လံာ်သိၣ်လီၤသီလီၤတၢ် 8:8 - Sgaw Karen Common Bible

⁸ မ့ၢ်ကီၢ်တဘ့ၣ်လၢအဟ့ၣ်ထီၣ်ဘုကၠူၣ်ဒီးဘုမုယီၤ, စပံးသၣ်တဖၣ်, ချၢၣ်ဒၢတဖၣ်, သလဲသၣ်တဖၣ်, သ့ၣ်စၤယံးအသၣ်တဖၣ်ဒီးကနဲစီန့ၣ် လီၤ.

လံာ်သိၣ်လီၤသီလီၤတၢ် 8:8 Iomraidhean Croise

လံာ်တၢ်ကဲထီၣ်အခီၣ်ထံး 49:11

အဝဲစၢဃာ်အကသ့ၣ်ယီၤဖိလၢစပံးမုၢ်တမုၢ်, လၢစပံးမုၢ်တဖၣ်အကျါအဂ့ၤကတၢၢ်တမုၢ်လီၤ. အဝဲဆှူၣ်အကူအသိးတဖၣ်လၢစပံးထံလၢအဂီၤဒ်တၢ်သွံၣ်အသိး, အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:6

ပိာ်မုၣ်လၢအခိးတြဲၤမံခ့တုၤအမံဘၣ်အသးဖဲအဃၤဘုကၠူၣ်အခါ န့ၣ်လီၤ. လၢတၢ်န့ၣ်အဃိစီၤရ့ကးဒီးစီၤဘၤနါလဲၤနုာ်ခူသူၣ်ဆူဟံၣ် ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:11

ဒီးစီၤၡလိၤမိၤဟ့ၣ်လီၤစီၤဃူရၣ်လၢဘုကၠူၣ်အကိၢ်ခံကလး, ဒီးသ့ၣ်စၤယံးအသိဆှံဆှံအကိၢ်ခံဆံကိးနံၣ်ဒဲးလၢကဒုး အီၣ်အပှၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:32

တုၤတၢ်ဆၢကတီၢ်လၢစီၤပၤဖးဒိၣ်သူၣ်လီၤကဒါက့ၤန့ၢ်သုအိၣ် သုဆိးအလီၢ်လၢထံကီၢ်တဘ့ၣ်လၢအလီၤဂာ်ဒီးသုကီၢ်ဒၣ်သု ဝဲအပူၤ, တၢ်လီၢ်ဖဲစပံးလီၢ်တဖၣ်ဟ့ၣ်ထီၣ်စပံးထံ, ဒီးဖဲန့ၣ်ဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်န့ၣ်လီၤ. မ့ၢ်ကီၢ်တဘ့ၣ်လၢအပှဲၤဒီး, သ့ၣ်စၤယံး, သ့ၣ်စၤယံးအသိဒီးကနဲ စီန့ၣ်လီၤ. သုမ့ၢ်မၤတၢ်ဒ်အဝဲမၤလိာ်ဝဲန့ၣ်, သုတသံဘၣ်ဒီးသုကမူလီၤ. ပျဲစီၤဃံးစကံယၤမၤပျုၢ်သုဒီးဒုးဆိကမိၣ်သုလၢယွၤကမၤ ပူၤဖျဲးသုန့ၣ်တဂ့ၤ.

စံးထီၣ်ပတြၢၤ 147:14

အဝဲပာ်လီၤတၢ်ဃူတၢ်ဖိးလၢနကီၢ်အဃၢၤ, အဝဲဒုးဘျဲးအီၣ်ဘျဲးအီနၤလၢ ဘုဧိၤဟုဧိၤလၢအဂ့ၤကတၢၢ်လီၤ.

စံးထီၣ်ပတြၢၤ 81:16

မ့မ့ၢ်ယဲၢအံၤယကဒုးအီၣ်နၤလၢဘုကၠူၣ်အဂ့ၤကတၢၢ် ဒီးဒုးမံသူၣ်မံသးနၤလၢကနဲစီအမံၤန့ၣ်လီၤ.”

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်ယံးရမံယၤ 5:17

အဝဲသ့ၣ်ကအီၣ်လၢာ်ကွံာ်သုတၤသူတၤသၣ်တဖၣ်ဒီးသုတၢ်အီၣ် တၢ်အီတဖၣ်လီၤ. အဝဲသ့ၣ်ကမၤသံကွံာ်သုဖိခွါတဖၣ်ဒီးသုဖိမုၣ်တဖၣ်လီၤ. အဝဲသ့ၣ်ကမၤသံကွံာ်သုသိဒီးမဲာ်တဲးလဲးအဖုတဖၣ် ဒီးကမၤဟးဂီၤကွံာ်သုစပံးမုၢ်တဖၣ်ဒီးသုချၢၣ်ဒၢအထံးတဖၣ်လီၤ. သုဝ့ၢ်အိၣ်ဒီးတိာ်ဧိၤတာ်ဧိၤတဖၣ်လၢသုသန့ၤသုသးလၢအီၤန့ၣ်, ကဘၣ်တၢ်မၤဟးဂီၤကွံာ်အီၤလၢအဝဲသ့ၣ်အသုးမုၢ်န့ၣ်လီၤ.

