လံာ်သိၣ်လီၤသီလီၤတၢ် 9:29 - Sgaw Karen Common Bible

²⁹ နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.

လံာ်သိၣ်လီၤသီလီၤတၢ် 9:29 Iomraidhean Croise

လံာ်စီၤပၤအခီၣ်ထံးတဘ့ၣ် 8:15

အဝဲစံးဝဲ, “စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တ က့ၢ်. အဝဲဟံးဃာ်ဂၢၢ်ကျၢၤအတၢ်အၢၣ်လီၤလၢအမၤတ့ၢ်ဒီးယပၢ်စီၤဒၤဝံး, ဖဲအဝဲစံးဘၣ်အီၤ,

လံာ်စီၤပၤအခီၣ်ထံးတဘ့ၣ် 8:51

အဝဲသ့ၣ်မ့ၢ်နပှၤဂီၢ်မုၢ်ဒၣ်နဲလၢနဟဲစိာ်ထီၣ်ကွံာ်အီၤလၢကီၢ် အဲၤကူပတူးလၢအလီၤဂာ်ဒ်မ့ၣ်အူဖၣ်ကွာ်အသိး, အပူၤန့ၣ်လီၤ.

လံာ်စီၤနဃ့မယၤ 1:10

ယွၤဧၢ, ပှၤသ့ၣ်တဖၣ်အံၤမ့ၢ်ဝဲနခ့နပှၤဒီးနပှၤကလုာ်ဒၣ်နဲန့ၣ် လီၤ. နမၤပူၤဖျဲးအဝဲသ့ၣ်လၢနစိဒိၣ်ကမီၤထီဒီးနဂံၢ်နဘါန့ၣ်လီၤ.

စံးထီၣ်ပတြၢၤ 100:3

သ့ၣ်ညါလၢယွၤမ့ၢ်ကစၢ်ယွၤတက့ၢ်. အဝဲဒၣ်န့ၣ်တ့ပှၤ ဒီးပမ့ၢ်အတၢ်လီၤ. ပမ့ၢ်အပှၤဂီၢ်မုၢ်ဒီး အတၢ်အီၣ်ဆၣ်အလီၢ် အသိတဖုလီၤ.

စံးထီၣ်ပတြၢၤ 106:40

လၢတၢ်န့ၣ်အဃိယွၤအသးထီၣ်ကဲၤထီၣ်အပှၤဂီၢ်မုၢ် ဒီးအဝဲအသးဘၣ်အၢအဝဲသ့ၣ်န့ၣ်လီၤ.

စံးထီၣ်ပတြၢၤ 136:12

အိၣ်ဒီးအစုဆူၣ်ဒီးအစုဒုၣ်လၢ အယူာ်ထီၣ်အသးလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 28:9

ယွၤဧၢ, မၤပူၤဖျဲးနပှၤဂီၢ်မုၢ် ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်. ကဲထီၣ်အပှၤကွၢ်သိ ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.

စံးထီၣ်ပတြၢၤ 77:15

လၢနစိနကမီၤန့ၣ်နအုၣ်က့ၤခီၣ်က့ၤနပှၤဂီၢ်မုၢ်, စီၤယၤကိာ်ဒီးစီၤယိၤသးအစၢၤအသွဲၣ်တဖၣ်လီၤ. စ့လၤ

စံးထီၣ်ပတြၢၤ 95:7

အဂ့ၢ်ဒ်အံၤ, အဝဲဒၣ်န့ၣ်မ့ၢ်ပကစၢ်ယွၤ, ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်, ဒီးအစုအသိတဖုန့ၣ်လီၤ. ဒိကနၣ်တၢ်လၢအဝဲစံးဝဲတနံၤအံၤတက့ၢ်.

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 33:13

ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

လံာ်တၢ်ဟးထီၣ်ကွံာ် 34:9

အဝဲစံးဝဲ, “ယွၤဧၢ, နမ့ၢ်ဘၣ်သူၣ်ဘၣ်သးယၤသပှၢ်တၢၢ်ဒီးယဃ့ နၤဒ်သိးနကလဲၤဃုာ်တၢ်ဒီးပှၤန့ၣ်လီၤ. ပှၤဂီၢ်မုၢ်အံၤအခိၣ်ကိၤဝဲလီၤ. ဘၣ်ဆၣ်ဒီးပျၢ်လၢ်ပတၢ်အၢတၢ် သီဒီးပတၢ်ဒဲးဘးဒီးတူၢ်လိာ်ပှၤဒ်နပှၤဂီၢ်မုၢ်ဒၣ်နဲအသိးန့ၣ်တက့ၢ်.”

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 63:19

နပာ်ပှၤဒ်နတမ့ၢ်ဘၣ်ပှၤပၢဘၣ်ပှၤနီတစုအသိး, ဒ်ပတမ့ၢ်တ့ၢ်နပှၤဂီၢ်မုၢ်နီတစုဘၣ်အသိးန့ၣ်လီၤ.

လံာ်ယၡါယၤ 64:8

ဘၣ်ဆၣ်ဒီး, ယွၤဧၢ, နမ့ၢ်ဒၣ်ပပၢ်လီၤ. ပလီၤဂာ်ဒီးကပံာ် ဒီးနဲနလီၤဂာ်ဒီးပှၤတ့သပၢၤလီၤ. နတ့လီၤပာ်လီၤတ့ၢ်ပှၤ,

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.