လံာ်သိၣ်လီၤသီလီၤတၢ် 7:2 - Sgaw Karen Common Bible

² ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 7:2 Iomraidhean Croise

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:2

(ပှၤကံးဘိၣ်ဖိတဖၣ်န့ၣ်တမ့ၢ်ပှၤအံၣ်စရ့လးဖိတဖၣ်ဘၣ်. အဝဲသ့ၣ်မ့ၢ်ပှၤအဆံးဖိတဖုလၢအမိၢ်ဖိအကျါလၢပှၤအံၣ်စရ့လးဖိတဖၣ် အၢၣ်လီၤဝဲလၢကအိၣ်ပှိၤဒီဒၣ်အီၤဘၣ်ဆၣ်, စီၤစီလူးကျဲးစၢးဒ်သိးကမၤဟးဂီၤကွံာ်အဝဲသ့ၣ် မ့ၢ်လၢအဝဲဒၣ်အတၢ်သးဆူၣ်သးဂဲၤလၢ ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်အဂီၢ်အဃိန့ၣ်လီၤ.)

လံာ်စီၤပၤအခီၣ်ထံးတဘ့ၣ် 20:34

စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

စံးထီၣ်ပတြၢၤ 106:34

အဝဲသ့ၣ်တမၤသံကွံာ်ပှၤတဘူၣ်ထီၣ်ဘါထီၣ်ယွၤဒ် ယွၤမၤလိာ်အဝဲသ့ၣ်လၢကမၤဝဲန့ၣ်ဘၣ်.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်တၢ်ဂံၢ် 21:2

တုၤနုၤတစု, ပှၤအံၣ်စရ့လးဖိမၤတၢ်ဆိၣ်တမံၤဒီးယွၤစံးဝဲ, “နမ့ၢ်ပျဲပမၤနၢၤကွံာ်ပှၤတဖၣ်အံၤဒီးပကလုၢ်ထီၣ်အဝဲသ့ၣ် ဒီးအဝ့ၢ်တဖၣ်ဆူနအိၣ်လၢတၢ်သူၣ်အိၣ်သးအိၣ်အပူၤဒီးမၤဟးဂီၤ ကွံာ်အဝဲသ့ၣ်န့ၣ်လီၤ.”

လံာ်တၢ်ဂံၢ် 31:17

မၤသးဒ်န့ၣ်ဒီး, ခဲအံၤမၤသံကွံာ်ပှၤပိာ်ခွါဖိကိးဂၤဒီး ပိာ်မုၣ်ကိးဂၤဒဲးလၢအမံဃုာ်ဂဲၤဃုာ်တ့ၢ်လၢတၢ်မုာ်ဖံးမုာ် ညၣ်အပူၤ,

လံာ်တၢ်ဂံၢ် 33:52

သုကဘၣ်ဟီထီၣ်ကွံာ်ကယဲၢ်ပှၤအိၣ်ဆိးလၢကီၢ်န့ၣ်အပူၤခဲလၢာ် လီၤ. မၤဟးဂီၤကွံာ်ကယဲၢ်အဝဲသ့ၣ်အလၢၢ်တဖၣ်, တၢ်ဂီၤတၢ်ဖီၣ်လၢတိၢ်, စ့, ထးတဖၣ်ဒီးကယဲၢ်အတၢ်ဘူၣ်တၢ်ဘါအလီၢ်တဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 13:8

ဘၣ်ဆၣ်ဒီးပျဲအဝဲကတိၤလွဲန့ၢ်သုတဂ့ၤ. ဒိကနၣ်အီၤဒၣ်လဲာ် တဂ့ၤ. ဒုးနဲၣ်အီၤသုတၢ်သူၣ်ကညီၤသးကညီၤမ့ၢ်ဂ့ၤသုတၢ်သးအိၣ်အီၤမ့ၢ်ဂ့ၤ, န့ၣ်တဂ့ၤ. ဒီးဒီဒၣ်အိၣ်ပှိၤအီၤတဂ့ၤ.

လံာ်သိၣ်လီၤသီလီၤတၢ် 13:9

မၤသံကွံာ်အီၤတက့ၢ်. ကဲထီၣ်ပှၤအဆိကတၢၢ်တဂၤလၢက ကွံာ်အီၤလၢလၢၢ်တက့ၢ်. ဝံၤဒီးပျဲပှၤအဂၤခဲလၢာ်ကွံာ်စ့ၢ် ကီးအီၤလၢလၢၢ်တက့ၢ်.

လံာ်သိၣ်လီၤသီလီၤတၢ် 19:13

ဒုးနဲၣ်တၢ်သးကညီၤလၢအီၤနီတစဲးတဂ့ၤ. ဒုးပူၤဖျဲးကီၢ်အံၣ်စရ့လးဒီးပှၤမၤသံတၢ်အံၤ, ဒ်သိးကယဲၢ်တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်ဒီးသုတက့ၢ်.