လံာ်ယဃ့းစက့လး 27:17

ကီၢ်ယူဒၤဒီးကီၢ်အံၣ်စရ့လးတဖၣ် ဟ့ၣ်နၤတၢ်အပှ့ၤလၢဘုကၠူၣ်, ကနဲစီ, သ့ၣ်စၤယံးအသိဒီးတၢ်နၢမူတဖၣ်လၢတၢ်ဖိတၢ်လံၤတဖၣ် လၢနဆါအီၤအဂီၢ်န့ၣ်လီၤ.

လံာ်ဟိၤၡ့ 2:22

ဒီးဟီၣ်ခိၣ်ကဟ့ၣ်ထီၣ်ဘုဧိၤဟုဧိၤဒီးစပံးသၣ်တဖၣ်ဒီးသ့ၣ်စၤယံး တဖၣ်န့ၣ်လီၤ.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်မံကၤ 4:4

ပှၤကိးဂၤဒဲးကအိၣ်မုာ်ဆိးပၢၤလၢအစပံးလီၢ်တဖၣ်ဒီး အချၢၣ်ဒၢထူၣ်တဖၣ်ဒၣ်ဝဲအကျါ, ပှၤတမၤပျံၤအီၤနီတဂၤလၢၤဘၣ်. တၢ်သုးမုၢ်ဂီၢ်မုၢ်အယွၤအၢၣ်လီၤအီလီၤတ့ၢ်တၢ်အံၤလီၤ.

လံာ်ဃဘးကူာ် 3:17

ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်တၢ်ဂံၢ် 13:23

အဝဲသ့ၣ်ဟဲတုၤလၢအ့ၡကိၤလးအတၢ်တြီၤဒီးဖဲန့ၣ်အဝဲသ့ၣ်ကျီ တဲာ်သ့ၣ်ဒ့တဒ့လၢအအိၣ်ဒီးစပံးသၣ်အချံၣ်ဖးဒိၣ်လၢအဃၢဝဲ တချံၣ်တုၤပှၤခံဂၤဘၣ်ယိးအီၤလၢသ့ၣ်တဘိလၢညါတဂၤဒီးလၢခံ တဂၤန့ၣ်လီၤ. အဝဲသ့ၣ်ဟဲက့ၤစိာ်စ့ၢ်ကီးသလဲသၣ်ဒီးချၢၣ်ဒၢသၣ်တနီၤန့ၣ် လီၤ.

လံာ်ယိၤဟၣ် 6:13

အန့ၣ်ဒီး, အဝဲသ့ၣ်ထၢဖှိၣ်က့ၤကိၣ်လၢအအိၣ်ဘျဲၣ်တ့ၢ် တဖၣ်, ဒီးကိၣ်ယဲၢ်ဖျၢၣ်လၢပှၤဂီၢ်မုၢ်အီၣ်ဝဲဒၣ်န့ၣ် အိၣ်ဘျဲၣ်တ့ၢ်ပှဲၤကုတဆံခံဒုန့ၣ်လီၤ.

လံာ်ယိၤဟၣ် 6:9

“ပိာ်ခွါဖိသၣ်အိၣ်ဖဲအံၤတဂၤ, အကိၣ်အိၣ်ယဲၢ်ဖျၢၣ်ဒီးအညၣ် အိၣ်ခံဘ့ၣ်လီၤ. ဘၣ်ဆၣ်တၢ်သ့ၣ်တဖၣ်အံၤကလၢဝဲလၢပှၤခဲလၢာ်အဂီၢ်ဒ်လဲၣ်.”

လံာ်သိၣ်လီၤသီလီၤတၢ် 32:13

အဝဲဒုးပၢဘၣ်တ့ၢ်အဝဲသ့ၣ်လၢတၢ်လီၢ်အထီတဖၣ်, ဒီးအဝဲသ့ၣ်အီၣ်ဘၣ်တ့ၢ်တၢ်လၢအမဲထီၣ်လၢစံာ်ပျီတဖၣ်အပူၤန့ၣ်လီၤ. အဝဲသ့ၣ်ထံၣ်န့ၢ်ကနဲအမံၤအစီလၢလၢၢ်တဖၣ်အကျါ, အဝဲသ့ၣ်အသ့ၣ်စၤယံးတဖၣ်ဒိၣ်ထီၣ်တ့ၢ်လၢလၢၢ်ခိၣ်န့ၣ်လီၤ.

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

လံာ်သိၣ်လီၤသီလီၤတၢ် 8:7

ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 8:9

ဖဲန့ၣ်သုတသၣ်ဝံၤလီၤဒိနီတစုမ့ၢ်ဂ့ၤ, တၢ်လိၣ်တအိၣ်လၢၤနီ တစုမ့ၢ်ဂ့ၤဘၣ်. လၢအလၢၢ်တဖၣ်အပူၤန့ၣ်အိၣ်ဒီးထးဒီးလၢအတၢ် လူၢ်တဖၣ်န့ၣ်သုခူၣ်ထီၣ်တိၢ်ဘီသ့ဝဲဒၣ်လီၤ.