လံာ်ပှၤစံၣ်တဲၤတဲလီၤတၢ် 11:10 - Sgaw Karen Common Bible

¹⁰ ပျဲတၢ်တမံၤဂ့ၤတမံၤဂ့ၤမၤကိၢ်မၤဂီၤဒီးမၤဆူးမၤဆါနၤတဂ့ၤ. တမ့ၢ်လၢနကအိၣ်သးစၢ်ဘၣ်ယံာ်ယံာ်ဘၣ်.

လံာ်ပှၤစံၣ်တဲၤတဲလီၤတၢ် 11:10 Iomraidhean Croise

လံာ်စီၤယိၤဘး 11:12

ပှၤလၢအမ့ၢ်တၢ်ကလီကလီတဖၣ်ကအိၣ်ထီၣ်ဒီးတၢ်ကူၣ်ဘၣ် ကူၣ်သ့ဖဲကသ့ၣ်ယီၤမံၤအိၣ်ဖျဲၣ်ထီၣ်ကသ့ၣ်ယီၤဒၢန့ၣ်လီၤ.

လံာ်စီၤယိၤဘး 13:26

နဟ့ၣ်လီၤတၢ်စံၣ်ညီၣ်အကလုၢ်ထီဒါယၤန့ၣ် မ့ၢ်တၢ်လၢအနး ဒိၣ်မးတုၤဒၣ်လဲာ်လၢတၢ်လၢယမၤတ့ၢ်အီၤဖဲယသးစၢ်အခါ အဂီၢ်န့ၣ်လီၤ.

လံာ်စီၤယိၤဘး 20:11

အနီၢ်ခိဖျါစၢ်ဒီးပှဲၤဂံၢ်ပှဲၤဘါသနာ်က့, တယံာ်ဘၣ်န့ၣ်ကကဲထီၣ်ဟီၣ်ခိၣ်ကမူၣ်လီၤ.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:2

တၢ်အဘျုးတအိၣ်ဘၣ်. အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်လီၤ. တၢ်အိၣ်မူအံၤအဘျုးတအိၣ်ဘၣ်. တၢ်ခဲလၢာ်န့ၣ်အဘျုး တအိၣ်ဘၣ်.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.