လံာ်သိၣ်လီၤသီလီၤတၢ် 8:18 - Sgaw Karen Common Bible

¹⁸ သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်သိၣ်လီၤသီလီၤတၢ် 8:18 Iomraidhean Croise

လံာ်တၢ်ကဲထီၣ်အခီၣ်ထံး 32:14

မဲာ်တဲးလဲးမိၢ်ခံကယၤဒီးအဖါခံဆံ,

လံာ်ကွဲးနီၣ်တၢ်အခီၣ်ထံးတဘ့ၣ် 29:12

ကယဲၢ်တၢ်ထူးတၢ်တီၤတဖၣ်စ့ဒီးတၢ်စုလီၢ်ခီၣ်ခိၣ်န့ၣ်ဟဲလၢ နအိၣ်လီၤ. နပၢတၢ်ခဲလၢာ်လၢနဂံၢ်နဘါဒီးနစိနကမီၤ, ဒီးနဒုးကဲထီၣ်ပှၤတဂၤလၢ်လၢ်လၢပှၤအဒိၣ်ဒီးပှၤအဆူၣ်သ့ဝဲ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:9

စီၤအမၤစယါသံကွၢ်ဝံန့ၣ် “မ့မ့ၢ်ဒ်န့ၣ်ဒီးကယဲၢ်စ့လၢယဟ့ၣ် လီၤလံလၢတၢ်ဒိးလဲအဝဲသ့ၣ်အဂီၢ်န့ၣ်, ပကမၤဒ်လဲၣ်.” ဝံန့ၣ်စံးဆၢအီၤ, “ယွၤဟ့ၣ်က့ၤနၤအါန့ၢ်အလီၢ်သ့ဝဲလီၤ.”

စံးထီၣ်ပတြၢၤ 144:1

ယွၤ, ယလၢၢ်ယလ့, ပှၤလၢအသိၣ်လိယစုလၢတၢ်ဒုးအဂီၢ်, ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်တဂၤန့ၣ်, မ်အဘၣ်တၢ်စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယံးရမံယၤ 23:27

အဝဲသ့ၣ်ဆိကမိၣ်ဝဲလၢတၢ်မံမီၢ်တဖၣ်လၢအဝဲသ့ၣ်တဲဝဲန့ၣ်, ကဒုးသးပ့ၤနီၣ်ကွံာ်ယပှၤဂီၢ်မုၢ်လၢယၤ, ဒ်အဝဲသ့ၣ်အပၢ်တဖၣ်သးပ့ၤ နီၣ်ကွံာ်ယၤဒီးဃၣ်ဃီၤအသးဆူ, ဘဧၤလးအအိၣ်အသိးန့ၣ်လီၤ.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်သိၣ်လီၤသီလီၤတၢ် 26:10

လၢတၢ်န့ၣ်အဃိခဲအံၤ, တၤသူတၤသၣ်လၢယွၤဟ့ၣ်တ့ၢ်ယၤလၢယကကူး က့ၤအီၤအခီၣ်ထံးတပူန့ၣ်, ယဟဲစိာ်အီၤဆူ ယွၤအအိၣ်န့ၣ်လီၤ.’ အန့ၣ်ဝံၤဒီးပာ်လီၤနာ်လၢယွၤအမဲာ်ညါဒီးဘူၣ်ထီၣ်ဘါထီၣ်တၢ် ဖဲန့ၣ်တက့ၢ်.

လံာ်သိၣ်လီၤသီလီၤတၢ် 6:11

ဟံၣ်တဖၣ်ကပှဲၤဝဲဒီးတၢ်အပီးအလီအဂ့ၤတဖၣ်လၢသုတဒၢနုာ်တ့ၢ် အီၤဘၣ်, ဒီးထံပူၤတဖၣ်လၢသုတခူၣ်လီၤဘၣ်အီၤန့ၣ်ကအိၣ်ဝဲ, ဒီးစပံးလီၢ်တဖၣ်, သ့ၣ်စၤယံးအတၤသၣ်လီၢ်တဖၣ်, လၢသုတသူၣ်လီၤဘၣ်အီၤန့ၣ်လီၤ. ဖဲယွၤဆှၢသုဆူကီၢ်အံၤအ ပူၤ, ဒီးသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤန့ၣ်,

လံာ်သိၣ်လီၤသီလီၤတၢ် 7:12

သုမ့ၢ်ဒိကနၣ်တၢ်မၤလိာ်တဖၣ်အံၤဒီးစူၢ်အီၤလၢတၢ်သူၣ်တီသး ရၤအပူၤန့ၣ်, အန့ၣ်တစု, ယွၤ, သုကစၢ်ကဟံးဃာ်ထွဲဒံးအတၢ် အၢၣ်လီၤဒီးသုဒီးကဒုးနဲၣ်သုလၢအတၢ်အဲၣ်တထံၣ်ဃီဒ်အဝဲ အၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 8:1

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤ အံၤလၢတၢ်သူၣ်တီသးရၤအပူၤဒ်သိးသုကမူ, အါထီၣ်လၢနီၣ်ဂံၢ်ဒီးမၤန့ၢ်ကီၢ်တဘ့ၣ်လၢယွၤအၢၣ်လီၤတ့ၢ်လၢ ကဟ့ၣ်လီၤဝဲဆူသုမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.

လံာ်ပှၤစံၣ်ညီၣ်ကွီၢ် 7:2

ဒီးယွၤစံးဘၣ်စီၤကံးဒဧိၣ်, “ပှၤအိၣ်ဒီးနၤတဖၣ်အါကဲာ်ဆိးလၢယကဟ့ၣ်အီၤ တၢ်မၤနၢၤလၢပှၤမံးဒယၣ်ဖိတဖၣ်အဖီခိၣ်န့ၣ်လီၤ. အဝဲသ့ၣ်ကဆိကမိၣ်ဘၣ်ဖုးလၢအမၤနၢၤတၢ်လၢအနီၢ်ကစၢ်ဒၣ်ဝဲဒီး တဟ့ၣ်ယၤလၢတၢ်လၤကပီၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:7

အဝဲဒုးဖှီၣ်ပှၤတနီၤဒီးအဂၤတနီၤန့ၣ်ဒုးကဲဒိၣ်ဝဲလီၤ. အဝဲဆီၣ်လီၤပှၤတနီၤဒီးအဂၤတနီၤန့ၣ်မၤဒိၣ်မၤသွါ ဝဲလီၤ.