လံာ်သိၣ်လီၤသီလီၤတၢ် 8:7 - Sgaw Karen Common Bible

⁷ ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 8:7 Iomraidhean Croise

လံာ်တၢ်ကဲထီၣ်အခီၣ်ထံး 49:11

အဝဲစၢဃာ်အကသ့ၣ်ယီၤဖိလၢစပံးမုၢ်တမုၢ်, လၢစပံးမုၢ်တဖၣ်အကျါအဂ့ၤကတၢၢ်တမုၢ်လီၤ. အဝဲဆှူၣ်အကူအသိးတဖၣ်လၢစပံးထံလၢအဂီၤဒ်တၢ်သွံၣ်အသိး, အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:32

တုၤတၢ်ဆၢကတီၢ်လၢစီၤပၤဖးဒိၣ်သူၣ်လီၤကဒါက့ၤန့ၢ်သုအိၣ် သုဆိးအလီၢ်လၢထံကီၢ်တဘ့ၣ်လၢအလီၤဂာ်ဒီးသုကီၢ်ဒၣ်သု ဝဲအပူၤ, တၢ်လီၢ်ဖဲစပံးလီၢ်တဖၣ်ဟ့ၣ်ထီၣ်စပံးထံ, ဒီးဖဲန့ၣ်ဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်န့ၣ်လီၤ. မ့ၢ်ကီၢ်တဘ့ၣ်လၢအပှဲၤဒီး, သ့ၣ်စၤယံး, သ့ၣ်စၤယံးအသိဒီးကနဲ စီန့ၣ်လီၤ. သုမ့ၢ်မၤတၢ်ဒ်အဝဲမၤလိာ်ဝဲန့ၣ်, သုတသံဘၣ်ဒီးသုကမူလီၤ. ပျဲစီၤဃံးစကံယၤမၤပျုၢ်သုဒီးဒုးဆိကမိၣ်သုလၢယွၤကမၤ ပူၤဖျဲးသုန့ၣ်တဂ့ၤ.

စံးထီၣ်ပတြၢၤ 104:10

နဒုးယွၤလီၤထံထီၣ်ပၢၢ်တဖၣ်လၢ တၢ်တြီၤတဖၣ်အပူၤ ဒီးထံကျိတဖၣ် ယွၤလီၤလၢ တၢ်လူၢ်တဖၣ်အကဆူးန့ၣ်လီၤ.

စံးထီၣ်ပတြၢၤ 106:24

အန့ၣ်ဝံၤဒီး, အဝဲသ့ၣ်ညိကွံာ်ထံမုာ်ကီၢ်ပၢၤမ့ၢ်လၢ အဝဲသ့ၣ်တနာ်ကစၢ်ယွၤအတၢ်အၢၣ်လီၤအီလီၤအဃိလီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်ယၡါယၤ 36:17

တုၤလၢစီၤပၤဖးဒိၣ်ပာ်လီၤက့ၤသုတၢ်အိၣ်တၢ်ဆိးအလီၢ်လၢထံ ကီၢ်တဘ့ၣ်လၢအလီၤဂာ်မးဒီးသုထံသုကီၢ်ဒၣ်ဝဲတစု, ဖဲစပံးလီၢ်တဖၣ်အိၣ်ဝဲလၢကဟ့ၣ်ထီၣ်စပံးထံ, ဒီးဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်လီၤ.

လံာ်ယၡါယၤ 5:1

ဖဲယသးဝံၣ်န့ၢ်နၤတၢ်သးဝံၣ်အံၤ, ယတံၤသကိးဒီးအစပံးလီၢ် အတၢ်သးဝံၣ်တယုၢ်အံၤန့ၣ်, ဒိကနၣ်တက့ၢ်. ယတံၤသကိးအိၣ်ဒီးအစပံးလီၢ်တလီၢ်လၢအအိၣ်လၢကစၢၢ်ဖိ လၢဟီၣ်ခိၣ်ညၣ်ထ့ၣ်ဂ့ၤဒိၣ်မးအဒီခိၣ်လီၤ.

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်ယဃ့းစက့လး 17:5

ဝံၤဒီးအဝဲဟံးန့ၢ်တၢ်မုၢ်တၢ်ဘိအစၢ်တမုၢ်လၢကီၢ်အံၣ်စရ့လး အပူၤဒီးသူၣ်လီၤအီၤလၢဟီၣ်ခိၣ်ညၣ်ထ့ၣ်အပျီတဘ့ၣ်အပူၤ, ဖဲထံအိၣ်ဝဲထီဘိလၢကဒုးဒိၣ်ထီၣ်အီၤအဂီၢ်န့ၣ်လီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်သိၣ်လီၤသီလီၤတၢ် 8:6

ဒီးလၢတၢ်န့ၣ်အဃိ, မၤဒ်ယွၤမၤလိာ်တ့ၢ်သုအသိးန့ၣ်တက့ၢ်. အိၣ်မူဒ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်အသိးဒီးအိၣ်ဒီး တၢ်ယူးယီၣ်ပာ်ကဲအီၤန့ၣ်တက့ၢ်.

လံာ်သိၣ်လီၤသီလီၤတၢ် 8:8

မ့ၢ်ကီၢ်တဘ့ၣ်လၢအဟ့ၣ်ထီၣ်ဘုကၠူၣ်ဒီးဘုမုယီၤ, စပံးသၣ်တဖၣ်, ချၢၣ်ဒၢတဖၣ်, သလဲသၣ်တဖၣ်, သ့ၣ်စၤယံးအသၣ်တဖၣ်ဒီးကနဲစီန့ၣ် လီၤ.

လံာ်ပှၤစံၣ်ညီၣ်ကွီၢ် 18:10

ဖဲသုတုၤဖဲန့ၣ်ဒီး, သုကထံၣ်လၢပှၤအိၣ်ဖဲန့ၣ်တဖၣ် တပလီၢ်အသးလၢတၢ်နီတမံၤဘၣ်. မ့ၢ်ဝဲကီၢ်ဖးဒိၣ်တဘ့ၣ်လီၤ. အိၣ်ဝဲဒီးတၢ်ကိးမံၤလၢပှၤတဂၤမိၢ်န့ၢ်သးလီအီၤန့ၣ်လီၤ. ဒီးယွၤဟ့ၣ်လီၤအီၤလၢသုစုပူၤလံန့ၣ်လီၤ.”