ်လီၤ.

၁ ယိၤဟၣ် 2:16

အဂ့ၢ်ဒ်လဲၣ်န့ၣ်, ကယဲၢ်တၢ်လၢအဘၣ်ဃးဒီးဟီၣ်ခိၣ်လၢ အမ့ၢ်ပနီၢ်ခိအတၢ်သးကွံ, ပမဲာ်အတၢ်သးကွံ, ဒီးတၢ်ပာ်ကဖၢလၢပသးလၢတၢ်လၢဟီၣ်ခိၣ်အံၤခဲလၢာ်, တၢ်တဖၣ်အံၤတဟဲလၢပၢ်ကစၢ်အအိၣ်ဘၣ်. မ့ၢ်တၢ်လၢအဟဲလၢဟီၣ်ခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:2

အဝဲက့ၤကဒါက့ၤဆူအဟံၣ်ဒီးတဲဘၣ်အပၢ်ဒီးအမိၢ်, “ပှၤဖလ့ၡသးမုၣ်ဖိအိၣ်လၢဝ့ၢ်တံးမနးတဂၤန့ၣ်ထုးန့ၢ်ယသးန့ၣ်လီၤ. မၤန့ၢ်အီၤလၢယဂီၢ်တက့ၢ်. ယအဲၣ်ဒိးဖျီယသးလၢအီၤလီၤ.”