လံာ်ပှၤစံၣ်တဲၤတဲလီၤတၢ် 10:20 - Sgaw Karen Common Bible

²⁰ ဒုၣ်ဒွဲၣ်စီၤပၤကသွံဒံဒၣ်လဲာ်တဂ့ၤ. ဒီးလၢနလီၢ်မံဒၢးတၢ် လီၢ်တဒၢဒၣ်လဲာ်, ကတိၤဒုၣ်ဒွဲၣ်ပှၤထူးပှၤတီၤတဂ့ၤ. ထိၣ်တဘ့ၣ်ကစိာ်ဘၣ်ဖုးတၢ်ကစီၣ်ဒီးတဲဘၣ်အဝဲသ့ၣ်တၢ်လၢနစံး ကတိၤအီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:20 Iomraidhean Croise

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်နီၢ်အ့ၤစတၢ် 2:22

စီၤမၢ်ဒကဲၤသ့ၣ်ညါတၢ်ကူၣ်အၢအံၤ, ဒီးတဲဘၣ်နီၢ်ပၤမုၣ်နီၢ် အ့ၤစတၢ်, ဒီးနီၢ်အ့ၤစတၢ်တဲဘၣ်စီၤပၤတၢ်လၢစီၤမၢ်စကဲၤ တဲဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 22:27

အဂ့ၢ်ဒ်အံၤ, တၢ်န့ၣ်မ့ၢ်တၢ်လုးဘၢထဲတမံၤဧိၤလၢကမၤလၢၤအီၤ အဂီၢ်န့ၣ်လီၤ. တၢ်အဂၤမနုၤကအိၣ်လၢအဝဲကမံလုးဝဲအဂီၢ်လဲၣ်. ဖဲအဝဲကိးထီၣ်ယၤလၢတၢ်မၤစၢၤအဂီၢ်ဒီး, ယကစံးဆၢအီၤလီၤ. အဂ့ၢ်ဒ်အံၤ, ယသူၣ်ကညီၤသးကညီၤတၢ်လီၤ.

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဟးထီၣ်ကွံာ် 8:3

ထံကျိနံၤလါကပှဲၤဒီးဒ့ၣ်ဧိၤကွီၣ်ဧိၤတုၤဒၣ်လဲာ်ကလဲၤဆူ နနူၢ်ပူၤစီၤပူၤ, နလီၢ်မံဒၢးပူၤ, နလီၢ်မံခးအလိၤ, နပဒိၣ် ပပှၢ်ဒီးနပှၤဂီၢ်မုၢ်အဟံၣ်ပူၤဒီးတုၤဒၣ်လဲာ်လၢနဖၣ်ကပူၤ, ဒီးနစံၢ်ကိၣ်အသပၢၤပူၤန့ၣ်လီၤ.

လံာ်ယၡါယၤ 8:21

ပှၤဂီၢ်မုၢ်ကဟးဝ့ၤဝီၤလၢထံကီၢ်အပူၤအိၣ်ဒီးတၢ်သးဟးဂီၤဒီး တၢ်သူၣ်ဝံၤသၣ်စ့ၤလီၤ. လၢအတၢ်သးထီၣ်ဒီးအတၢ်သၣ်ဝံၤ သၣ်စ့ၤအပူၤန့ၣ်, အဝဲသ့ၣ်ကဆိၣ်အၢအစီၤပၤဒီးအကစၢ်ယွၤလီၤ. အဝဲသ့ၣ်ကကွၢ်ထီၣ်တၢ်ဆူမူခိၣ်,

လံာ်လူၤကၣ် 10:40

နီၢ်မၢ်သၤအသးဘၣ်တံာ်တာ်လၢတၢ်ဖံးတၢ်မၤခဲလၢာ်လၢ အဘၣ်မၤဝဲတဖၣ်အဃိလီၤ. လၢတၢ်န့ၣ်အဃိအဝဲဒၣ်လဲၤဃီၤဆူ အအိၣ်ဒီးစံးဝဲ, “ကစၢ်ဧၢ, ယဒီပုၢ်ဝဲၢ်မုၣ်ဒုးမၤယၤတၢ်မၤခဲလၢာ်ထဲ တဂၤဧိၤန့ၣ်, နတပာ်လၢအမ့ၢ်တၢ်နီတမံၤဘၣ်ဧါ. တဲအီၤလၢအကဟဲမၤစၢၤယၤတက့ၢ်.”

လံာ်လူၤကၣ် 19:40

ယ့ၣ်ၡူးစံးဆၢဝဲ, “အဝဲသ့ၣ်မ့ၢ်အိၣ်ဘှီၣ်ကလာ်န့ၣ်, ယစံးဘၣ်သု, လၢၢ်တဖၣ်ကကိးပသူထီၣ်ဝဲလီၤ.”

မၤတၢ် 23:5

စီၤပီလူးစံးဆၢဝဲ, “ယတသ့ၣ်ညါလၢအဝဲဒၣ်မ့ၢ်ပှၤလုၢ်တၢ်အခိၣ်အဒိၣ် ကတၢၢ်ဘၣ်. ယဒီပုၢ်ဝဲၢ်သ့ၣ်ဧၢ, တၢ်ကွဲးအသးစံးဝဲ, ‘သုတစံးအၢစံးသီပှၤလၢအပၢသုပှၤဂီၢ်မုၢ်န့ၣ်တဂ့ၤ.’ ”