လံာ်ပှၤစံၣ်တဲၤတဲလီၤတၢ် 12:8 - Sgaw Karen Common Bible

⁸ အဘျုးတအိၣ်ဘၣ်, အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်စံးဝဲဒၣ်. တၢ်ခဲလၢာ်မ့ၢ်တၢ်လၢအဘျုးတအိၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 12:8 Iomraidhean Croise

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:1

တၢ်တဖၣ်အံၤမ့ၢ်စီၤဒၤဝံးအဖိခွါ, စီၤပၤလၢယရူၤၡလ့ၣ်အ ပူၤ, ပှၤဆိကမိၣ်တၢ်အဒိၣ်အယိာ်တဂၤအတၢ်ကတိၤတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:12

ယၤ, ပှၤဆိကမိၣ်တၢ်အဒိၣ်အယိာ်, ယမ့ၢ်တ့ၢ်စီၤပၤလၢကီၢ်အံၣ်စရ့ လးအဖီခိၣ်လၢဝ့ၢ်ယရူၤၡလ့ၣ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:17

ယပာ်လီၤယသးလၢယကမၤလိတၢ်သ့ၣ်ညါဒီးတၢ်သးတဆး, တၢ်ကူၣ်သ့ဒီးတၢ်ပျုၢ်အတၢ်လီၤဆီန့ၣ်လီၤ. ဘၣ်ဆၣ်ယထံၣ်သ့ၣ်ညါလၢအအံၤစ့ၢ်ကီးကမ့ၢ်ဒၣ်တၢ်လူၤဖီၣ်ကလံၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:2

တၢ်အဘျုးတအိၣ်ဘၣ်. အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်လီၤ. တၢ်အိၣ်မူအံၤအဘျုးတအိၣ်ဘၣ်. တၢ်ခဲလၢာ်န့ၣ်အဘျုး တအိၣ်ဘၣ်.

လံာ်ပှၤစံၣ်တဲၤတဲလီၤတၢ် 2:17

အဃိဒီးတၢ်အိၣ်မူအခီပညီအိၣ်ဖျါထီၣ်လၢတမ့ၢ်တၢ်နီတမံၤလၢ ယဂီၢ်ဘၣ်န့ၣ်လီၤ. အဂ့ၢ်ဒ်အံၤ, တၢ်ကိးမံၤဒဲးလၢတၢ်အိၣ်မူအပူၤအံၤဟဲစိာ်န့ၢ် ဒၣ်ယၤထဲတၢ်ကီတၢ်ခဲန့ၣ်လီၤ. တၢ်ခဲလၢာ်မ့ၢ်တၢ်အဘျုးတအိၣ်ဘၣ်န့ၣ်လီၤ. ယလူၤဖီၣ်တ့ၢ်ကလံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 8:8

ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.