လံာ်သိၣ်လီၤသီလီၤတၢ် 8:6 - Sgaw Karen Common Bible

⁶ ဒီးလၢတၢ်န့ၣ်အဃိ, မၤဒ်ယွၤမၤလိာ်တ့ၢ်သုအသိးန့ၣ်တက့ၢ်. အိၣ်မူဒ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်အသိးဒီးအိၣ်ဒီး တၢ်ယူးယီၣ်ပာ်ကဲအီၤန့ၣ်တက့ၢ်.

လံာ်သိၣ်လီၤသီလီၤတၢ် 8:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:31

ဒ်သိးနပှၤဂီၢ်မုၢ်ကအိၣ်ဒီးတၢ်ယူးယီၣ်နၤ, ဒီးစူၢ်နၤကိးဆၢကိးကတီၢ်ဒဲးဖဲအအိၣ်ဆိးဒံးလၢထံဧိၤကီၢ် ဧိၤလၢနဟ့ၣ်လီၤတ့ၢ်ပမိၢ်ပၢ်ဖံဖုလၢပျၢၤသ့ၣ်တဖၣ်အပူၤန့ၣ်တက့ၢ်.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

လံာ်တၢ်ဟးထီၣ်ကွံာ် 18:20

နကြၢးသိၣ်လိအဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးတဲနၢ် ပၢၢ်အဝဲသ့ၣ်လၢကဘၣ်အိၣ်မူဒ်လဲၣ်ဒီးကဘၣ်မၤတၢ်ဒ်လဲၣ်အဂ့ၢ်န့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 8:5

သ့ၣ်နီၣ်လၢယွၤ, သုကစၢ်ယွၤဘှီက့ၤဒီးစံၣ်ညီၣ်သုဒ်ပၢ်တဂၤ သိၣ်သီကတိၤအဖိတဖၣ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 8:7

ယွၤ, သုကစၢ်ယွၤန့ၣ်ဟဲစိာ်နုာ်သုဆူကီၢ်တဘ့ၣ်လၢအပှဲၤဒီး ဟီၣ်ခိၣ်ညၣ်ထ့ၣ်အဂ့ၤ, လၢအမ့ၢ်ကီၢ်တဘ့ၣ်လၢအအိၣ်ဒီးထံကျိတဖၣ်, ထံထီၣ်ပၢၢ်တဖၣ်, ထံကျိဖိလၢဟီၣ်ခိၣ်လာ်ခီ လၢအပုာ်ထီၣ်ယွၤလီၤဆူတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.