လံာ်သိၣ်လီၤသီလီၤတၢ် 9:3 - Sgaw Karen Common Bible

³ မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်သိၣ်လီၤသီလီၤတၢ် 9:3 Iomraidhean Croise

လံာ်တၢ်ဟးထီၣ်ကွံာ် 23:23

ယကလူးကလဲၤတၢ်လၢသုမဲာ်ညါဒီးဆှၢသုဆူပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤကနၤဧၣ်ဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်အကီၢ်ပူၤဒီးယကမၤဟးဂီၤ အဝဲသ့ၣ်လီၤ.

လံာ်တၢ်ဟးထီၣ်ကွံာ် 24:17

တၢ်အၢၣ်လုၣ်ဘၢကစၢၢ်န့ၣ်လၢဃုသီအတီၢ်ပူၤဒီးလၢနွံသီတသီ န့ၣ်ယွၤကိးထီၣ်စီၤမိၤၡ့လၢတၢ်အၢၣ်အပူၤန့ၣ်လီၤ.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယၡါယၤ 30:27

ယွၤအစိကမီၤဒီးအလၤကပီၤဘၣ်တၢ်ထံၣ်န့ၢ်အီၤလၢအယံၤ သ့လီၤ. မ့ၣ်အူဒီးမ့ၣ်အူလုၣ်ဒုးနဲၣ်အတၢ်သးကဲၤထီၣ်လီၤ. အဝဲကတိၤတၢ်, ဒီးအတၢ်ကတိၤတဖၣ်အီၣ်ကွံာ်တၢ်ဒ်မ့ၣ် အူအသိးလီၤ.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်မးသဲ 15:10

ယ့ၣ်ၡူးကိးပှၤဂီၢ်မုၢ်ဆူအအိၣ်ဒီးစံးဘၣ်အဝဲသ့ၣ်, “ဒိကနၣ်ဒီးနၢ်ပၢၢ်တက့ၢ်.

လံာ်မၢ်ကူး 7:14

အန့ၣ်ဝံၤယ့ၣ်ၡူးကိးဃီၤကဒီးပှၤဂီၢ်မုၢ်တဖၣ်ဆူအအိၣ်ဒီးစံးဝဲ, “သုဝဲသ့ၣ်ခဲလၢာ်ကနၣ်ယတၢ်ကတိၤဒီးနၢ်ပၢၢ်ဘၣ်တက့ၢ်.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်သိၣ်လီၤသီလီၤတၢ် 20:4

ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:22

တစဲးဘၣ်တစဲးန့ၣ်, အဝဲကနီၣ်ထီၣ်ကွံာ်ပှၤကလုာ်တဖၣ်အံၤ, ဖဲသုလဲၤထီၣ်ဒုးတၢ်န့ၣ်လီၤ. သုမၤဟးဂီၤကွံာ်အဝဲသ့ၣ်ခဲ လၢာ်တဘျီဃီတန့ၢ်ဘၣ်. အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးဆၣ်ဖိကီၢ်ဖိအမံၤတဖၣ်ကအါထီၣ် ဝဲဒီးကကဲထီၣ်တၢ်မၤပျံၤမၤဖုးလၢသုဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:6

သုသ့ၣ်ညါသပှၢ်ကတၢၢ်သ့ဝဲလၢယွၤတဟ့ၣ်သုကီၢ်လၢအပှဲၤဒီးဟီၣ် ခိၣ်ညၣ်ထ့ၣ်ဂ့ၤအံၤ, မ့ၢ်လၢသုဂ့ၤဒိးန့ၢ်အီၤအဃိဘၣ်. တမ့ၢ်ဘၣ်. သုမ့ၢ်ပှၤဂီၢ်မုၢ်တဖုလၢအခိၣ်ကိၤဝဲန့ၣ်လီၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.

လံာ်စီၤယိၤၡူ 11:12

စီၤယိၤၡူမၤန့ၢ်ဝ့ၢ်တဖၣ်ဒီးအစီၤပၤတဖၣ်ခဲလၢာ်, ဒီးကျီသံကွံာ်ပှၤကိးဂၤလၢနးဒ်ယွၤအခ့အပှၤစီၤ မိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”

လံာ်စီၤယိၤၡူ 3:11

ဖဲဟီၣ်ခိၣ်ဒီဘ့ၣ်အကစၢ်အတၢ်အၢၣ်လီၤအီလီၤအတလါလဲၤခီဂာ်ထံ ကျိယၢ်ဒ့ၣ်လၢသုမဲာ်ညါအဆၢကတီၢ်န့ၣ်လီၤ.

လံာ်စီၤယိၤၡူ 3:14

မ့ၢ်ကူးဘုအကတီၢ်ဒီးထံကျိယၢ်ဒ့ၣ်အထံလုၣ်ဘၢအကၢၢ်နံၤန့ၣ်လီၤ. ဖဲပှၤဂီၢ်မုၢ်ဟးထီၣ်လၢသူၣ်ဒဲအလီၢ်လၢကခီဂာ်ယၢ်ဒ့ၣ်န့ၣ်, ပှၤလုၢ်တၢ်အခိၣ်တဖၣ်လဲၤလၢအဝဲ သ့ၣ်အမဲာ်ညါစိာ်ဃုာ်ဒီးတၢ်အၢၣ်လီၤအီလီၤအတလါန့ၣ်လီၤ.

လံာ်ပှၤစံၣ်ညီၣ်ကွီၢ် 4:14

တုၤနုၤတစုနီၢ်ဒဘိရၤစံးဘၣ်စီၤဘါရး, “လဲၤတက့ၢ်. ယွၤဆှၢနၤလီၤ. တနံၤအံၤအဝဲဟ့ၣ်လီၤနၤတၢ်မၤနၢၤလၢစီၤစံစရၤအဖီခိၣ်လီၤ.” မၤသးဒ်န့ၣ်ဒီးစီၤဘါရးဟဲလီၤလၢကစၢၢ်တၤဘိၢ်အဒီခိၣ်ဃုာ်ဒီးအပှၤတကလးဂၤန့ၣ်လီၤ.