လံာ်ပှၤစံၣ်တဲၤတဲလီၤတၢ် 10:19 - Sgaw Karen Common Bible

¹⁹ အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 10:19 Iomraidhean Croise

လံာ်တၢ်ကဲထီၣ်အခီၣ်ထံး 43:34

တၢ်အီၣ်ဘၣ်တၢ်ဟံးန့ၢ်အီၤလၢစီၤယိၤသးအစီၢ်နီၤခိၣ်ဒီးဟ့ၣ် လီၤဆူအဝဲသ့ၣ်, ဒီးစီၤဘံၣ်ယၤမံၣ်ဘၣ်တၢ်ဟ့ၣ်အီၤအါန့ၢ်အဂၤတဖၣ်ယဲၢ်စးလီၤ. ဒီးအဝဲသ့ၣ်အီၣ်တၢ်ဒီးအီတၢ်ဒီးစီၤယိၤသးတုၤအမူၤအဘှီး တစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:24

ဘၣ်ဆၣ်စီၤပၤစံးဆၢဝဲ, “တမ့ၢ်ဘၣ်. ယကဟ့ၣ်နၤအပှ့ၤအလၢအပှဲၤ န့ၣ်လီၤ. ယတဟ့ၣ်ဘၣ်တၢ်လၢအဘၣ်ဃးဒီးနၤ, တၢ်လၢယတဟ့ၣ်ဘၣ်အပှ့ၤနီတမံၤ, ဒ်တၢ်လုၢ်တမံၤအသိးဆူယွၤန့ၣ် ဘၣ်.

လံာ်စီၤဧ့စြၤ 1:6

ကယဲၢ်ပှၤအိၣ်ခိၣ်အိၣ်ဃၢၤခဲလၢာ်မၤစၢၤအဝဲသ့ၣ်ခီဖျိဟ့ၣ်အ ဝဲသ့ၣ်လၢတၢ်အါမံၤဒ်, တၢ်အဃၢၤအဃိၢ်စ့တဖၣ်, ထူဧိၤလွဲဧိၤ, တၢ်အလိၣ်တဖၣ်, ဆၣ်ဖိကီၢ်ဖိအဒၢလၢဂီၤကၢ်အသး တဖၣ်, တၢ်လုၢ်ဒိၣ်ပှ့ၤဒိၣ်အဂၤတဖၣ်, ဒီးတၢ်မၤဘူၣ်မၤတီၢ်တဖၣ်လၢတၢ် လုၢ်ဟံၣ်အဂီၢ်န့ၣ်လီၤ.

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:3

လၢယတၢ်ဆၢန့ၢ်တၢ်ကူၣ်သ့မၢန့ၢ်ဆီၣ်ခံယၤအဃိဒီး, ယပာ်လီၤတ့ၢ်ယသးလၢယကမၤမုာ်ထီၣ်ယသးလၢစပံးထံဒီးအိၣ်မူ ဖှံဖှံညီညီလီၤ. ယဆိကမိၣ်တ့ၢ်လၢအအံၤမ့ၢ်ကျဲအဂ့ၤကတၢၢ်လၢပှၤကညီကမၤလၢာ်အတၢ် အိၣ်မူဖုၣ်ဖုၣ်တဖၣ်အံၤလၢဟီၣ်ခိၣ်ချၢန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယၡါယၤ 23:18

ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယၡါယၤ 24:11

ပှၤဂီၢ်မုၢ်ကိးသတြီထီၣ်လၢကျဲတဖၣ်အပူၤမ့ၢ်လၢစပံးထံတအိၣ် လၢၤဘၣ်အဃိလီၤ. တၢ်သူၣ်ဖှံသးညီလဲၤပူၤကွံာ်ဝဲလီၤထူလီၤ ယိာ်ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤလၢကီၢ်ပူၤလီၤ.

