လံာ်ပှၤစံၣ်တဲၤတဲလီၤတၢ် 12:1 - Sgaw Karen Common Bible

¹ တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 12:1 Iomraidhean Croise

လံာ်တၢ်ကဲထီၣ်အခီၣ်ထံး 39:2

ယွၤအိၣ်ဒီးစီၤယိၤသးဒီးဒုးကဲထီၣ်အီၤလၢပှၤမၤတၢ်ကဲထီၣ် လိၣ်ထီၣ်တဂၤန့ၣ်လီၤ. အဝဲအိၣ်ဆိးတ့ၢ်လၢအကစၢ်ပှၤအဲၤကူပတူးဖိအဟံၣ်,

လံာ်တၢ်ကဲထီၣ်အခီၣ်ထံး 39:23

တၢ်လၢစီၤယိၤသးအိၣ်မူအိၣ်ဒါဝဲတမံၤလၢ်လၢ်အဂီၢ်န့ၣ်, ဃိာ်ဒိၣ်ကွၢ်ထွဲအလီၢ်တအိၣ်လၢၤဘၣ်, မ့ၢ်လၢယွၤအိၣ်ဒီးစီၤယိၤ သးဒီးဒုးကဲထီၣ်လိၣ်ထီၣ်တၢ်လၢအမၤဝဲကိးမံၤဒဲးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:35

ယသးအိၣ်လံအနံၣ်ဃိးဆံလံ, ဒီးတၢ်လၢကဟ့ၣ်ယၤတၢ်မုာ်တၢ်လၤ တအိၣ်လၢၤဘၣ်နီတမံၤဘၣ်. တၢ်လၢယအီၣ်ယအီအီၤန့ၣ်ယတသ့ၣ်ညါအတၢ်ဝံၣ်တၢ်ဘဲလၢၤဘၣ်. ဒီးပှၤသးဝံၣ်တၢ်ဖိတဖၣ်အကလုၢ်န့ၣ်ယနၢ်ဟူတသ့လၢၤဘၣ်. ယကကဲထီၣ်ဒၣ်ထဲတၢ်ဝံဃၢယိးဃၢလၢနဲဒၣ်တၢ်ဒိၣ်ကစၢ်စီၤပၤ အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:36

တကြၢးလၢယဒိးန့ၢ်ဘၣ်တၢ်ဟ့ၣ်ဘျုးဒိၣ်ဒ်န့ၣ်အသိးတမံၤဘၣ်. လၢတၢ်န့ၣ်အဃိယကလဲၤဃုာ်တၢ်ဒီးနၤထဲ တစဲးဖိဧိၤပျံကွံာ်ထံကျိယၢ်ဒ့ၣ်အဘးခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:13

ကယဲၢ်ကီၢ်အံၣ်စရ့လးအပှၤဂီၢ်မုၢ်, ကဘၣ်မိၢ်ဘၣ်မးလၢအဃိဒီး ကခူၣ်လီၤကွံာ်အီၤန့ၣ်လီၤ. အဝဲကမ့ၢ်ထဲပှၤတဂၤဧိၤလၢစီၤယၤရၤဘၣ်အဟံၣ်ဖိဃီဖိအပူၤလၢ ကဘၣ်တၢ်ခူၣ်လီၤကွံာ်အီၤဂ့ၤဂ့ၤန့ၣ်လီၤ. အဂ့ၢ်ဒ်အံၤ, အဝဲမ့ၢ်ပှၤထဲတဂၤဧိၤလၢယွၤ, အံၣ်စရ့လးအကစၢ်ယွၤဘၣ်သူၣ်ဘၣ်သးအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

လံာ်စီၤယိၤဘး 30:2

အဝဲသ့ၣ်တဖၣ်မ့ၢ်ပှၤတဖုလၢအဂံၢ်အဘါလၢာ်ကွံာ်လံဒီးကမၤ ယတၢ်မၤတမံၤမံၤအဂီၢ်ဒၣ်လဲာ်န့ၣ်အဂံၢ်အဘါစၢ်ကဲၣ်ဆိးလီၤ.

စံးထီၣ်ပတြၢၤ 119:55

ယွၤဧၢ, ယသ့ၣ်နီၣ်ထီၣ်က့ၤနမံၤလၢမုၢ်နၤ, ဒီးယတိၢ်န့ၢ်ဖံးဃာ်နတၢ်သိၣ်တၢ်သီလီၤ.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

စံးထီၣ်ပတြၢၤ 63:6

ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်, ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

တၢ်ကတိၤဒိ. 22:6

သိၣ်လိဖိသၣ်တဂၤလၢအကဘၣ်အိၣ်မူဒ်လဲၣ်ဒ်လဲၣ်န့ၣ်တက့ၢ်. ဒီးအဝဲကသ့ၣ်နီၣ်ထီၣ်က့ၤဝဲလၢအတၢ်အိၣ်မူတစိၤသးလီၤ.

