လံာ်ပှၤစံၣ်တဲၤတဲလီၤတၢ် 12:9 - Sgaw Karen Common Bible

⁹ ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်ပှၤစံၣ်တဲၤတဲလီၤတၢ် 12:9 Iomraidhean Croise

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

လံာ်စီၤပၤအခီၣ်ထံးတဘ့ၣ် 4:32

အဝဲကျဲၤအိၣ်ထီၣ်ပှၤကူၣ်ဘၣ်ကူၢ်သ့အတၢ်ကတိၤအထံၣ်သၢကထိ ဒီးတၢ်သးဝံၣ်အါန့ၢ်ဒံးအယုၢ်တကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:12

ယွၤဟံးဃာ်ဂၢၢ်ကျၢၤအတၢ်အၢၣ်လီၤဒီးဟ့ၣ်လီၤစီၤၡလိၤမိၤလၢ တၢ်ကူၣ်သ့န့ၣ်လီၤ. ဒီးတၢ်ဃူတၢ်ဖိးအိၣ်ဝဲလၢစီၤဃူရၣ်ဒီးစီၤၡလိၤမိၤအဘၢၣ် စၢၤဒီးအဝဲသ့ၣ်မၤတၢ်အၢၣ်လီၤလိာ်သးန့ၣ်လီၤ.

တၢ်ကတိၤဒိ. 1:1

အံၣ်စရ့လးအစီၤပၤစီၤဒၤဝံးအဖိခွါစီၤၡလိၤမိၤအတၢ်ကူၣ်သ့ အတၢ်ကတိၤတဖၣ်.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 25:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လၢအစံးအါထီၣ် ဝဲဒီးဘၣ်တၢ်ကွဲးဆဲအီၤလၢပှၤတဖၣ်လၢကီၢ်ယူဒၤအစီၤပၤဃံး စကံယၤအကွီၢ်ဘျီၣ်ပူၤန့ၣ်လီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.