လံာ်သိၣ်လီၤသီလီၤတၢ် 8:4 - Sgaw Karen Common Bible

⁴ လၢအနံၣ်လွံၢ်ဆံအတီၢ်ပူၤအံၤသုတၢ်ကူတၢ်သိးတဖၣ်တလီၢ်လံၤဖီ ဃးမ့ၢ်ဂ့ၤသုခီၣ်တဖၣ်တညိးထီၣ်မ့ၢ်ဂ့ၤဘၣ်န့ၣ်လီၤ.

လံာ်သိၣ်လီၤသီလီၤတၢ် 8:4 Iomraidhean Croise

လံာ်စီၤနဃ့မယၤ 9:21

ဒီးအနံၣ်လွံၢ်ဆံလၢပှၢ်မုၢ်ကနၢအပူၤန့ၣ်နဟ့ၣ်ကယဲၢ် တၢ်လၢအလိၣ်ဘၣ်ဝဲ, ဒီးအကူအသိးတလီၢ်လံၤဘၣ်ဝဲဘၣ်. ဒီးအခီၣ်တညိးထီၣ်လၢတၢ်ဆါအဃိန့ၣ်ဘၣ်.

လံာ်တၢ်ဟးထီၣ်ကွံာ် 16:35

ပှၤအံၣ်စရ့လးဖိတဖၣ်အီၣ်ဝဲကိၣ်မၤနၤဆူညါအနံၣ်လွံၢ်ဆံတုၤ အဝဲသ့ၣ်လဲၤတုၤကီၢ်ကနၤဧၣ်, တၢ်လီၢ်ဖဲအဝဲသ့ၣ်သူၣ်လီၤဆီလီၤ အသးန့ၣ်လီၤ.

လံာ်တၢ်ဂံၢ် 14:33

သုဖိတဖၣ်ကဟးဝ့ၤဝီၤတၢ်လၢပှၢ်မုၢ်ကနၢအပူၤအနံၣ်လွံၢ်ဆံ, ကတူၢ်ဘၣ်တၢ်လၢသုတၢ်သးတတီတလိၤအဃိ, တုၤလၢပှၤလၢသုကျါလၢခံကတၢၢ်တဂၤသံဝဲတစုန့ၣ်လီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.