လံာ်ပှၤစံၣ်တဲၤတဲလီၤတၢ် 1:3 - Sgaw Karen Common Bible

³ နမၤလၢာ်နတၢ်အိၣ်မူလၢတၢ်ဖံးတၢ်မၤ, တၢ်ကျဲးစၢးလၢာ်ဂံၢ်လၢာ်ဘါ, ဘၣ်ဆၣ်ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 1:3 Iomraidhean Croise

လံာ်ပှၤစံၣ်တဲၤတဲလီၤတၢ် 2:11

အန့ၣ်ဝံၤယဆိကမိၣ်ထီၣ်တၢ်လၢယမၤတ့ၢ်ခဲလၢာ်ဒီးယမၤတ့ၢ်အီၤ ဆူၣ်ထဲလဲၣ်ထဲလဲၣ်အဂ့ၢ်ဒီးယသ့ၣ်ညါလၢအခီပညီတအိၣ်နီ တမံၤဘၣ်န့ၣ်လီၤ. မၤအသးဒ်တၢ်လူၤဖီၣ်ကလံၤအသိးဒီး အဘျုးတအိၣ်နီတမံၤဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:18

တၢ်လၢယမၤတ့ၢ်ဒီးမၤန့ၢ်တ့ၢ်တဖၣ်အခီပညီတအိၣ်လၢယဂီၢ်နီ တမံၤဘၣ်. အဂ့ၢ်ဒ်အံၤ, ယသ့ၣ်ညါလၢယကဘၣ်ပာ်တီၢ်တ့ၢ်တၢ်တဖၣ်အံၤလၢပှၤလၢ အကဟဲထီၣ်လၢခံတစိၤအဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:19

ဒီးအဝဲကမ့ၢ်ပှၤကူၣ်တၢ်သ့မ့တမ့ၢ်ပှၤဟးဂီၤဖိဧါ, မတၤသ့ၣ်ညါကသ့တဂၤလဲၣ်. အန့ၣ်ဒၣ်လဲာ်, တၢ်လၢယမၤတ့ၢ်ခဲလၢာ်, ဒီးတၢ်ခဲလၢာ်လၢယတၢ်ကူၣ်သ့ မၤန့ၢ်တၢ်လၢယဂီၢ်လၢဟီၣ်ခိၣ်အံၤန့ၣ်ကကဲထီၣ်အဝဲအတၢ်ခဲလၢာ် လီၤ. တၢ်ခဲလၢာ်န့ၣ်အဘျုးတအိၣ်ဘၣ်.

လံာ်ပှၤစံၣ်တဲၤတဲလီၤတၢ် 2:22

နမၤတၢ်ဒီးမၤကိၢ်မၤဂီၤနကျဲလၢနတၢ်အိၣ်မူဒီကတီၢ်ညါ, ဒီးနအိၣ်ဒီးတၢ်မနုၤလၢနကပာ်ကဖၢလၢနသးအဂီၢ်န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 3:9

လၢပတၢ်မၤခဲလၢာ်အဃိ, ပဘၣ်ဘျုးလၢမနုၤတမံၤလဲၣ်.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:7

ယထံၣ်န့ၢ်တၢ်အဂၤတမံၤလၢတၢ်အိၣ်မူအပူၤလၢအမ့ၢ်တၢ်လၢ အဘျုးတအိၣ်ဘၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:16

တၢ်အံၤတဘၣ်ဘၣ်. ပက့ၤဒ်ပဟဲအသိးန့ၣ်လီၤ. ပဖံးတၢ်မၤတၢ်, ပကျဲးစၢးဖီၣ်ကလံၤ, ဒီးပမၤန့ၢ်တၢ်မနုၤလဲၣ်.

လံာ်ပှၤစံၣ်တဲၤတဲလီၤတၢ် 5:18

အအံၤမ့ၢ်တၢ်လၢယထံၣ်ဘၣ်တ့ၢ်ယဲလီၤ. တၢ်အဂ့ၤကတၢၢ်လၢပှၤတဂၤဂ့ၤတဂၤဂ့ၤမၤဝဲသ့န့ၣ်, မ့ၢ်အကအီၣ်တၢ်, အီတၢ်, ဒီးမုာ်လၤသးခုလၢတၢ်လၢအမၤန့ၢ်တ့ၢ် ဝဲတဖၣ်လၢတၢ်အိၣ်မူဖုၣ်ကိာ်လၢကစၢ်ယွၤဟ့ၣ်လီၤအီၤအပူၤလီၤ. တၢ်အံၤမ့ၢ်ပှၤကညီအတၢ်ဘူၣ်တၢ်တီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:12

