လံာ်ပှၤစံၣ်တဲၤတဲလီၤတၢ် 10:6 - Sgaw Karen Common Bible

⁶ ပှၤအသူၣ်တထံသးတဆးတဖၣ်ဘၣ်တၢ်ဟ့ၣ်လီၤအီၤလၢတၢ်စိကမီၤ အလီၢ်အလၤတဖၣ်, ဖဲပှၤထူးပှၤတီၤတဖၣ်ဘၣ်တၢ်ကွၢ်ကပာ်ကွံာ်အီၤ န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:6 Iomraidhean Croise

လံာ်နီၢ်အ့ၤစတၢ် 3:1

တၢ်န့ၣ်တဖၣ်အလီၢ်ခံ, စီၤပၤအဃၤၡဝ့ရိၣ်သုးထီထီၣ်ပှၤအကၤကးဖိ စီၤဟးမဒၤသၤအဖိခွါစီၤဟၤမၣ်အလီၢ်အလၤဆူကိတိာ်ခိၣ်ကျၢၢ်လီၤ.

လံာ်နီၢ်အ့ၤစတၢ် 3:5

တုၤစီၤဟၤမၣ်ထံၣ်သ့ၣ်ညါဘၣ်ဝဲလၢစီၤမၢ်ဒကဲၤတတီၤလီၤ ကဒွံကျိာ်ဒီးသကူးလီၤအသးလၢအမဲာ်ညါန့ၣ်အဝဲအသးဒိၣ် ထီၣ်ဒိၣ်ဒိၣ်ကလဲာ်လီၤ.

စံးထီၣ်ပတြၢၤ 12:8

ပှၤအၢပှၤသီတဖၣ် အိၣ်လၢတၢ်လီၢ်ကိးပူၤဒဲး, ဒီးပှၤကိးဂၤဒဲး စံးထီၣ်ပတြၢၤ တၢ်အၢတၢ်သီန့ၣ်လီၤ.

တၢ်ကတိၤဒိ. 19:10

ပှၤဟးဂီၤဖိတဖၣ်တကြၢးအိၣ်မူဘၣ်လၢဟီၣ်ခိၣ် အတၢ်မုာ်တၢ်ပၢၤအပူၤဘၣ်. ဒီးကုၢ်တဖၣ်တကြၢးပၢဘၣ်ပှၤတူၢ်ဒိၣ်ကီၤဒိၣ်တဖၣ်ဘၣ်.

တၢ်ကတိၤဒိ. 28:12

ဖဲပှၤအဂ့ၤတဖၣ်မၤန့ၢ်တၢ်စိတၢ်ကမီၤန့ၣ်, ပှၤခဲလၢာ်မၤမူးသးခု န့ၣ်လီၤ. ဘၣ်ဆၣ်ဖဲပှၤအအၢအသီတဖၣ်ပၢတၢ်န့ၣ်, ပှၤအိၣ်ခူသူၣ်ဝဲလီၤ.

တၢ်ကတိၤဒိ. 28:28

တုၤပှၤအအၢအသီတဖၣ်န့ၢ်စိန့ၢ်ကမီၤဒီး, ပှၤအိၣ်ခူသူၣ်ဝဲလီၤ. ဘၣ်ဆၣ်တုၤအဝဲသ့ၣ်လီၤတဲာ်ကွံာ်လၢတၢ်စိတၢ်ကမီၤအလီၢ်ဒီး, ပှၤအတီအလိၤတဖၣ်ကပၢကဒီးတၢ်န့ၣ်လီၤ.

တၢ်ကတိၤဒိ. 29:2

ဒုးနဲၣ်ယၤပှၤပၢတၢ်အတီအလိၤတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအသူၣ်ဖှံသးညီတဖုလီၤ. ဒုးနဲၣ်ယၤပှၤပၢတၢ်အအၢအသီတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအဘၣ်ကိၢ်ဘၣ်ဂီၤတဖုန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:5

လၢဟီၣ်ခိၣ်အံၤအပူၤ, ယထံၣ်တ့ၢ်တၢ်စံၣ်ညီၣ်တတီတမံၤ, တၢ်စံၣ်ညီၣ်တတီလၢအဘၣ်တၢ်မၤအီၤလၢပှၤပၢတၢ်တဖၣ်လီၤ.