လံာ်သိၣ်လီၤသီလီၤတၢ် 9:5 - Sgaw Karen Common Bible

⁵ တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 9:5 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:15

ယကဟ့ၣ်လီၤနၤဒီးနစၢၤနသွဲၣ်တဖၣ်လၢကယဲၢ်ကီၢ်လၢနထံၣ်ဘၣ်အီၤ ဒီးကမ့ၢ်နတၢ်လီၤစိၤလီၤထီန့ၣ်လီၤ.

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်တၢ်ကဲထီၣ်အခီၣ်ထံး 15:7

ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 36:22

ဒီးခဲကနံၣ်အံၤ, ဟ့ၣ်လီၤပှၤအံၣ်စရ့လးဖိတဖၣ်လၢယၤ, ယွၤ ပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ်တက့ၢ်. တၢ်လၢယကမၤအီၤန့ၣ်, တမ့ၢ်ဘၣ်လၢသုဝဲပှၤအံၣ်စရ့လးဖိတဖၣ် အဃိဘၣ်. မ့မ့ၢ်တခီ, မ့ၢ်လၢယမံၤစီဆှံလၢသုဒုးအိၣ်ထီၣ် တၢ်မၤမဲာ်ဆှးအီၤလၢထံကီၢ်တဘ့ၣ်လၢ်လၢ်ဖဲသု လဲၤတ့ၢ်အပူၤအဃိန့ၣ်လီၤ.

လံာ်ယဃ့းစက့လး 36:32

ကီၢ်အံၣ်စရ့လးဧၢ, ယအဲၣ်ဒိးလၢနကသ့ၣ်ညါလၢ, တမ့ၢ် ယမၤတၢ်သ့ၣ်တဖၣ်ခဲလၢာ်အံၤလၢနဃိဘၣ်. ယအဲၣ်ဒိးလၢ နကကလၢၢ်ဘၣ်တၢ်မဲာ်ဆှးဒီးတၢ်လီၤမဲာ်ဆှးလၢနမၤအီၤတဖၣ် န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 18:24

မၤဘၣ်အၢသုသးလၢတၢ်တဖၣ်အံၤနီတမံၤတဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ်ကွံာ်လၢသုမဲာ်ညါန့ၣ်မၤဘၣ်အၢအသးလၢ တၢ်တဖၣ်အံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:25

အဝဲသ့ၣ်အတၢ်မၤတဖၣ်အံၤမၤဘၣ်အၢထံကီၢ်လီၤ. လၢတၢ်န့ၣ်အဃိယွၤစံၣ်ညီၣ်ထံကီၢ်, ဒီးညိကွံာ်ပှၤအိၣ်လၢအပူၤ န့ၣ်လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

မၤတၢ် 3:25

ကစၢ်ယွၤအတၢ်အၢၣ်လီၤအီလီၤခီဖျိအဝံတဖၣ်န့ၣ်မ့ၢ်လၢသုဂီၢ်, ဒီးသုန့ၢ်သါဃုာ်တၢ်အၢၣ်လီၤအီလီၤလၢကစၢ်ယွၤမၤဝဲဒီး သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒ်အဝဲစံးဘၣ်စီၤအၤဘြၤဟၣ်အသိး, ‘ယကဆိၣ်ဂ့ၤပှၤဟီၣ်ခိၣ်ဖိခဲလၢာ်ခီဖျိနဖိနလံၤနစၢၤနသွဲၣ်တဖၣ်န့ၣ်လီၤ.’

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

ရိမ့ၤ 15:8

အဂ့ၢ်ဒ်အံၤ ယစံးဘၣ်သုလၢခရံာ်ကဲထီၣ်ပှၤယူဒၤဖိတဖၣ် အခ့အပှၤဒ်သိးကဒုးနဲၣ်ဝဲလၢယွၤအံၤအကလုၢ်တီဝဲ, ဒ်သိးအကမၤဂၢၢ်မၤကျၢၤတၢ်လၢကစၢ်ယွၤစံးပာ်တ့ၢ်ပမိၢ်ပပၢ်ဖံ ဖုသ့ၣ်လၢပျၢၤတဖၣ်,

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 12:31

ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 18:12

ယွၤ, သုကစၢ်ယွၤသးဟ့ပှၤဂီၢ်မုၢ်လၢအမၤတၢ်လီၤသးဘၣ်အၢတဖၣ် န့ၣ်, ဒီးလၢတၢ်န့ၣ်အဃိ, အဝဲနီၣ်ထီၣ်ဟီထီၣ်ကွံာ်ပှၤကလုာ်တဖၣ်န့ၣ် လၢကီၢ်ပူၤဖဲလၢသုလဲၤထီၣ်ဒုးတၢ်အခါန့ၣ်လီၤ.

လံာ်သိၣ်လီၤသီလီၤတၢ် 18:9

ဖဲသုဟဲနုာ်လီၤဆူကီၢ်န့ၣ်လၢယွၤ, သုကစၢ်ယွၤဟ့ၣ်လီၤသု အပူၤဒီး, ပိာ်ထွဲပှၤကလုာ်တဖၣ်လၢအအိၣ်ဖဲန့ၣ်အတၢ်မၤတဖၣ်လၢ အလီၤသးဘၣ်အၢအခံတဂ့ၤ.

လံာ်သိၣ်လီၤသီလီၤတၢ် 20:18

မၤသံကွံာ်အဝဲသ့ၣ်, ဒ်သိးဒီးအဝဲသ့ၣ်ဒုးမၤသုတၢ်ဒဲးဘးထီ ဒါယွၤ, ခီဖျိသိၣ်လိန့ၢ်သုလၢ, သုကမၤတၢ်လီၤသးဘၣ်အၢတဖၣ်လၢအဝဲ သ့ၣ်မၤဝဲ, လၢတၢ်ဘူၣ်ထီၣ်ဘါထီၣ်အယွၤတဖၣ်အပူၤ, သုတသ့ဝဲတဂ့ၤအဂီၢ်န့ၣ် တက့ၢ်.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,