လံာ်သိၣ်လီၤသီလီၤတၢ် 8:17 - Sgaw Karen Common Bible

¹⁷ လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

လံာ်သိၣ်လီၤသီလီၤတၢ် 8:17 Iomraidhean Croise

လံာ်စီၤယိၤဘး 31:25

ဒီးယတပာ်ကဖၢလၢယသးလၢယတၢ်စုလီၢ်ခီၣ်ခိၣ်အဃိ မ့ၢ်ဂ့ၤနီတဘျီဘၣ်.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:6

ပာ်လီၤဝဲတၢ်အကတီၢ်လၢတၢ်ထံၣ်န့ၢ်တၢ်အဂီၢ်ဒီးတၢ် အကတီၢ်လၢတၢ်ကဟါမၢ်အဂီၢ်, ဒီးတၢ်အကတီၢ်လၢတၢ်ကပာ်ဖှိၣ်ပာ်တံၤတၢ်အဂီၢ်, ဒီးတၢ်အကတီၢ်လၢတၢ်ကစူးကွံာ်ညိကွံာ်တၢ်အဂီၢ်,

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယံးရမံယၤ 9:22

ပှၤသံစိၣ်တဖၣ်အိၣ်လီၤပြံလီၤပြါလၢတၢ်လီၢ်ကိးပူၤဒဲး, လီၤဂာ်ဒီးတၢ်အ့ၣ်တၢ်ဆံၣ်အပူၣ်တဖၣ် လၢစံာ်ဧိၤပှဲၤဧိၤအပူၤ, လီၤဂာ်ဒီးဘုခ့လၢတၢ်ကူးဒီးပာ်လီၤတ့ၢ်အီၤလၢ ပှၤကူးတၢ်ဖိတဖၣ်, ဘုခ့လၢပှၤတထၢဖှိၣ်အီၤနီတဂၤဘၣ်န့ၣ်လီၤ. အအံၤမ့ၢ်တၢ်လၢယွၤမၤတ့ၢ်ယၤလၢယကဘၣ် စံးဘၣ်တဲဘၣ်န့ၣ်လီၤ.”

လံာ်ယဃ့းစက့လး 28:5

နမၤပနံၣ်တၢ်ကၤအတၢ်မၤအိၣ်ဒီးတၢ်သးဆး, တၢ်ပ့ၢ်တၢ်ဆှါဒီး နမၤအါထီၣ်နတၢ်စုလီၢ်ခီၣ်ခိၣ်ကွ့ၢ်ကွ့ၢ်န့ၣ်လီၤ. နပာ်ထီၣ်ထီနသးလၢ နတၢ်ထူးတၢ်တီၤတဖၣ်အဃိဒိၣ်မးလဲၣ်.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်ဃဘးကူာ် 1:16

အဝဲသ့ၣ်ဘူၣ်ထီၣ်ဘါထီၣ်ဒၣ်အပှာ်ဧိၤစၤဧိၤတဖၣ်, ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဂ့ၢ်ဒ်အံၤ, အပှာ်ဧိၤစၤဧိၤတဖၣ်လုၢ်အီၣ်အဝဲသ့ၣ်ဒီးတၢ် အဂ့ၤကတၢၢ်လၢတၢ်ကိးမံၤဒဲးအကျါန့ၣ်လီၤ.

1 ကရံၣ်သူး 4:7

မ့ၢ်မတၤတဂၤဒုးလီၤဆီနၤဒီးပှၤအဂၤတဖၣ်လဲၣ်. တၢ်ခဲလၢာ်ခဲဆ့လၢအအိၣ်ဒီးသုန့ၣ်ကစၢ်ယွၤဟ့ၣ်သုတမ့ၢ်ဘၣ်ဧါ. မ့မ့ၢ်ဒ်န့ၣ်ဒီး, သုကတိၤပာ်ကဖၢလၢသုသးဒ်တၢ်အိၣ်ဒီး သုတမ့ၢ်တၢ်ဟ့ၣ်န့ၣ်ကသ့ဝဲလၢကျဲဒ်လဲၣ်.

လံာ်သိၣ်လီၤသီလီၤတၢ် 7:17

တဲလီၤသုသးလၢပှၤတဖၣ်အံၤအနီၣ်ဂံၢ်အါန့ၢ်ဒံးသုဒီးသုနီၣ် ထီၣ်ကွံာ်အီၤတန့ၢ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 9:4

ဖဲယွၤ, သုကစၢ်ယွၤနီၣ်ထီၣ်ကွံာ်အဝဲသ့ၣ်လၢသုဂီၢ်ဝံၤတစု န့ၣ်, စံးလီၤသုသးလၢအဝဲဆှၢနုာ်သုလၢသုကမၤန့ၢ်ဘၣ်ကီၢ်အံၤ, မ့ၢ်လၢသုကြၢးဒိးန့ၢ်အီၤအဃိန့ၣ်တဂ့ၤ. တမ့ၢ်ဘၣ်. ယွၤကနီၣ်ထီၣ်ကွံာ်ပှၤဂီၢ်မုၢ်တဖၣ်အံၤလၢသုဂီၢ်, မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 7:2

ဒီးယွၤစံးဘၣ်စီၤကံးဒဧိၣ်, “ပှၤအိၣ်ဒီးနၤတဖၣ်အါကဲာ်ဆိးလၢယကဟ့ၣ်အီၤ တၢ်မၤနၢၤလၢပှၤမံးဒယၣ်ဖိတဖၣ်အဖီခိၣ်န့ၣ်လီၤ. အဝဲသ့ၣ်ကဆိကမိၣ်ဘၣ်ဖုးလၢအမၤနၢၤတၢ်လၢအနီၢ်ကစၢ်ဒၣ်ဝဲဒီး တဟ့ၣ်ယၤလၢတၢ်လၤကပီၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:7

အဝဲဒုးဖှီၣ်ပှၤတနီၤဒီးအဂၤတနီၤန့ၣ်ဒုးကဲဒိၣ်ဝဲလီၤ. အဝဲဆီၣ်လီၤပှၤတနီၤဒီးအဂၤတနီၤန့ၣ်မၤဒိၣ်မၤသွါ ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:23

ဘၣ်ဆၣ်ဒီးစီၤဒၤဝံးစံးဝဲဒၣ်, “ယဒီပုၢ်ဝဲၢ်သ့ၣ်ဧၢ, တၢ်လၢယွၤဟ့ၣ်ပှၤန့ၣ်သုမၤအီၤဒ်အံၤတသ့ဘၣ်. အဝဲကဟုဘံၣ်ကယာ်ဘၢပှၤဒီးဟ့ၣ်ပှၤတၢ်မၤနၢၤလၢ ပှၤဂုာ်ဆူၣ်ပျိဆူၣ်တၢ်တဖၣ်အဖီခိၣ်လီၤ.