လံာ်ပှၤစံၣ်တဲၤတဲလီၤတၢ် 10:13 - Sgaw Karen Common Bible

¹³ အဝဲစးထီၣ်ဒီးပှၤအမၢးအကျိာ်ဒီးလဲၤကတၢၢ်ဝဲလၢတၢ်ပျုၢ် အကျိာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:41

တုၤနုၤတစုပှၤကီၢ်အံၣ်စရ့လးဖိခဲလၢာ်လဲၤဆူစီၤပၤအအိၣ် ဒီးစံးဘၣ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤအဃိပဒီပုၢ်ဝဲၢ်ပှၤယူဒၤဖိတဖၣ်ဆိကမိၣ်ဝဲလၢ အဝဲသ့ၣ်အိၣ်ဒီးတၢ်ခွဲးတၢ်ယာ်လၢကကိးထီၣ်ကွံာ်နၤမ့ၢ်ဂ့ၤကွၢ်ထွဲဒီးဆှၢက့ၤနၤ, နဒူၣ်ဖိထၢဖိဒီးနပှၤတဖၣ်မ့ၢ်ဂ့ၤလၢတၢ်ခီဂာ်ထံကျိယၢ်ဒ့ၣ်န့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 6:27

ကီၢ်အံၣ်စရ့လးအစီၤပၤစံးဆၢဝဲဒၣ်, “ယွၤမ့ၢ်, တမၤစၢၤနၤဘၣ်ဒီးယဟ့ၣ်မၤစၢၤနၤမနုၤကသ့န့ၣ်လဲၣ်. မ့ၢ်ယအိၣ်ဒီးဘုကၠူၣ်မ့ၢ်ဂ့ၤစပံးထံမ့ၢ်ဂ့ၤတမံၤမံၤန့ၣ် ဧါ.

လံာ်စီၤပၤခံဘ့ၣ်တဘ့ၣ် 6:31

အဝဲကိးထီၣ်ဝဲဒၣ်, “စီၤအလံၤၡါအခိၣ်, မ့ၢ်တဘၣ်တၢ်ဒီၣ်တဲာ် အီၤတချုးမုၢ်တနံၤအံၤလၢာ်ဘၣ်န့ၣ်, မ်ယွၤမၤသံယၤန့ၣ်တ က့ၢ်.”

တၢ်ကတိၤဒိ. 13:16

ပှၤလၢအသူၣ်ထံသးဆးတဖၣ်ဆိကမိၣ်တၢ်ထီဘိတချုးလၢအမၤတၢ် တမံၤမံၤန့ၣ်လီၤ. မ့မ့ၢ်ပှၤအမၢးတဖၣ်န့ၣ်ပာ်ဖျါတၢ်တမၤလိမၤဒိးဘၣ် တၢ်န့ၣ်လီၤ.

တၢ်ကတိၤဒိ. 29:9

ဖဲပှၤအိၣ်ဒီးတၢ်သူၣ်ဆးသးဆးတဂၤလိာ်ကွီၢ်ထီဒါတၢ်ဒီးပှၤ အမၢးတဂၤန့ၣ်, ပှၤအမၢးဖိနံၤဒၣ်အတၢ်ဒၣ်ဝဲ, ကတိၤထီၣ်တၢ်သီၣ်ဒိၣ်သီၣ်သွါဒီးရၢၢ်ရၢၢ်စၢၢ်စၢၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:14

ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ပှၤစံၣ်တဲၤတဲလီၤတၢ် 7:25

ဘၣ်ဆၣ်ဒီးယဟ့ၣ်လီၤယသးဆူတၢ်သ့ၣ်ညါဒီးတၢ်မၤလိ န့ၢ်တၢ်လီၤ. ယပာ်လီၤယသးလၢယကဃုန့ၢ်တၢ်ကူၣ်သ့ဒီးတၢ်စံးဆၢ တဖၣ်လၢယတၢ်သံကွၢ်တဖၣ်အဂီၢ်, ဒီးလၢယကမၤလိတၢ်သူၣ်တထံသးတဆးအံၤအၢဆံးအါဆံးအါမၢး ဆံးအါဆံးအါအဂ့ၢ်န့ၣ်လီၤ.

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်လူၤကၣ် 11:38

ပှၤဖၤရံၤၡဲတဂၤန့ၣ်ကမၢကမၣ်ဝဲ, ဖဲအပာ်သူၣ်ပာ်သးလၢယ့ၣ်ၡူးတချုးအီၣ်တၢ်ဒံးဘၣ်ဒီး, တသ့အစုဘၣ်အဃိန့ၣ်လီၤ.

လံာ်လူၤကၣ် 6:11

ဘၣ်ဆၣ်ဒီးအဝဲသ့ၣ်ပှဲၤဒီးတၢ်သူၣ်ဒိၣ်သးဖျိးဒီးကူၣ်ထီၣ်ဖးလီၤ သကိးဘၣ်ဃးအဝဲသ့ၣ်ကမၤယ့ၣ်ၡူးဒ်လဲၣ်အဂ့ၢ်န့ၣ်လီၤ.

လံာ်လူၤကၣ် 6:2

ပှၤဖၤရံၤၡဲတနီၤစံးဝဲ, “တၢ်တမံၤလၢပတၢ်သိၣ်တၢ်သီစံးသုတဘၣ်မၤသုဝဲဖဲပှၤယူဒၤ ဖိအမုၢ်အိၣ်ဘှံးနံၤန့ၣ်, ဘၣ်မနုၤအဃိသုမၤလဲၣ်.”

လံာ်ယိၤဟၣ် 12:10

လၢတၢ်န့ၣ်အဃိ, ပှၤလုၢ်တၢ်အခိၣ်အဒိၣ်တဖၣ်ကူၣ်ထီၣ်ဝဲဒၣ်လၢ အကမၤသံစီၤလါစရူးစ့ၢ်ကီးလီၤ.

လံာ်ပှၤစံၣ်ညီၣ်ကွီၢ် 14:15

လၢလွံၢ်သီတသီအနံၤန့ၣ်အဝဲသ့ၣ်စံးဘၣ်စီၤၡံၣ်ၡိၣ်အမါ, “က့ၤသံကွၢ်ခူသူၣ်နဝၤဒ်သိးကတဲပှၤလၢတၢ်ပှိၤပှံပှိၤပှီၢ် အခီပညီမ့ၢ်တၢ်မနုၤမနုၤတက့ၢ်. နမ့ၢ်တမၤဒ်န့ၣ်ဒီးပကဆူးကဲၤထီၣ် နပၢ်အဟံၣ်လၢမ့ၣ်အူဒီးဒွဲၣ်ကွံာ်နၤဃုာ်ဒီးအီၤန့ၣ်လီၤ. သုဝဲခံဂၤအံၤသုကွဲပှၤဒ်သိးသုကဂုာ်န့ၢ်တၢ်လၢပအိၣ်လီၤ တမ့ၢ်ဘၣ်ဧါ.”