လံာ်သိၣ်လီၤသီလီၤတၢ် 9:21 - Sgaw Karen Common Bible

²¹ ယဟံးထီၣ်တၢ်ဒဲးဘးတမံၤလၢသုမၤတ့ၢ်အီၤန့ၣ်, လၢအမ့ၢ်တိၢ်စ့ဒီးထးကျီၢ်ဖါအဂီၤဒီးကွံာ်အီၤဆူမ့ၣ်အူ အပူၤလီၤ. အန့ၣ်ဝံၤဒီးယမၤကၢ်လီၤကလဲကွံာ်အီၤ, ဂံာ်ကမူၣ်အီၤပြံကဒံတုၤအကဲထီၣ်ဖၣ်ကမူၣ်, ဒီးတ့ၢ်လီၤကွံာ်ဖၣ်ကမူၣ်န့ၣ်ဆူထံကျိဖိအပူၤလၢအယွၤလီၤ ဝဲလၢကစၢၢ်အလိၤန့ၣ်လီၤ.

လံာ်သိၣ်လီၤသီလီၤတၢ် 9:21 Iomraidhean Croise

လံာ်စီၤပၤအခီၣ်ထံးတဘ့ၣ် 15:13

အဝဲသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အလီၢ်အလၤ, မ့ၢ်လၢနီၢ်မၤကၤမၤထီၣ်ဟီၣ်ခိၣ်ညၣ်ထ့ၣ်အကစၢ်မုၣ်နီၢ်အၡ့ရၤ အဂီၤတခါလၢအထိၣ်ဂဲၤထီၣ်တၢ်သးကတၢအဃိန့ၣ်လီၤ. စီၤအၤစါမၤဟးဂီၤကွံာ်တၢ်ဂီၤန့ၣ်ဒီးဒွဲၣ်အူကွံာ်အီၤလၢ ကံဒြိၣ်တၢ်တြီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:7

လၢကလံၤစိးဘီမုၢ်အလီၢ်ကဝီၤသကုၤဆးဒးန့ၣ်, အဝဲမၤလီၤကလဲကွံာ်တၢ်လုၢ်လီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်, မၤလီၤကမူၣ်ကွံာ်တၢ်ဂီၤတၢ်ဖီၣ်တဖၣ်ဆူဖၣ်ဆါ, ဒီးမၤကၢ်ကွံာ်ကယဲၢ်တၢ်လုၢ်နၢမူအတၢ်လုၢ်လီၢ်တဖၣ်ဆူ တၢ်အက့က့အခီခီန့ၣ်လီၤ. ဝံၤဒီးအဝဲဟဲက့ၤကဒါက့ၤဆူ ဝ့ၢ်ယရူၤၡလ့ၣ်န့ၣ်လီၤ.

လံာ်တၢ်ဟးထီၣ်ကွံာ် 32:20

အဝဲဟံးထီၣ်ဂီၤဖံးဖါဖိလၢအဝဲသ့ၣ်မၤဝဲ, ဒီးဃ့ၣ်ပှံၢ်လီၤဒီးတိၢ်ကမူၣ်ဝဲဒီးဃါဃုာ်အီၤလၢထံလီၤ. ဝံၤဒီးအဝဲမၢအံၣ်စရ့လးအပှၤဂီၢ်မုၢ်အိအီၤန့ၣ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 31:7

တၢ်ဆၢကတီၢ်ဟဲတုၤဝဲဖဲသုခဲလၢာ်သုကစူးကွံာ်တၢ်ဒဲးဘး အတၢ်ဂီၤတၢ်ဖီၣ်တဖၣ်လၢသုမၤတ့ၢ်အီၤလၢစ့ဒီးထူန့ၣ်လီၤ.

လံာ်ဟိၤၡ့ 8:11

ကီၢ်အံၣ်စရ့လးအပှၤဂီၢ်မုၢ်ဘှီထီၣ်တၢ်လုၢ်လီၢ်လၢကသုးကွံာ် တၢ်ဒဲးဘးဒံးအါ, တၢ်လီၢ်တဖၣ်လၢကမၤတၢ်ဒဲးဘးအဂီၢ်ဒံး အါထီၣ်န့ၣ်လီၤ.

လံာ်မံကၤ 1:7

အတၢ်ဂီၤတၢ်ဖီၣ်လၢအလုၢ်ဒိၣ်ပှ့ၤဒိၣ်ခဲလၢာ်ကဘၣ်တၢ်ဒိလီၤကလဲ အီၤ, တၢ်ကိးမံၤလၢအဘၣ်တၢ်ဟ့ၣ်လီၤအီၤဆူ အတၢ်လုၢ်ဟံၣ်အဃဲသဲမုၣ်တဖၣ်ကဘၣ်တၢ်မၤဟး ဂီၤအီၤလၢမ့ၣ်အူလီၤ. အတၢ်ဂီၤတၢ်ဖီၣ်ခဲလၢာ်ကကဲထီၣ်တၢ်ပာ်ဖှိၣ်အလီၢ်အိၣ်သယုၢ်လီၤ. ၡၤမရံပာ်ဖှိၣ်တၢ်လၢဃဲသဲမုၣ်အဘူးအလဲအဂီၢ်, ဒီးခဲအံၤအဒုၣ်အဒါတဖၣ်ကစိာ်ကွံာ်အီၤလၢက ကဲထီၣ်တၢ်လုၢ်ဟံၣ်အဃဲသဲမုၣ်အဂီၢ်လီၤ.

လံာ်သိၣ်လီၤသီလီၤတၢ် 9:20

ယွၤအသးဒိၣ်ထီၣ်ဘၣ်စ့ၢ်ကီးစီၤအၤဟရိၣ်နးမးတုၤလၢအက မၤသံအီၤလီၤ. လၢတၢ်န့ၣ်အဃိယဘါထုကဖၣ်တၢ်လၢစီၤအၤဟရိၣ်အ ဂီၢ်, လၢတၢ်တကတီၢ်ဃီန့ၣ်လီၤ.