လံာ်သိၣ်လီၤသီလီၤတၢ် 9:28 - Sgaw Karen Common Bible

²⁸ မ့တမ့ၢ်ဒ်န့ၣ်ဘၣ်ဒီး, ပှၤအဲၤကူပတူးဖိတဖၣ်ကစံးဝဲလၢ, နဆှၢနပှၤဂီၢ်မုၢ်ဆူကီၢ်လၢနအၢၣ်လီၤတ့ၢ်အဝဲသ့ၣ်န့ၣ်တသ့ဘၣ် န့ၣ်လီၤ. အဝဲသ့ၣ်ကစံးလၢနဟံးထီၣ်ဒီးဆှၢနပှၤဂီၢ်မုၢ်ဆူပှၢ် မုၢ်ကနၢလၢနကမၤသံကွံာ်အီၤအဂီၢ်မ့ၢ်လၢနသးဟ့အဝဲသ့ၣ် အဃိန့ၣ်လီၤ.

လံာ်သိၣ်လီၤသီလီၤတၢ် 9:28 Iomraidhean Croise

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်တၢ်ဂံၢ် 14:16

နမၤသံတ့ၢ်နပှၤဂီၢ်မုၢ်လၢပှၢ်မုၢ်ကနၢအပူၤမ့ၢ်လၢနဆှၢအီၤဆူ ကီၢ်တဘ့ၣ်လၢနအၢၣ်လီၤတ့ၢ်လၢနကဟ့ၣ်အီၤန့ၣ်တသ့ဘၣ်အဃိန့ၣ် လီၤ.

လံာ်သိၣ်လီၤသီလီၤတၢ် 1:27

သုကဒူးကဒ့ၣ်လိာ်သုသးတဂၤဒီးတဂၤဒီးစံးလၢယွၤသးဟ့ပှၤ လီၤ. အဝဲထုးထီၣ်ကွံာ်ပှၤလၢကီၢ်အဲၤကူပတူးအပူၤ, မ့ၢ်ဒၣ်လၢအကဟ့ၣ်လီၤပှၤဆူပှၤဧၣ်မိၣ်ဖိတဖၣ်အံၤအစုပူၤ, ဒ်သိးအဝဲသ့ၣ်မၤသံပှၤကသ့အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:27

ဘၣ်ဆၣ်ယတပျဲဘၣ်အဝဲသ့ၣ်အဒုၣ်အဒါတဖၣ်ကကတိၤဒိၣ်ကတိၤသွါလီၤ အသးလၢအဝဲသ့ၣ်မၤနၢၤကွံာ်ယပှၤဂီၢ်မုၢ်အဃိ, ဖဲတၢ်န့ၣ်မ့ၢ်ဒၣ်ယကစၢ်ဒၣ်ယဲလၢအမၤလီၤကလဲကွံာ်အဝဲသ့ၣ်တခီလီၤ, အဃိန့ၣ်ဘၣ်.

လံာ်သိၣ်လီၤသီလီၤတၢ် 9:27

သ့ၣ်နီၣ်ထီၣ်က့ၤနခ့နပှၤတဖၣ်, လၢအမ့ၢ်ဝဲစီၤအၤဘြၤဟၣ်, စီၤအံၤစဲးဒီးစီၤယၤကိာ်တက့ၢ်. ဒီးတဘၣ်ပာ်သူၣ်ပာ်သးလၢပှၤဂီၢ်မုၢ်အံၤအတၢ်ခိၣ်ကိၤ, ဒီးအတၢ်ဒဲးဘးအဂ့ၢ်န့ၣ်တဂ့ၤ.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”