လံာ်သိၣ်လီၤသီလီၤတၢ် 7:18 - Sgaw Karen Common Bible

¹⁸ ပျံၤဘၣ်အဝဲသ့ၣ်တဂ့ၤ. သ့ၣ်နီၣ်ထီၣ်တၢ်လၢယွၤ, သုကစၢ်ယွၤမၤတ့ၢ်ဘၣ်ကီၢ်အဲၤကူပတူးအစီၤပၤဒီးအပှၤဂီၢ်မုၢ် ခဲလၢာ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 7:18 Iomraidhean Croise

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 77:11

ကစၢ်ယွၤဧၢ, ယကသ့ၣ်နီၣ်ထီၣ်က့ၤနတၢ်မၤဖးဒိၣ်တဖၣ် ဒီးယကစံးဘၣ်တဲဘၣ်တၢ်မၤလီၤလးတဖၣ်လၢ နမၤတ့ၢ်လၢအပူၤကွံာ်န့ၣ်လီၤ.

စံးထီၣ်ပတြၢၤ 77:12

ယကဆိကမိၣ်ထီၣ်က့ၤကယဲၢ်တၢ်လၢနမၤတ့ၢ်ခဲလၢာ် ဒီးနစိနကမီၤအတၢ်ဖံးတၢ်မၤတဖၣ်န့ၣ်လီၤ.

စံးထီၣ်ပတြၢၤ 78:11

အဝဲသ့ၣ်သးပ့ၤနီၣ်တၢ်လၢယွၤမၤတ့ၢ်ဝဲ ဒီးတၢ်လီၤလးတဖၣ်လၢ အဒုးနဲၣ်တ့ၢ်အဝဲသ့ၣ်န့ၣ်လီၤ.

လံာ်တၢ်ဂံၢ် 21:34

ယွၤစံးဘၣ်စီၤမိၤၡ့, “ပျံၤအီၤတဂ့ၤ. ယကဟ့ၣ်နၤတၢ်မၤနၢၤလၢအဝဲ, ကယဲၢ်အပှၤဂီၢ်မုၢ်, ဒီးအထံအကီၢ်အဖီခိၣ်န့ၣ်လီၤ. မၤအီၤဒ်နမၤပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်, စီၤစံဃိၣ်အသိးန့ၣ်တက့ၢ်.”

လံာ်သိၣ်လီၤသီလီၤတၢ် 1:21

ကွၢ်တကၢ်. ကီၢ်လၢယွၤပကစၢ်ယွၤဟ့ၣ်လီၤသုန့ၣ်, အိၣ်ဖဲန့ၣ်လီၤ. လဲၤဒီးမၤန့ၢ်အီၤဒ်အဝဲမၤလိာ်တ့ၢ်ဝဲအသိး န့ၣ်တက့ၢ်. မၤယံာ်မၤနီၢ်သုသးဒီးပျံၤတၢ်တဂ့ၤ.

လံာ်သိၣ်လီၤသီလီၤတၢ် 1:29

ဘၣ်ဆၣ်ဒီးယတဲဘၣ်သု, ပျံၤပှၤဂီၢ်မုၢ်တဖၣ်န့ၣ်တဂ့ၤ.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.

လံာ်သိၣ်လီၤသီလီၤတၢ် 3:6

ပမၤဟးဂီၤကွံာ်ဝ့ၢ်ခဲလၢာ်ဒီးမၤသံကွံာ်ကယဲၢ်ပှၤပိာ်ခွါ, ပှၤပိာ်မုၣ်ဒီးဖိသၣ်တဖၣ်, ဒ်သိးဒၣ်ပမၤတ့ၢ်အီၤလၢဝ့ၢ်တဖၣ် အပူၤလၢအဘၣ်ဃးဒီးဝ့ၢ်ဃ့ၡဘိၣ်အစီၤပၤစီၤစံဃိၣ်အသိးန့ၣ်လီၤ.

လံာ်သိၣ်လီၤသီလီၤတၢ် 31:5

ယွၤကဟ့ၣ်သုတၢ်မၤနၢၤလၢအဝဲသ့ၣ်အဖီခိၣ်, ဒီးသုကဘၣ်မၤအဝဲသ့ၣ်လီၤတံၢ်လီၤဆဲးဒ်ယတဲဘၣ်သုအသိးန့ၣ်လီၤ.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်စီၤယိၤၡူ 8:1

ယွၤစံးဘၣ်စီၤယိၤၡူ, “ဟံးန့ၢ်ပှၤသုးဖိခဲလၢာ်ဒီးနၤဒီးလဲၤထီၣ်ဆူဝ့ၢ်ဂဲတ က့ၢ်. တဘၣ်ပျံၤတၢ်တဂ့ၤ, တဘၣ်သးဟးဂီၤတဂ့ၤ. ယကဟ့ၣ်နၤတၢ်မၤနၢၤလၢဝ့ၢ်ဂဲအစီၤပၤအဖီ ခိၣ်န့ၣ်လီၤ. အပှၤဂီၢ်မုၢ်, အဝ့ၢ်ဒီးအကီၢ်ကကဲထီၣ်နတၢ်လီၤ.

လံာ်ပှၤစံၣ်ညီၣ်ကွီၢ် 6:13

စီၤကံးဒဧိၣ်စံးဘၣ်အီၤ, “တၢ်ဒိၣ်ဧၢ, ယွၤမ့ၢ်အိၣ်ဒီးပှၤ န့ၣ်ဘၣ်မနုၤကယဲၢ်တၢ်ခဲလၢာ်အံၤမၤအသးဒီးပှၤန့ၣ်လဲၣ်. ကယဲၢ်တၢ်လီၤလးတဖၣ်လၢပပၢ်တဖၣ်တဲပှၤဘၣ်ဃးယွၤထုးထီၣ် အဝဲသ့ၣ်လၢကီၢ်အဲၤကူပတူးအပူၤ, တၢ်လၢယွၤမၤညီနုၢ်အီၤတဖၣ်န့ၣ်မၤအသးဒ်လဲၣ်. ယွၤညိကွံာ်တ့ၢ်လံပှၤ, ဒီးပာ်လီၤတဲာ်ပှၤလၢပှၤမံးဒယၣ်ဖိတဖၣ်အတၢ်သးကညီၤအပူၤလံ.”