လံာ်သိၣ်လီၤသီလီၤတၢ် 7:22 - Sgaw Karen Common Bible

²² တစဲးဘၣ်တစဲးန့ၣ်, အဝဲကနီၣ်ထီၣ်ကွံာ်ပှၤကလုာ်တဖၣ်အံၤ, ဖဲသုလဲၤထီၣ်ဒုးတၢ်န့ၣ်လီၤ. သုမၤဟးဂီၤကွံာ်အဝဲသ့ၣ်ခဲ လၢာ်တဘျီဃီတန့ၢ်ဘၣ်. အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးဆၣ်ဖိကီၢ်ဖိအမံၤတဖၣ်ကအါထီၣ် ဝဲဒီးကကဲထီၣ်တၢ်မၤပျံၤမၤဖုးလၢသုဂီၢ်န့ၣ်လီၤ.

လံာ်သိၣ်လီၤသီလီၤတၢ် 7:22 Iomraidhean Croise

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.