တၢ်အဂ့ၤကတၢၢ်လၢပှၤကညီတဂၤအဂီၢ်လၢအဝဲအတၢ်အိၣ်မူ ဖုၣ်ကိာ်, တၢ်အိၣ်မူလၢအဘျုးတအိၣ်ဘၣ်, တၢ်အိၣ်မူလၢအလဲၤပူၤကွံာ်ဝဲဒ်တၢ်ကဒုအသိးန့ၣ်အပူၤအံၤ, မ့ၢ်တၢ်မနုၤလဲၣ်န့ၣ်, အဝဲသ့ၣ်ညါကသ့ဒ်လဲၣ်. အဝဲသံဝံၤအလီၢ်ခံ, တၢ်မနုၤကမၤအသးလၢဟီၣ်ခိၣ်ချၢအံၤလဲၣ် န့ၣ်, မ့ၢ်မတၤသ့ၣ်ညါကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 7:11

ပှၤလၢအအိၣ်မူကိးဂၤဒဲးန့ၣ်ကြၢးကူၣ်သ့ကူၣ်ဘၣ်လီၤ. တၢ်အံၤဂ့ၤထဲသိးဒီးတၢ်ဒိးန့ၢ်ဘၣ်တၢ်န့ၢ်သါတမံၤ,

လံာ်ပှၤစံၣ်တဲၤတဲလီၤတၢ် 9:13

တၢ်အိၣ်ဒံးဝဲအဂၤတမံၤလၢယထံၣ်တ့ၢ်ဒီးမ့ၢ်တၢ်ဒိဂ့ၤတဲာ်ဘၣ် တမံၤလၢတၢ်ကူၣ်သ့ဘၣ်တၢ်ပာ်ကဲအီၤလၢဟီၣ်ခိၣ်ချၢအံၤဒ်လဲၣ် န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ပှၤစံၣ်တဲၤတဲလီၤတၢ် 9:6

အတၢ်အဲၣ်တၢ်ကွံ, အတၢ်သးဟ့, အတၢ်သးဂဲၤတဖၣ်သံကွံာ်ခဲလၢာ်ဃုာ် ဒီးအဝဲသ့ၣ်လီၤ. အဝဲသ့ၣ်တမၤဃုာ်လၢၤကဒီးတၢ်လၢတၢ်မၤအသးလၢဟီၣ်ခိၣ်အံၤတမံၤ လၢ်လၢ်အပူၤဘၣ်.

လံာ်ယၡါယၤ 55:2

ဘၣ်မနုၤအဃိသုကဘၣ်မၤလၢာ်ကျိၣ်လၢာ်စ့လၢတၢ်တတံၤ သူၣ်တံၤသးအဂီၢ်န့ၣ်လဲၣ်. ဘၣ်မနုၤအဃိသုကဘၣ်မၤလၢာ်သုဘူးသုလဲဒီးသူၣ်ဝံၤသၣ်စ့ၤဒံး ဒၣ်တၢ်န့ၣ်လဲၣ်. ဒိကနၣ်ယၤဒီးမၤတၢ်လၢယစံးဘၣ်သုန့ၣ်တက့ၢ်. အန့ၣ်ဒီး, သုကမုာ်လၤသးခုလၢတၢ်အီၣ်အဂ့ၤကတၢၢ်လၢ တၢ်အီၣ်ခဲလၢာ်အကျါလီၤ.

လံာ်ဃဘးကူာ် 2:13

ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

လံာ်ဃဘးကူာ် 2:18

တၢ်ဂီၤတၢ်ဖီၣ်တခါန့ၣ်အဘျုးအိၣ်မနုၤတမံၤလဲၣ်. တၢ်န့ၣ်မ့ၢ်ဒၣ်တၢ်လၢပှၤကညီစိးပျၤတ့ၢ်ဝဲဒီးတ တဲသုလၢတၢ်နီတမံၤဘၣ်. မ့မ့ၢ်ထဲတၢ်လီတၢ်ဝ့ၤလီၤ. ကစၢ်တဂၤလၢအကတိၤတၢ်ဒၣ်လဲာ်တသ့ဘၣ်န့ၣ်, ကမၤတၢ်ဂ့ၤလၢပှၤစိးပျၤအီၤကသန့ၤအသးဒီးအီၤလၢမနုၤတမံၤလဲၣ်.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

1 ကရံၣ်သူး 16:16

လၢသုကပိာ်ထွဲခိၣ်နၢ်ဒ်အံၤအသိးတဖၣ်အတၢ်ပၢတၢ်ဆှၢဒီးပှၤ တဂၤလၢ်လၢ်လၢအဖံးတၢ်မၤတၢ်ဒီးမၤယွၤအတၢ်မၤတပူၤဃီဒီး အဝဲသ့ၣ်တဖၣ်န့ၣ်အတၢ်ပၢတၢ်ဆှၢလီၤ.