လံာ်ပှၤစံၣ်တဲၤတဲလီၤတၢ် 10:14 - Sgaw Karen Common Bible

¹⁴ ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 10:14 Iomraidhean Croise

လံာ်စီၤယိၤဘး 34:37

အဝဲပာ်ဖှိၣ်တၢ်ပူထီၣ်လၢအတၢ်ဒဲးဘးတဖၣ်အဖီခိၣ်, ဒဲအစုလၢပကျါလၢတၢ်ဒုၣ်ဒွဲၣ်အပူၤ, ဒီးမၤအါထီၣ်အတၢ် ကတိၤတဖၣ်ထီဒါကစၢ်ယွၤလီၤ.

လံာ်စီၤယိၤဘး 35:16

နကတိၤတၢ်ဆူညါန့ၣ်အဘျုးတအိၣ်လၢနဂီၢ်ဘၣ်. အိၣ်ဖျါလၢ နတနၢ်ပၢၢ်တၢ်လၢနကတိၤအီၤန့ၣ်ဘၣ်.

တၢ်ကတိၤဒိ. 10:19

နတၢ်ကတိၤဒံးအါ, နမၤဒဲးဘးတၢ်ကဒံးအါတက့ၢ်လီၤ. နမ့မ့ၢ်ပှၤလၢအကူၣ်တၢ်သ့ဒီးနကအိၣ်ဘှ့ၣ်အိၣ်ဘှီၣ်န့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:15

ထဲပှၤအမၢးတဂၤဂၤဧိၤကမၤလီၤဘှံးလီၤတီၤအသးလၢတၢ်မၤတုၤ ဒၣ်လဲာ်တဃုထံၣ်ကျဲလၢကက့ၤကဒါက့ၤဆူအဟံၣ်ဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:22

လၢတၢ်န့ၣ်အဃိ, ယထံၣ်သ့ၣ်ညါလၢတၢ်အဂ့ၤကတၢၢ်လၢပမၤသ့န့ၣ် မ့ၢ်ဒၣ်ပကမုာ်လၤသးခုလၢတၢ်လၢပမၤတ့ၢ်တဖၣ်အပူၤလီၤ. တၢ်အဂၤလၢပမၤသ့တအိၣ်နီတမံၤဘၣ်. ပသံဝံၤတၢ်မနုၤကမၤအသးလဲၣ်န့ၣ်, ကျဲတအိၣ်နီတဘိလၢပကသ့ၣ်ညါဘၣ်အီၤအဂီၢ်န့ၣ်ဘၣ်.

လံာ်ပှၤစံၣ်တဲၤတဲလီၤတၢ် 5:3

နဒံးကိၢ်တၢ်ဂီၤတၢ်ဒီး, နကအိၣ်ဒီးတၢ်မံမီၢ်အအၢအသီတဖၣ်ဒံး အါထီၣ်ဘၣ်ဖုးလီၤ. ဒီးနကတိၤတၢ်ဒံးအါထီၣ်, နကတိၤပှၤဟးဂီၤဖိအတၢ်ကတိၤတမံၤမံၤကဒံးအါထီၣ်ဘၣ်ဖုးန့ၣ် လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:14

ဖဲတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢနဂီၢ်ဒီး, သးခုတက့ၢ်. ဒီးဖဲတၢ်ကီတၢ်ခဲဟဲဝဲဒီး, သ့ၣ်နီၣ်ထီၣ်လၢကစၢ်ယွၤဆှၢလီၤတၢ်သူၣ်ဖှံသးညီဒီးတၢ်ကီတၢ် ခဲခံမံၤလိာ်တက့ၢ်. ခဲကိာ်တၢ်မနုၤကမၤအသးလဲၣ်န့ၣ်, နတသ့ၣ်ညါနီတစုဘၣ်.

လံာ်ပှၤစံၣ်တဲၤတဲလီၤတၢ် 8:7

တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 9:1

ဘၣ်ဃးတၢ်ဂ့ၢ်ခဲလၢာ်အံၤယဆိကမိၣ်တၢ်ဒိၣ်ဒိၣ်ယိာ်ယိာ်, ယံာ်ယံာ်ထၢထၢဒီးထံၣ်လၢကစၢ်ယွၤပၢၤပှၤကူၣ်တၢ်သ့ဒီးပှၤတီ ပှၤလိၤအတၢ်မၤတဖၣ်, တုၤဒၣ်လဲာ်လၢအဝဲသ့ၣ်အတၢ်အဲၣ်တၢ်ကွံဒီးအတၢ်သူၣ်ဟ့သးဟ့ အဂ့ၢ်န့ၣ်လီၤ. တၢ်အိၣ်ပာ်လီၤဆိအသးလၢအမဲာ်ညါမ့ၢ်မနုၤလဲၣ်န့ၣ်, ပှၤတသ့ၣ်ညါနီတဂၤဘၣ်.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.