လံာ်သိၣ်လီၤသီလီၤတၢ် 8:16 - Sgaw Karen Common Bible

¹⁶ လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:16 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 15:25

ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 16:15

ဒီးဖဲပှၤအံၣ်စရ့လးဖိတဖၣ်ထံၣ်ဘၣ်တၢ်န့ၣ်ဒီးအဝဲသ့ၣ်တသ့ၣ် ညါဝဲလၢအမ့ၢ်တၢ်မနုၤလဲၣ်ဘၣ်အဃိသံကွၢ်လိာ်အသး, “တၢ်အံၤမ့ၢ်တၢ်မနုၤလဲၣ်.” န့ၣ်လီၤ. စီၤမိၤၡ့စံးဘၣ်အဝဲသ့ၣ်, “တၢ်အံၤမ့ၢ်တၢ်အီၣ်လၢယွၤဟ့ၣ်လီၤသုလၢသုကအီၣ်အဂီၢ်လီၤ.

လံာ်တၢ်ဟးထီၣ်ကွံာ် 16:31

ပှၤအံၣ်စရ့လးဖိတဖၣ်ကိးဝဲတၢ်အီၣ်န့ၣ်လၢမၤနၤလီၤ. တၢ်န့ၣ်မၤသးဒ်တၢ်အချံဝါဝါဆံးဆံးဖိဒီးဝံၣ်ဝဲဒ်ကိၣ်ဘ့ၣ် ဘၣ်ဘူတလါဖိတဖၣ်လၢအဘၣ်တၢ်မၤအီၤဃုာ်ဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 16:4

ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ဒၤနံးယ့လး 11:35

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တနီၤကဘၣ်တၢ်မၤသံကွံာ်အီၤ, ဘၣ်ဆၣ်ဒီးလၢတၢ်အံၤအဃိပှၤဂီၢ်မုၢ်ကဘၣ်တၢ်မၤကဆှီအီၤလီၤ. တၢ်အံၤကမၤအသးတုၤတၢ်အကတၢၢ်တုၤဝဲ, တၢ်အကတီၢ်လၢ ကစၢ်ယွၤပာ်လီၤဝဲန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.