လံာ်သိၣ်လီၤသီလီၤတၢ် 9:18 - Sgaw Karen Common Bible

¹⁸ မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 9:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:16

စီၤဒၤဝံးဘါထုကဖၣ်တ့ၢ်ဆူကစၢ်ယွၤအအိၣ် လၢဖိသၣ်ကအိၣ်ဆူၣ်ထီၣ်က့ၤအဂီၢ်န့ၣ်လီၤ. အဝဲဂ့ၢ်လိာ်လၢကအီၣ်တၢ်တမံၤဂ့ၤတမံၤဂ့ၤအဂီၢ်, ဒီးကိးမုၢ်နၤဒဲးန့ၣ်လဲၤမံလီၤဝဲလၢဟီၣ်ခိၣ်လိၤသီတနၤကျၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

လံာ်စီၤဧ့စြၤ 10:6

အန့ၣ်ဒီး, အဝဲဟးထီၣ်လၢတၢ်လုၢ်ဟံၣ်အမဲာ်ညါဒီးလဲၤနုာ်ဆူ စီၤအ့လယၤၡံာ်အဖိခွါစီၤယိဃၤနၣ်အတၢ်အိၣ်ဆိးအလီၢ်, ဒီးဖဲန့ၣ်သူၣ်အုးသးအုးလၢပှၤဘၣ်တၢ်စိာ်မၢကဲကုၢ်တဖၣ်အတၢ် သးတတီအဃိဒီတနၤလီၤ. အဝဲတအီၣ်တၢ်မ့ၢ်ဂ့ၤအီတၢ်မ့ၢ်ဂ့ၤနီတမံၤဘၣ်.

စံးထီၣ်ပတြၢၤ 106:23

ဖဲကစၢ်ယွၤစံးလၢ ကမၤဟးဂီၤကွံာ် အပှၤဂီၢ်မုၢ်န့ၣ်, အခ့အပှၤလၢအဃုထၢဝဲစီၤမိၤၡ့ ဂဲၤဆၢထၢၣ်ထီဒါကစၢ်ယွၤ, ဒီးတြီဃာ်အတၢ်သးထီၣ်လၢ ကမၤဟးဂီၤအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်တၢ်ဟးထီၣ်ကွံာ် 34:9

အဝဲစံးဝဲ, “ယွၤဧၢ, နမ့ၢ်ဘၣ်သူၣ်ဘၣ်သးယၤသပှၢ်တၢၢ်ဒီးယဃ့ နၤဒ်သိးနကလဲၤဃုာ်တၢ်ဒီးပှၤန့ၣ်လီၤ. ပှၤဂီၢ်မုၢ်အံၤအခိၣ်ကိၤဝဲလီၤ. ဘၣ်ဆၣ်ဒီးပျၢ်လၢ်ပတၢ်အၢတၢ် သီဒီးပတၢ်ဒဲးဘးဒီးတူၢ်လိာ်ပှၤဒ်နပှၤဂီၢ်မုၢ်ဒၣ်နဲအသိးန့ၣ်တက့ၢ်.”

လံာ်သိၣ်လီၤသီလီၤတၢ် 10:10

ယအိၣ်လၢကစၢၢ်ဒီခိၣ်လၢအနံၤလွံၢ်ဆံဒီးအနၤလွံၢ်ဆံ အတီၢ်ပူၤ, ဒ်ယမၤတ့ၢ်အီၤလၢအခီၣ်ထံးတဘျီအသိးန့ၣ်လီၤ. ယွၤဒိကနၣ်ကဒီးယၤတဘျီ, ဒီးဘၣ်သူၣ်ဘၣ်သးလၢအတမၤဟးဂီၤ ကွံာ်သုဘၣ်န့ၣ်လီၤ.

လံာ်သိၣ်လီၤသီလီၤတၢ် 9:17

လၢတၢ်န့ၣ်အဃိ, ဖဲန့ၣ်, လၢသုမဲာ်ညါန့ၣ် ယတ့ၢ်လီၤကွံာ်လၢၢ်ဘ့ၣ်ဘၣ်တဖၣ်ဒီးမၤကၢ်လီၤကလဲကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.