လံာ်ပှၤစံၣ်တဲၤတဲလီၤတၢ် 1:16 - Sgaw Karen Common Bible

¹⁶ ယစံးလီၤတ့ၢ်ယသး, ယကဲထီၣ်ပှၤဖးဒိၣ်တဂၤလံ. ယကူၣ်သ့ဒိၣ်န့ၢ်ဒံးပှၤတဂၤဂ့ၤတဂၤဂ့ၤလၢအပၢဝ့ၢ်ယရူၤၡလ့ၣ် လၢယမဲာ်ညါန့ၣ်လီၤ. တၢ်ကူၣ်သ့ဒီးတၢ်သ့ၣ်ညါ နီၢ်နီၢ်မ့ၢ်တၢ်မနုၤလဲၣ်န့ၣ်, ယသ့ၣ်ညါယဲလီၤ.

လံာ်ပှၤစံၣ်တဲၤတဲလီၤတၢ် 1:16 Iomraidhean Croise

လံာ်စီၤပၤအခီၣ်ထံးတဘ့ၣ် 10:7

ဘၣ်ဆၣ်တချုးဒံးဘၣ်လၢယဟဲထံၣ်ဘၣ်အီၤခဲလၢာ်လၢယနီၢ်ကစၢ်ဒၣ် ယဲန့ၣ်ယနာ်အီၤတသ့ဘၣ်. ဒီးတၢ်လၢယနၢ်ဟူဘၣ်န့ၣ်, တထီၣ်ဘးဒၣ်လဲာ်တဝာ်ဘၣ်. နတၢ်ကူၣ်သ့ဒီးနတၢ်ထူးတၢ်တီၤတဖၣ်အိၣ်အါန့ၢ်ဒံးတၢ်လၢပှၤတဲ ဘၣ်တ့ၢ်ယၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:30

စီၤၡလိၤမိၤကူၣ်သ့န့ၢ်ဒံးပှၤကူၣ်ဘၣ်ကူၣ်သ့တဖၣ်လၢကီၢ်မုၢ် ထီၣ်အပူၤမ့ၢ်ဂ့ၤ, ပှၤကူၣ်ဘၣ်ကူၣ်သ့တဖၣ်လၢကီၢ်အဲၤကူပတူးအပူၤမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:9

ယပှၤတဖၣ်ကဟဲစိာ်လီၤသ့ၣ်အကျီၣ်တဖၣ်လၢကီၢ်လဘၤနိၣ်ဆူပီၣ်လဲၣ် ဒီးကစၢထီၣ်အီၤတပူၤဃီဒ်ထိတဖၣ်အသိးဒီးထိၣ်ထွံလီၤအီၤလၢ ပီၣ်လဲၣ်နံၤဆူတၢ်လီၢ်လၢနဃုထၢန့ၣ်လီၤ. ဖဲန့ၣ်ယပှၤတဖၣ်ကဃ့ၣ်လီၤကွံာ်အီၤဒီးနပှၤတဖၣ်ကအံးထွဲ ကွၢ်ထွဲက့ၤအီၤန့ၣ်လီၤ. နဲဒၣ်တခီယအဲၣ်ဒိးလၢနကဟ့ၣ်ယခ့ယပှၤသ့ၣ်တဖၣ်လၢတၢ်အီၣ်တၢ်အီ န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 2:12

စံးထီၣ်ပတြၢၤယွၤ, အံၣ်စရ့လးအကစၢ်ယွၤ, ကစၢ်လၢအတ့လီၤမူခိၣ်ဒီးဟီၣ်ခိၣ်တဂၤန့ၣ်တက့ၢ်. အဝဲဟ့ၣ်လီၤတ့ၢ်လံစီၤပၤစီၤဒၤဝံးလၢဖိခွါလၢအကူၣ်တၢ်သ့ တဂၤလၢအပှဲၤဒီးတၢ်သ့ၣ်ညါဒီးတၢ်သ့တၢ်ဘၣ်, လၢခဲကနံၣ်အံၤကူၣ်ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢ ယွၤအဂီၢ်, ဒီးနီတဖျၢၣ်လၢအနီၢ်ကစၢ်ဒၣ်ဝဲအဂီၢ်န့ၣ်လီၤ.