လံာ်သိၣ်လီၤသီလီၤတၢ် 2:33

ဘၣ်ဆၣ် ယွၤပကစၢ်ယွၤဒုးလီၤဘၣ်အီၤဆူ ပတၢ်စိတၢ်ကမိၤအပူၤ, ဒီးပမၤသံကွံာ်အီၤ, အဖိခွါတဖၣ်ဒီး အပှၤကညီတဖၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 2:34

တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 23:14

မၤကဆှဲကဆှီသုသူၣ်ဒဲအလီၢ်ဒ်တၢ်ဘူၣ်တၢ်ဘါအိၣ်ဝဲအလုၢ်အလၢ်အသိး, မ့ၢ်လၢယွၤသုကစၢ်ယွၤအိၣ်လၢသုသူၣ်ဒဲအလီၢ်, ဒ်သိးကဒီဒၣ်အိၣ်ပှိၤသုဒီးဟ့ၣ်လီၤသုတၢ်မၤနၢၤလၢ သုဒုၣ်သုဒါအဖီခိၣ်အဃိန့ၣ်တက့ၢ်. မၤတၢ်လၢအတကြၢးတဘၣ်တဃံတလၤနီတမံၤလၢယွၤကဃၣ်ဒူၣ်ချၢကွံာ် အသးလၢသုအဂီၢ်န့ၣ်တဂ့ၤ.

လံာ်သိၣ်လီၤသီလီၤတၢ် 25:12

သးကညီၤအီၤနီတစဲးတဂ့ၤ, ကျီတဲာ်ကွံာ်အစုတက့ၢ်.

လံာ်သိၣ်လီၤသီလီၤတၢ် 3:3

မၤသးဒ်န့ၣ်ဒီး, ယွၤဟ့ၣ်လီၤကွံာ်စ့ၢ်ကီးစီၤပၤစီၤဧိာ်ဒီး အပှၤဂီၢ်မုၢ်ဆူပစုပူၤဒီးပကျီသံကွံာ်အီၤခဲလၢာ်လီၤ.

လံာ်သိၣ်လီၤသီလီၤတၢ် 31:5

ယွၤကဟ့ၣ်သုတၢ်မၤနၢၤလၢအဝဲသ့ၣ်အဖီခိၣ်, ဒီးသုကဘၣ်မၤအဝဲသ့ၣ်လီၤတံၢ်လီၤဆဲးဒ်ယတဲဘၣ်သုအသိးန့ၣ်လီၤ.

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:30

ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:32

ဒီးယွၤဟ့ၣ်လီၤဝ့ၢ်လၤကံၣ်ဆူပှၤအံၣ်စရ့လးဖိအစုပူၤ ဒီးမၤန့ၢ်မၤနၢၤဝဲလၢတၢ်ဒုးခံသီ တသီန့ၣ်လီၤ. ဒ်အဝဲသ့ၣ်မၤတ့ၢ်ဝဲလၢဝ့ၢ်လံးဘနၤအသိး, တဒုးပူၤဖျဲးပှၤနီတဂၤဘၣ်ဒီးမၤသံပှၤခဲလၢာ်လၢဝ့ၢ်ပူၤန့ၣ်လီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်စီၤယိၤၡူ 8:24

ပှၤအံၣ်စရ့လးဖိတဖၣ်မၤသံကွံာ်အဒုၣ်အဒါ ခဲလၢာ်ဖဲတၢ်လီၢ်လီၤပျီလၢအဝဲသ့ၣ်လူၤဝဲအလီၢ်န့ၣ်လီၤ. ဝံၤဒီး, အဝဲသ့ၣ်က့ၤကဒါက့ၤဆူဝ့ၢ်ဂဲဒီးမၤသံပှၤဖဲန့ၣ် ခဲလၢာ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 1:24

ဒီးအဝဲသ့ၣ်ထံၣ်ပှၤတဂၤလၢအဟးထီၣ်လၢဝ့ၢ်ပူၤဒီးစံးဘၣ်အီၤ, “ဒုးနဲၣ်ပှၤကျဲလၢပကလဲၤနုာ်ဆူဝ့ၢ်ပူၤတက့ၢ်ဒီးပတမၤဆါ နၤဘၣ်.”

လံာ်ပှၤစံၣ်ညီၣ်ကွီၢ် 1:4

ဒီးယွၤဟ့ၣ်လီၤကွံာ်ပှၤကနၤဧၣ်ဒီးပှၤပရးစၤဖိတဖၣ်လၢအဝဲ သ့ၣ်အစုပူၤဒီးအဝဲသ့ၣ်တဖၣ်မၤနၢၤမၤဃၣ်ကွံာ်ပှၤအဂၤတကလးဖဲ ဝ့ၢ်ဘ့စ့းအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:2

သုတဘၣ်မၤတၢ်အၢၣ်လီၤအီလီၤဒီးပှၤဂီၢ်မုၢ်အိၣ်လၢကီၢ်အံၤ အပူၤဘၣ်. သုကဘၣ်မၤလီၤပှီၢ်ကွံာ်အတၢ်လုၢ်လီၢ်တဖၣ်လီၤ. ဘၣ်ဆၣ်ဒီးသုတမၤဒ်ယစံးတ့ၢ်သုအသိးဘၣ်. သုမၤတၢ်လၢ အထီဒါယၤတခီလီၤ.