လံာ်ပှၤစံၣ်တဲၤတဲလီၤတၢ် 12:13 - Sgaw Karen Common Bible

¹³ တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ပှၤစံၣ်တဲၤတဲလီၤတၢ် 12:13 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 145:19

အဝဲမၤလၢပှဲၤပှၤလၢအမၤလၤကပီၤအီၤတဖၣ် အတၢ်လိၣ်, အဝဲနၢ်ဟူအဝဲသ့ၣ်အတၢ်ကိးထီၣ်ဒီး အုၣ်က့ၤခီၣ်က့ၤအဝဲသ့ၣ်လီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 19:23

ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

တၢ်ကတိၤဒိ. 23:17

သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 2:3

လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:14

ယသ့ၣ်ညါလၢတၢ်ခဲလၢာ်လၢကစၢ်ယွၤမၤဝဲန့ၣ်ကအိၣ်ဂၢၢ်ဆိးကျၢၤ ဝဲလီၤထူလီၤယိာ်လီၤ. နပာ်ဖှိၣ်အါထီၣ်တၢ်တမံၤမံၤမ့ၢ်ဂ့ၤ, ထုးကွံာ်တၢ်တမံၤမံၤမ့ၢ်ဂ့ၤတသ့ဝဲဘၣ်. ဒီးတၢ်တမံၤလၢကစၢ်ယွၤမၤဝဲန့ၣ်မ့ၢ်, ကမၢပဆၢထၢၣ်လၢအမဲာ်ညါလၢတၢ်ပျံၤဒီးတၢ်ယူးယီၣ်အီၤပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:7

တၢ်မံမီၢ်အါဒီးတၢ်ကတိၤတၢ်အါန့ၣ်အခီပညီတအိၣ်ဘၣ်. မၤသးဒ်န့ၣ်ဒီးဆၢထၢၣ်လၢကစၢ်ယွၤအမဲာ်ညါလၢတၢ်ပျံၤဒီးတၢ် ယူးယီၣ်အပူၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ပှၤစံၣ်တဲၤတဲလီၤတၢ် 8:5

အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 4:10

ဘၣ်ဃးဒီးမုၢ်တနံၤလၢသုဆၢထၢၣ်လၢယွၤကစၢ်ယွၤအမဲာ်ညါလၢ ကစၢၢ်စံၤနါအဂ့ၢ်, ဖဲအဝဲဒၣ်စံးဘၣ်ယၤ, ကိးဖှိၣ်ပှၤဂီၢ်မုၢ်တက့ၢ်. ယအဲၣ်ဒိးလၢအဝဲသ့ၣ်ကနၢ်ဟူဘၣ်တၢ်လၢယကစံးယဲ, ဒ်သိးအဝဲသ့ၣ်ကမၤလိစူၢ်ယၤလၢအသးသမူဒီတစိၤညါ, ဒီးဒ်သိးအဝဲသ့ၣ်ကသိၣ်လိတၢ်တမံၤဃီဒ်န့ၣ်အသိးဆူအဖိအလံၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

လံာ်လီၣ်ဖျါ 19:5

တုၤနုၤတစုတၢ်ကလုၢ်သီၣ်ထီၣ်လၢလီၢ်ပစိာ်အဖီခိၣ်ဒီးစံးဝဲ, “စံးထီၣ်ပတြၢၤပကစၢ်ယွၤတက့ၢ်, အဝဲဒၣ်အခ့အပှၤဒီးပှၤဂီၢ်မုၢ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤ, လၢအယူးယီၣ်ဒီးပျံၤအီၤခဲလၢာ်သ့ၣ်သုဧၢ,”

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.