လံာ်သိၣ်လီၤသီလီၤတၢ် 9:9 - Sgaw Karen Common Bible

⁹ ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.

လံာ်သိၣ်လီၤသီလီၤတၢ် 9:9 Iomraidhean Croise

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:22

စီၤအလံၤၡါစံးဆၢဝဲ, “မၤသံတဂ့ၤ. ပှၤသုးဖိတဖၣ်လၢ နဖီၣ်န့ၢ်အီၤလၢတၢ်ဒုးအပူၤလၢနကမၤသံအီၤဒၣ်လဲာ်န့ၣ်, မၤသံအီၤတဂ့ၤ. ဟ့ၣ်အဝဲသ့ၣ်တၢ်တနီၤနီၤလၢကအီၣ်ဒီးကအီဝဲ အဂီၢ်ဒီးပျဲအဝဲသ့ၣ်က့ၤကဒါက့ၤဆူအစီၤပၤအအိၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 24:15

စီၤမိၤၡ့လဲၤထီၣ်ဆူကစၢၢ်စံၤနါအလိၤဒီးတၢ်အၢၣ်တလိၣ်လုၣ်ဘၢအီၤလီၤ.

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်မးသဲ 4:2

အဝဲဒုၣ်တၢ်အီၣ်အနံၤလွံၢ်ဆံအနၤလွံၢ်ဆံဝံၤဒီးတၢ်သၣ်ဝံၤ အသးလီၤ.

ကလၤတံ 4:24

တၢ်သ့ၣ်တဖၣ်အံၤ, တၢ်နၢ်ပၢၢ်အီၤဒ်တၢ်ဒိတၢ်တဲာ်အသိး သ့ဝဲလီၤ. ပိာ်မုၣ်ခံဂၤန့ၣ်ပာ်ဖျါထီၣ်တၢ်အၢၣ်လီၤအီလီၤခံ ခါလီၤ. အဝဲတဂၤလၢအဖိတဖၣ်အိၣ်ဖျဲၣ်ထီၣ်ဒ်ကုၢ်န့ၣ်မ့ၢ်ဝဲနီၢ် ဟၤကၢ်, ဒီးအဝဲဒၣ်မ့ၢ်တၢ်အၢၣ်လီၤအီလီၤအီၤလၢအဘၣ် တၢ်မၤအီၤဖဲကစၢၢ်စံၤနါန့ၣ်လီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

လံာ်သိၣ်လီၤသီလီၤတၢ် 9:11

မ့ၢ်လံ, တုၤအနံၤလွံၢ်ဆံဒီးအနၤလွံၢ်ဆံန့ၣ်ပူၤကွံာ်အလီၢ်ခံ ဒီးယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်ဒီးလၢအလိၤန့ၣ်အဝဲ ကွဲးတၢ်အၢၣ်လီၤအီလီၤန့ၣ်လီၤ.

လံာ်သိၣ်လီၤသီလီၤတၢ် 9:15

လၢတၢ်န့ၣ်အဃိ, ယဃၣ်ယသးဒီးက့ၤလီၤလၢကစၢၢ်အလိၤ, စိာ်ဃုာ်ဒီးလၢၢ်ဘ့ၣ်ဘၣ်ခံဘ့ၣ်လၢတၢ်အၢၣ်လီၤအီလီၤဘၣ်တၢ် ကွဲးလီၤအီၤလၢအလိၤန့ၣ်လီၤ. မ့ၣ်အူအလၣ်တဖၣ်ကဲၤထီၣ်ဝဲလၢကစၢၢ်တခီန့ၣ်လီၤ.

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.