လံာ်ပှၤစံၣ်တဲၤတဲလီၤတၢ် 10:1 - Sgaw Karen Common Bible

¹ သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.

လံာ်ပှၤစံၣ်တဲၤတဲလီၤတၢ် 10:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

လံာ်စီၤနဃ့မယၤ 6:13

အဝဲသ့ၣ်ဒိးလဲအီၤဒ်သိးကမၤပျံၤမၤဖုးယၤလၢတၢ်မၤတၢ်ဒဲး ဘးအပူၤဒ်သိးကမၤဟးဂီၤယမံၤဒီးမၤတရီတပါယၤန့ၣ်လီၤ.

လံာ်စီၤယိၤဘး 6:3

ကဃၢဒိၣ်န့ၢ်ဒံးပီၣ်လဲၣ်အမဲးတဖၣ်တက့ၢ်န့ၣ်လီၤ. လၢတၢ်န့ၣ်အဃိယတၢ်ကတိၤတပျူာ်တပျီၤသ့ၣ်တဖၣ် တကြၢးဒုးကမၢကမၣ်သုဘၣ်.

လံာ်တၢ်ဟးထီၣ်ကွံာ် 30:25

ဒီးဃါဃုာ်အီၤဒ်ထံနၢမူအသိးဒီးဒုးကဲထီၣ်သိဖှူတၢ်အသိစီဆှံတက့ၢ်.

လံာ်ပှၤစံၣ်တဲၤတဲလီၤတၢ် 9:18

တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ဃးကဲ 2:12

ပစံးဒၣ်ကလိာ်, ပှၤတဂၤဂၤဟံးန့ၢ်တၢ်ညၣ်စီဆှံတလိၣ် လၢတၢ်လုၢ်တၢ်ပာ်တမံၤအကျါဒီးစိာ်ဝဲလၢအဆ့ကၤဒိၣ် အထၢၣ်တဖျၢၣ်အပူၤလီၤ. အဝဲမ့ၢ်ပျဲအဆ့ကၤဒိၣ်ထိးဘၣ်ကိၣ် တဖျၢၣ်ဖျၢၣ်, တၢ်အီၣ်လၢပှၤဖီဝံၤ, စပံးထံ, သ့ၣ်စၤယံးအသိ မ့တမ့ၢ်တၢ်အီၣ်ထီရီၤတမံၤမံၤဒီး, တၢ်န့ၣ်ကမၤစီဆှံထီၣ်ကွံာ်တၢ်အီၣ်န့ၣ်စ့ၢ်ကီးဧါ.” ဖဲတၢ်သံကွၢ်န့ၣ်ဘၣ်တၢ်သံကွၢ်အီၤဒီး ပှၤလုၢ်တၢ်အခိၣ်တဖၣ်စံးဆၢဝဲ, “တမ့ၢ်ဘၣ်.”

လံာ်ဃးကဲ 2:13

ဒီးစီၤဃးကဲသံကွၢ်ဝဲ, “ပစံးဒၣ်ကလိာ်, ပှၤတဂၤကဲထီၣ်ကွံာ်ပှၤတကဆှီဘၣ်မ့ၢ်လၢအထိး ဘၣ်ပှၤသံစိၣ်တဂၤအဃိလီၤ. အဝဲမ့ၢ်ထိးဘၣ်တၢ်အီၣ်တဖၣ်အံၤတမံၤမံၤန့ၣ်, တၢ်န့ၣ်ကဒုးကဲထီၣ်တၢ်အီၣ်တဖၣ်န့ၣ်လၢတၢ်တကဆှီဘၣ်စ့ၢ်ကီးဧါ.” ပှၤလုၢ်တၢ်အခိၣ်တဖၣ်စံးဆၢဝဲ, “မ့ၢ်လီၤ.”