လံာ်ပှၤစံၣ်တဲၤတဲလီၤတၢ် 1:9 - Sgaw Karen Common Bible

⁹ တၢ်လၢအမၤတ့ၢ်လံအသးလၢညါန့ၣ်ကမၤကဒီးအသးလီၤ. တၢ်လၢတၢ်မၤတ့ၢ်လံအီၤလၢညါန့ၣ်, ကဘၣ်တၢ်မၤကဒီးအီၤလီၤ. တၢ်အသီတအိၣ်လၢဟီၣ်ခိၣ်ချၢနီတမံၤဘၣ်.

လံာ်ပှၤစံၣ်တဲၤတဲလီၤတၢ် 1:9 Iomraidhean Croise

လံာ်ပှၤစံၣ်တဲၤတဲလီၤတၢ် 1:10

အဝဲသ့ၣ်စံးဝဲ, “ကွၢ်တက့ၢ်. တၢ်အသီအိၣ်ဖဲအံၤတမံၤလီၤ.” ဘၣ်ဆၣ်, တမ့ၢ်ဘၣ်. တၢ်န့ၣ်မၤတ့ၢ်လံအသးလၢညါဃဲးဃဲး, လၢပတချုးအိၣ်ဖျဲၣ်ထီၣ်ဒံးဒၣ်လဲာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:12

နီၢ်နီၢ်တခီန့ၣ်, စီၤပၤတဂၤမၤတၢ်ကသ့ဒၣ်ထဲသိးသိးစီၤပၤ လၢအပူၤကွံာ်တဖၣ်မၤတ့ၢ်ဝဲန့ၣ်လီၤ. မၤသးဒ်န့ၣ်ဒီး, ယစးထီၣ်ဆိကမိၣ်ထီၣ်တၢ်ကဲထီၣ်ပှၤကူၣ်တၢ်သ့, မ့တမ့ၢ်ပှၤလၢအတပလီၢ်အသး, မ့တမ့ၢ်ပှၤဟးဂီၤဖိ, အခီပညီမ့ၢ်တၢ်မနုၤလဲၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:15

ကွၢ်ဖဲတၢ်ကမၤအသးတမံၤဂ့ၤတမံၤဂ့ၤ, မ့တမ့ၢ်, မၤအသးသ့တမံၤဂ့ၤတမံၤဂ့ၤန့ၣ်, မၤတ့ၢ်လံအသးလၢအပူၤကွံာ် န့ၣ်လီၤ. တၢ်တမံၤဃီန့ၣ်ကစၢ်ယွၤမၤအီၤတဘျီဝံၤတဘျီ ကဒီးန့ၣ်လီၤ.

လံာ်ပှၤစံၣ်တဲၤတဲလီၤတၢ် 6:10

တၢ်ခဲလၢာ်လၢအမၤအသးန့ၣ်တၢ်ကူၣ်ပာ်တ့ၢ်အီၤယံာ်လံ, ဒီးပဝဲခဲလၢာ်ပသ့ၣ်ညါလၢပှၤတဂၤဂၤဂ့ၢ်လိာ်ဘှီလိာ်တၢ်ဒီး ပှၤလၢအဆူၣ်န့ၣ်ဒံးအီၤတဂၤတသ့ဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:10

“အိ, ဘၣ်မနုၤအဃိတၢ်မၤအသးတဖၣ်, ဂ့ၤဒိၣ်တက့ၢ်လၢမုၢ်နံၤ လၢပျၢၤတဖၣ်အပူၤလဲၣ်” န့ၣ်, သံကွၢ်နီတစုတဂ့ၤ. တမ့ၢ်တၢ်သူၣ်ဆးသးဆးအတၢ်သံကွၢ်တမံၤဘၣ်.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

၂ ပ့းတရူး 2:1

လၢအပူၤကွံာ်ဝံအဘျၣ်တဖၣ်အိၣ်ထီၣ်လၢပှၤဂီၢ်မုၢ် အကျါ, ဒီးဒ်န့ၣ်အသိးသရၣ်အဘျၣ်တဖၣ်ကအိၣ်ထီၣ် လၢသုကျါန့ၣ်လီၤ. အဝဲသ့ၣ်ကဟဲစိာ်နုာ်တၢ်စူၢ်ကမၣ်နာ်ကမၣ်တဖၣ်လၢ ကမၤဟးဂီၤတၢ်, ဒီးအဝဲသ့ၣ်ကသမၢကစၢ်လၢအပှ့ၤက့ၤ အီၤ, သတးဒီးအဝဲသ့ၣ်ကဟဲစိာ်အတၢ်ဟးဂီၤဒၣ်ဝဲချ့ သဒံးန့ၣ်လီၤ.

လံာ်လီၣ်ဖျါ 21:1

တၢ်န့ၣ်ဝံၤအလီၢ်ခံယထံၣ်မူခိၣ်အသီ ဒီးဟီၣ်ခိၣ်အသီလီၤ. မူခိၣ်လၢအခီၣ်ထံး, ဒီးဟီၣ်ခိၣ်လၢအခီၣ်ထံးဟါမၢ်ကွံာ်ဝဲ, ဒီးပီၣ်လဲၣ်ဟါမၢ်ကွံာ်ဝဲဒၣ်လီၤ.

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”