လံာ်သိၣ်လီၤသီလီၤတၢ် 7:24 - Sgaw Karen Common Bible

²⁴ အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်သိၣ်လီၤသီလီၤတၢ် 7:24 Iomraidhean Croise

စံးထီၣ်ပတြၢၤ 9:5

နသိၣ်ဃီၣ်ပှၤလၢတဘူၣ်ထီၣ်ဘါထီၣ်နၤတဖၣ်, နမၤဟးဂီၤပှၤတတီတလိၤလံ. နတြူာ်ကွံာ်အမံၤလီၤစိၤလီၤထီလံ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 15:57

ဘၣ်ဆၣ်ဒီး ကစၢ်ယွၤလၢအဟ့ၣ်ပှၤတၢ်မၤနၢၤခီဖျိပကစၢ် ယ့ၣ်ၡူးခရံာ်တဂၤန့ၣ်, မ်အဘၣ်တၢ်စံးဘျုးစံးဖှိၣ်အီၤတက့ၢ်.

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.

လံာ်စီၤယိၤၡူ 10:23

ဒီးအဝဲသ့ၣ်မၤဒ်န့ၣ်, ဒီးဟဲဆှၢထီၣ်စီၤပၤယဲၢ်ဂၤန့ၣ်လၢတၢ်က အိပူၤဆူအအိၣ်, ဝ့ၢ်ယရူၤၡလ့ၣ်အစီၤပၤ, ဃ့ဘြိၣ်အစီၤပၤ, ယၢ်မူသးအစီၤပၤ, လၤကံၣ်အစီၤပၤ, ဒီးဧ့းကလိၣ်အစီၤပၤန့ၣ် လီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 11:17

တၢ်လီၢ်တဖၣ်အံၤစးထီၣ်အသးလၢကစၢၢ်ဃးလးလၢကလံၤထံးဘူးဒီး ကီၢ်စ့အၢ်, ပၢၢ်တုၤလၢဝ့ၢ်ဘဧၤလးကးလၢကလံၤစိးလၢလဘၤနိၣ်တၢ်ပၢၤခိၣ် လၢကစၢၢ်ဃ့ရမိၣ်အကလံၤထံးန့ၣ်လီၤ. ဒီးမၤန့ၢ်အစီၤပၤခဲလၢာ်, ကျီသံကွံာ်အီၤ, ဒီးမၤသံကွံာ်အီၤခဲလၢာ်န့ၣ်လီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်စီၤယိၤၡူ 23:3

ဒီးသုထံၣ်ဘၣ်လံတၢ်လၢယွၤသုကစၢ်ယွၤမၤဘၣ်ပှၤကလုာ် တဖၣ်အံၤခဲလၢာ်လၢသုဂီၢ်, အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်အဃိန့ၣ်လီၤ.

လံာ်စီၤယိၤၡူ 23:9

ယွၤနီၣ်ထီၣ်ဟီထီၣ်ကွံာ်ပှၤကလုာ်ဖး ဒိၣ်ဒီးပှၤကလုာ်လၢအဂံၢ်ဆူၣ်တဖၣ်လၢသုမဲာ်ညါဒီးမ့မ့ၢ် လၢသုဝဲသ့ၣ်အဂီၢ်န့ၣ်, ပှၤဆၢထၢၣ်ပၢၢ်ဆၢသုသ့တုၤမုၢ်မဆါတနံၤအံၤတအိၣ်နီတဂၤဘၣ်န့ၣ်လီၤ.

လံာ်စီၤယိၤၡူ 6:2

ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.