လံာ်သိၣ်လီၤသီလီၤတၢ် 7:17 - Sgaw Karen Common Bible

¹⁷ တဲလီၤသုသးလၢပှၤတဖၣ်အံၤအနီၣ်ဂံၢ်အါန့ၢ်ဒံးသုဒီးသုနီၣ် ထီၣ်ကွံာ်အီၤတန့ၢ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 7:17 Iomraidhean Croise

လံာ်ယၡါယၤ 14:13

နပာ်လီၤတ့ၢ်နသးလၢနကလဲၤထီၣ်ဆူမူခိၣ်ဒီးပာ်လီၤနလီၢ်ပစိာ် လၢဆၣ်အထီကတၢၢ်တဖၣ်အဖီခိၣ်လီၤ. နဆိကမိၣ်တ့ၢ်လၢန ကဆ့ၣ်နီၤဘၣ်ဒ်စီၤပၤတဂၤအသိးလၢကစၢၢ်ဒီခိၣ်လၢကလံၤ စိးတကပၤဖဲကစၢ်တဖၣ်ပာ်ဖှိၣ်အသးန့ၣ်လီၤ.

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်တၢ်ဂံၢ် 13:32

မၤသးဒ်န့ၣ်ဒီးအဝဲသ့ၣ်ရၤလီၤတၢ်ကစီၣ်လၢအတတီလၢပှၤအံၣ်စရ့ လးဖိတဖၣ်အကျါဘၣ်ဃးဒီးကီၢ်လၢအဝဲသ့ၣ်လဲၤဃုထံၣ်သ့ၣ်ညါဝဲ အဂ့ၢ်န့ၣ်လီၤ. အဝဲသ့ၣ်စံးဝဲဒၣ်, “ကီၢ်အဝဲန့ၣ်ဟ့ၣ်ထီၣ်အတၤသၣ်တလၢဝဲလၢပှၤအိၣ်ဖဲန့ၣ်တဖၣ် အဂီၢ်ဒၣ်လဲာ်ဘၣ်. ပှၤကိးဂၤဒဲးလၢပထံၣ်ဘၣ်တ့ၢ်အီၤန့ၣ်အဂီၤထီဒိၣ်မး,

လံာ်တၢ်ဂံၢ် 21:34

ယွၤစံးဘၣ်စီၤမိၤၡ့, “ပျံၤအီၤတဂ့ၤ. ယကဟ့ၣ်နၤတၢ်မၤနၢၤလၢအဝဲ, ကယဲၢ်အပှၤဂီၢ်မုၢ်, ဒီးအထံအကီၢ်အဖီခိၣ်န့ၣ်လီၤ. မၤအီၤဒ်နမၤပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်, စီၤစံဃိၣ်အသိးန့ၣ်တက့ၢ်.”

လံာ်တၢ်ဂံၢ် 33:53

ဟံးန့ၢ်ကီၢ်န့ၣ်ဒီးသူၣ်လီၤဆီလီၤသုသးဖဲအပူၤန့ၣ်တက့ၢ်. အဂ့ၢ်ဒ်အံၤ, ယဟ့ၣ်လီၤတၢ်န့ၣ်လၢသုလီၤ.

လံာ်လူၤကၣ် 9:47

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်, သတးဒီးအဝဲဒၣ်ဟံးန့ၢ်ဖိသၣ်တဂၤ, ဒုးဆၢထၢၣ်ဝဲလၢအကပၤ

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 18:21

ဖဲဝံတဂၤအတၢ်ကစီၣ်တမံၤတဟဲဘၣ်လၢယွၤအအိၣ်ဘၣ်န့ၣ်, သုကအဲၣ်ဒိးသ့ၣ်ညါလၢသုတဲအီၤကသ့ဒ်လဲၣ်န့ၣ်လီၤ.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

လံာ်စီၤယိၤၡူ 23:3

ဒီးသုထံၣ်ဘၣ်လံတၢ်လၢယွၤသုကစၢ်ယွၤမၤဘၣ်ပှၤကလုာ် တဖၣ်အံၤခဲလၢာ်လၢသုဂီၢ်, အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်အဃိန့ၣ်လီၤ.