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်ပှၤစံၣ်တဲၤတဲလီၤတၢ် 11:10

ပျဲတၢ်တမံၤဂ့ၤတမံၤဂ့ၤမၤကိၢ်မၤဂီၤဒီးမၤဆူးမၤဆါနၤတဂ့ၤ. တမ့ၢ်လၢနကအိၣ်သးစၢ်ဘၣ်ယံာ်ယံာ်ဘၣ်.

လံာ်ပှၤစံၣ်တဲၤတဲလီၤတၢ် 11:2

ဟ့ၣ်နီၤဖးတၢ်လၢကျဲနွံဘိမ့တမ့ၢ်ဃိးဘိအပူၤဒၣ်လဲာ်တ က့ၢ်. အဂ့ၢ်ဒ်အံၤ, တၢ်အၢမနုၤအကမၤအသးလၢဟီၣ်ခိၣ်ချၢလဲၣ်န့ၣ်နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 11:8

သ့ၣ်ညါတၢ်ဘျုးလၢနအိၣ်မူဘၣ်ကိးနံၣ်ဒဲးအဃိတက့ၢ်. နအိၣ်မူယံာ်ထဲလဲၣ်ဂ့ၤထဲလဲၣ်ဂ့ၤ, သ့ၣ်နီၣ်ထီၣ်က့ၤလၢတၢ်ခံး အမုၢ်နံၤတဖၣ်ကအိၣ်အါမးတက့ၢ်. တၢ်တအိၣ်ဘၣ်နီတမံၤလၢတၢ်ကမုၢ်လၢ်ကွၢ်စိအီၤဆူညါန့ၣ်ဘၣ်.

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်သးသယုၢ်တၢ် 3:27

တၢ်မၤလိတၢ်သူၣ်စူၤသးစူၤဖဲပမ့ၢ်ဒံးပှၤသးစၢ်န့ၣ် မ့ၢ်တၢ်ဂ့ၤကတၢၢ်န့ၣ်လီၤ.

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဟိၤၡ့ 7:9

ဒီးတသ့ၣ်ညါလီၤက့ၤအသးလၢ, တၢ်သန့ၤထီၣ်သးလၢပှၤတခီ ဘီမုၢ်ဖိတဖၣ်အံၤန့ၣ်, ဂုာ်ဆူၣ်ပျီဆူၣ်ကွံာ်အဝဲသ့ၣ်အ ဂံၢ်အဘါန့ၣ်ဘၣ်. အဝဲသ့ၣ်အမုၢ်နံၤတဖၣ်ဘၣ်တၢ်ဂံၢ်အီၤလံ, ဘၣ်ဆၣ်အဝဲသ့ၣ်တသ့ၣ်ညါဝဲဒၣ်လဲာ်ဘၣ်န့ၣ်လီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 18:16

ဘၣ်ဆၣ်ယ့ၣ်ၡူးကိးဃီၤဖိသၣ်တဖၣ်ဆူအအိၣ်ဒီးစံးဝဲ, “ပျဲဖိသၣ်တဖၣ်ဟဲဆူယအိၣ်တက့ၢ်. ဒီးတဘၣ်တြီအဝဲသ့ၣ်တဂ့ၤ. အဂ့ၢ်ဒ်အံၤ, ကစၢ်ယွၤအဘီအမုၢ်မ့ၢ်ပှၤဒ်န့ၣ်အသိးတဖၣ်အတၢ်လီၤ.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:28

မၤသးဒ်န့ၣ်ဒီး, ယပာ်စီဆှံအီၤဆူယွၤအအိၣ်လီၤ. အသးသမူတစိၤဒၣ်အီၤန့ၣ်ကဘၣ်ဃးဒီးယွၤလီၤ.” အန့ၣ်ဝံၤဒီးအဝဲသ့ၣ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:26

ဖိသၣ်စီၤၡမူၤအ့လးဒိၣ်ထီၣ်ဆူညါဒီးဒိးန့ၢ် တၢ်ဘၣ်သူၣ်ဘၣ်သးလၢယွၤဒီးပှၤကညီတဖၣ်အမဲာ်ညါလီၤ.