လံာ်သိၣ်လီၤသီလီၤတၢ် 8:14 - Sgaw Karen Common Bible

¹⁴ ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

လံာ်သိၣ်လီၤသီလီၤတၢ် 8:14 Iomraidhean Croise

လံာ်စီၤပၤခံဘ့ၣ်တဘ့ၣ် 14:10

ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 17:38

ဒီးသုတဘၣ်သးပ့ၤနီၣ်တၢ်အၢၣ်လီၤအီလီၤလၢယမၤတ့ၢ်ဒီးသု န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

စံးထီၣ်ပတြၢၤ 106:21

အဝဲသ့ၣ်သးပ့ၤနီၣ်ကွံာ်ကစၢ်ယွၤ, ပှၤအုၣ်က့ၤခီၣ်က့ၤအီၤ, ပှၤလၢအမၤတ့ၢ်တၢ်အဒိၣ်တဖၣ်လၢ အဲၤကူပတူးအပူၤန့ၣ်လီၤ.

စံးထီၣ်ပတြၢၤ 78:7

လၢကျဲဒ်အံၤ, အဝဲသ့ၣ်စ့ၢ်ကီးကသန့ၤအသးလၢကစၢ်ယွၤအပူၤ, ဒီးတသးပ့ၤနီၣ်တၢ်လၢယွၤမၤတ့ၢ်ဝဲတဖၣ်န့ၣ်ဘၣ်. မ့မ့ၢ်အဝဲသ့ၣ်ကစူၢ်ယွၤအတၢ်မၤလိာ်တဖၣ် ထီဘိန့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 23:27

အဝဲသ့ၣ်ဆိကမိၣ်ဝဲလၢတၢ်မံမီၢ်တဖၣ်လၢအဝဲသ့ၣ်တဲဝဲန့ၣ်, ကဒုးသးပ့ၤနီၣ်ကွံာ်ယပှၤဂီၢ်မုၢ်လၢယၤ, ဒ်အဝဲသ့ၣ်အပၢ်တဖၣ်သးပ့ၤ နီၣ်ကွံာ်ယၤဒီးဃၣ်ဃီၤအသးဆူ, ဘဧၤလးအအိၣ်အသိးန့ၣ်လီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်ဟိၤၡ့ 13:6

ဘၣ်ဆၣ်ဖဲနနုာ်လီၤဆူကီၢ်လၢအဂ့ၤဝဲအပူၤန့ၣ်, နဘျဲးအီၣ်ဘျဲးအီဒီးသးမံနဲဒၣ်, ဒီးနသးထီၣ်ထီနဲဒီးသးပ့ၤနီၣ်ကွံာ်ယၤန့ၣ်လီၤ.

လံာ်တၢ်ဂံၢ် 15:39

တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 5:6

ယမ့ၢ်ယွၤ, သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢ ကီၢ်အဲၤကူပတူးဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 6:11

ဟံၣ်တဖၣ်ကပှဲၤဝဲဒီးတၢ်အပီးအလီအဂ့ၤတဖၣ်လၢသုတဒၢနုာ်တ့ၢ် အီၤဘၣ်, ဒီးထံပူၤတဖၣ်လၢသုတခူၣ်လီၤဘၣ်အီၤန့ၣ်ကအိၣ်ဝဲ, ဒီးစပံးလီၢ်တဖၣ်, သ့ၣ်စၤယံးအတၤသၣ်လီၢ်တဖၣ်, လၢသုတသူၣ်လီၤဘၣ်အီၤန့ၣ်လီၤ. ဖဲယွၤဆှၢသုဆူကီၢ်အံၤအ ပူၤ, ဒီးသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤန့ၣ်,

လံာ်သိၣ်လီၤသီလီၤတၢ် 8:11

မၤလီၤတံၢ်လၢ, သုတသးပ့ၤနီၣ်ဘၣ်ယွၤ, သုကစၢ်ယွၤဘၣ်န့ၣ်တ က့ၢ်. လီၤတိၢ်ကွံာ်လၢတၢ်စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ လၢယဟ့ၣ်လီၤသုလၢမုၢ်မဆါတနံၤအံၤန့ၣ်တဂ့ၤ.

လံာ်သိၣ်လီၤသီလီၤတၢ် 8:13

ဒီးဖဲသုဂီၤဘုၣ်ဂီၤဖံးဒီးသိတဖၣ်, သုစ့ဒီးသုထူဒီး ကယဲၢ်သုတၢ်စုလီၢ်ခီၣ်ခိၣ်တဖၣ်အါထီၣ်ဂီၢ်ထီၣ်လံန့ၣ်,

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.