စံးထီၣ်ပတြၢၤ 4:4

ကနိးကစုာ်လၢ တၢ်ပျံၤတၢ်ဖုးဒီးမၤတၢ်ဒဲးဘးလၢၤတဂ့ၤ. ဖဲသုမံလီၤလၢသုလီၢ်မံပူၤန့ၣ်, ဆိကမိၣ်လီၤက့ၤ သုသးလၢတၢ်ဘှ့ၣ်တၢ်ဘှီၣ်အပူၤတက့ၢ်.

စံးထီၣ်ပတြၢၤ 77:6

ယသ့ၣ်နီၣ်ထီၣ်က့ၤယတၢ်သးဝံၣ်လၢမုၢ်နၤလၢယသး, ယဆိကမိၣ်ထီၣ်တၢ်ဒီး တၢ်အံၤမ့ၢ်တၢ်လၢ ယသံကွၢ်လီၤက့ၤယသး,

လံာ်ပှၤစံၣ်တဲၤတဲလီၤတၢ် 2:1

ယပာ်လီၤတ့ၢ်ယသးလၢယကမုာ်လၤသးခုဒီးဃုထံၣ်တၢ်သူၣ်ဖှံ သးညီမ့ၢ်တၢ်မနုၤလဲၣ်န့ၣ်လီၤ. ဘၣ်ဆၣ်ယထံၣ်တ့ၢ်လၢအဝဲအံၤမ့ၢ်စ့ၢ်ကီးတၢ်လၢအဘျုးတအိၣ်ဘၣ် န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:15

ယဆိကမိၣ်ထီၣ်ယဲ, “ယကဘၣ်တူၢ်တၢ်ဘူၣ်တၢ်တီၢ်တမံၤဃီဒ်ပှၤဟး ဂီၤဖိတဖၣ်အသိးလီၤ. မၤသးဒ်န့ၣ်ဒီး, လၢယကူၣ်တၢ်သ့ထဲန့ၣ်ညါအဃိ, ယမၤန့ၢ်တၢ်မနုၤလဲၣ်.” ယစံးဆၢယဲ, “တန့ၢ်တၢ်နီတမံၤဘၣ်.”

လံာ်ပှၤစံၣ်တဲၤတဲလီၤတၢ် 2:9

မ့ၢ်လီၤ. ယမ့ၢ်တ့ၢ်ပှၤအဒိၣ်, လၢအဒိၣ်န့ၢ်ဒံးပှၤတဂၤလၢ်လၢ်လၢ အအိၣ်မူတ့ၢ်လၢဝ့ၢ်ယရူၤၡလ့ၣ်အပူၤန့ၣ်လီၤ. ဒီးယတၢ်ကူၣ်သ့တမၤဟးဂီၤယသးနီတစုဘၣ်.

လံာ်ပှၤစံၣ်တဲၤတဲလီၤတၢ် 3:17

ယစံးလၢယသးကံၢ်ပူၤ, “ကစၢ်ယွၤကစံၣ်ညီၣ်ပှၤအတီအလိၤ, ဒီးပှၤအၢပှၤသီဒ်သိးသိးလီၤ. မ့ၢ်အဂ့ၢ်ဒ်လဲၣ်န့ၣ်, တၢ်ခဲလၢာ်, တၢ်မၤခဲလၢာ်, ကမၤအသးလၢတၢ်အကတီၢ်ဒၣ်ဝဲဒ်တၢ်ပာ် လီၤတ့ၢ်အီၤအသိးန့ၣ်လီၤ.

လံာ်ယံးရမံယၤ 22:14

ပှၤတဂၤလၢအစံးဝဲ, “ယကသူၣ်ထီၣ်ဟံၣ်ဒိၣ်ကျိၤသွါတဖျၢၣ်လၢယဂီၢ်ဒၣ်ယဲ အိၣ်ဒီးဒၢးဖးလဲၢ်တဖၣ်လၢအဖီခိၣ်တကထၢန့ၣ်လီၤ. ဝံၤဒီးအဝဲဒၣ်မၤထီၣ်ပဲတြီဖိတဖၣ်လၢအဟံၣ်အပူၤ, မၤထီၣ်ဂီၤပၤတဖၣ်လၢသ့ၣ်ဆှိအ့ရ့း ဒီးဖှူအီၤလၢကသံၣ်အဂီၤန့ၣ်လီၤ. ပှၤတဂၤအံၤဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.