လံာ်မးသဲ 17:27

ဘၣ်ဆၣ်ဒီး, ဒ်သိးပသုတမၤတမုာ်ဘၣ်အဝဲသ့ၣ်အသးတဂ့ၤအဂီၢ်န့ၣ်, လဲၤဆူပီၣ်လဲၣ်, ဒီးစဲၤလီၤနတခွဲဘိတက့ၢ်. ဟံးန့ၢ်ညၣ်အဆိကတၢၢ်လၢနတခွဲန့ၢ်အီၤတဘ့ၣ်, ဒီးအိးထီၣ်အကိာ်ပူၤ, ဒီးနကထံၣ်န့ၢ်စ့တဘ့ၣ်လၢအကလၢဝဲလၢတၢ်လုၢ်ဟံၣ်အခိအသွဲလၢနဂီၢ်, ဒီးလၢယဂီၢ်လီၤ. ဟံးန့ၢ်စ့အဝဲန့ၣ်ဒီး, ဟ့ၣ်လီၤတၢ်လုၢ်ဟံၣ်အခိအသွဲလၢယၤဒီးနၤအဂီၢ်တက့ၢ်.”

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 12:19

တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’

လံာ်လူၤကၣ် 16:9

ဒီးယ့ၣ်ၡူးကတိၤတၢ်ဒီးစံးဝဲ, “ဒီးလၢတၢ်န့ၣ်အဃိယစံးဘၣ်တဲဘၣ်သု, ဒ်သိးသုကမၤန့ၢ်တံၤသကိးအဂီၢ်, သူဟီၣ်ခိၣ်အတၢ်ထူးတၢ်တီၤ, ဒီးတုၤအလၢာ်ကွံာ်ဒီး သုကဘၣ်တၢ်တူၢ်လိာ်ခီၣ်ဆၢသုလၢဟံၣ်အထူအယိာ်န့ၣ်တက့ၢ်.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

မၤတၢ် 11:29

အပျဲၢ်အဘီၣ်တဖၣ်အိၣ်ဒီးတၢ်ပာ်လီၤအသးတဂၤဘၣ် တဂၤလၢအကဆှၢလီၤတၢ်မၤစၢၤအါအါတသ့ဖဲအသ့ဒ်သိး ကမၤစၢၤအဒီပုၢ်ဝဲၢ်အိၣ်လၢကီၢ်ယူဒၤတဖၣ်အဂီၢ်လီၤ.

မၤတၢ် 2:45

အဝဲသ့ၣ်ဆါလီၤကွံာ်အတၢ်စုလီၢ်ခီၣ်ခိၣ်ဒီးအတၢ်ဖိတၢ်လံၤတဖၣ်, ဒီးဟ့ၣ်နီၤလီၤဝဲစ့ဒ်တဂၤဒီးတဂၤလိၣ်ဘၣ်ဝဲအသိးန့ၣ်လီၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:10

အပၢ်လဲၤဆူပိာ်မုၣ်ဖိတဂၤန့ၣ်အဟံၣ်ဒီးစီၤၡံၣ်ၡိၣ်မၤတၢ်အီၣ်တၢ်အီအမူးဖဲန့ၣ်လီၤ. တၢ်အံၤမ့ၢ်ပှၤသူၣ်ဘီၣ်သးစၢ်ဖဲန့ၣ်တဖၣ်အလုၢ်အလၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:13

ဘၣ်ဆၣ်ဒီးစပံးမုၢ်စံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ် ဆိကတီၢ်ယတၢ်ဟ့ၣ်ထီၣ်ယစပံးထံလၢ အဒုးသးခုယွၤတဖၣ်ဒီးပှၤကညီတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:36

နီၢ်အဘံၤကါယံးလးက့ၤဆူစီၤနၤဘလးအအိၣ်, ဖဲအမၤတၢ်အီၣ်အမူးဖးဒိၣ်ကြၢးဝဲလၢစီၤပၤတဂၤအဂီၢ်လၢအဟံၣ်န့ၣ်လီၤ. အဝဲအီမူၤအသးလၢသံးဒီးအိၣ်လၢတၢ်သးဖှံအပူၤလီၤ. လၢတၢ်န့ၣ်အဃိတချုးတုၤလၢမုၢ်ဆ့ၣ်ထီၣ်တနံၤဒံးဘၣ်ဒီးပိာ်မုၣ်န့ၣ် တတဲဘၣ်အီၤလၢတၢ်နီတမံၤဘၣ်န့ၣ်လီၤ.