လံာ်သိၣ်လီၤသီလီၤတၢ် 8:3 - Sgaw Karen Common Bible

³ အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

လံာ်သိၣ်လီၤသီလီၤတၢ် 8:3 Iomraidhean Croise

စံးထီၣ်ပတြၢၤ 105:40

အဝဲသ့ၣ်ဃ့တၢ်, ဒီးယွၤဆှၢလီၤထိၣ်ဘှၢၣ်တဖၣ်, အဝဲဒၣ်ဟ့ၣ်လီၤတၢ်အီၣ်လၢ မူခိၣ်လၢကဒုးဘျဲးအီၣ် အဝဲသ့ၣ်အဂီၢ်လီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်မးသဲ 4:4

ဘၣ်ဆၣ်ဒီး ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘ပှၤကညီတမူဝဲထဲလၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢအထီၣ်ဖျဲးလၢကစၢ်ယွၤအထးခိၣ် ကိးထံၣ်ကိးဘီဒဲးလီၤ’ ” (သိၣ်သီ. ၈:၃).

လံာ်လူၤကၣ် 4:4

ယ့ၣ်ၡူးစံးဆၢတၢ်ဒီးစံးဝဲ, “တၢ်ကွဲးအသးစံးဝဲ, ‘ပှၤကညီမူဝဲထဲလၢကိၣ်တမံၤဧိၤတသ့ဘၣ်.’ ”

1 ကရံၣ်သူး 10:3

အဝဲသ့ၣ်ကိးဂၤဒဲးအီၣ်ကိၣ်တဖျၢၣ်ဃီလၢအဘၣ်ဃးဒီးသး

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.

လံာ်သိၣ်လီၤသီလီၤတၢ် 29:6

ကိၣ်လၢသုကအီၣ်မ့ၢ်ဂ့ၤ, စပံးထံမ့တမ့ၢ်သံးလၢသုကအီမ့ၢ် ဂ့ၤတအိၣ်ဒီးသုဘၣ်. ဘၣ်ဆၣ်ယွၤမၤပှဲၤထီၣ်သုတၢ်လိၣ်တဖၣ်ဒ်သိးကသိၣ်လိသုလၢအဝဲ မ့ၢ်သုကစၢ်ယွၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.